Ruma 10:9 - Fanawbuid tagsibaliwas Fakayabian

⁹ Aroro nu nafoyung tuo te, Isus tam Fun, ay nu gafanud tuo sas fagdaul am amatanganan te, Dius nafadog yay nafaleleg anya, umlangfe o.

Ruma 10:9 ပူးပေါင်းရင်းမြစ်များ

Lukas 12:8

“Ay glong au ayu te, nusnga sinu tagfoyung sa tiba te, ‘Gafanud au sas Isus,’ anggan au, Taw at Baguama, gfoyung kyangay ban sas Dius at ngay tagbarita te, ‘Kanya ku taw.’

Uan 9:22

At fagtainan at fagnalongun katanya, aroro kalimu taw Udyu at ngay tagfangguna, aroro kanya fagayu ansadi te, aiyani wan siginans bale fakafulan nusnga sinu tagfoyung te, Isus, Dius at nafili fag Fun.

Fakamulun 16:31

Ay duama nabalus te, “Afanudi sa tam Fun Isus laman umlangfe o ay anggan fagdaul am fagyafunan.”

Fakamulun 2:24

Dewa katanya, Dius nafadog nafaleleg anya ay nafalangfe siginans fakabulun at fagmabalyananun. At matuyan, fakabulun wa mababo anya.

Fakamulun 2:32

Ay at foyungan we tiba nu bunway Isus, Dius at nafadog nafaleleg ay natuyan ami te, kanya nadog naleleg.

Fakamulun 8:36

Ay duama kaduge glao sangaba dalan, andasug sa sik liskung, ay kafag taw nalong te, “Damai iste e mamam. O kya ro manga masine kasurung?”

Ruma 10:10

Aroro sik taw tagafanud tua, kanya katap kata sik taw yud e asalanan, ay nu gfoyung tua at fagafanudun, kanya umlangfe tua.

Ruma 14:11

Aroro at Rirukan nafoyung wa te, “Tam Fun nalong te, ‘Au, tagleleg fag Fun, gfatuyan au te, fagayu ban taw nangalub sa ku daga salubangan, ay galay ban at sadi gseg angku.’ ”

Ruma 14:9

Aroro tam Fun Isus at faginbulun ay at fagnadogun naleleg laman kanya wan at ngay tagleleg ay at ngay mabulan at Fun.

Ruma 4:24

nu bunway anggan tua itam. Antap yangay tam kata nu yud tam e asalanan, nu gafanud tua tam sas Dius, at nafadog nafaleleg Isus tam Fun siginan at fagmabulanan.

Ruma 8:34

Nu katanya, sinu ya at mafaurianan antam? Tam Fun Isus bundi lang anbul ay nadog naleleg, nu bunway kanya malunggung yangay sis Dius at siun, ay gwabilug antam gdarangin sas Dius.

1 Kurintu 12:3

Nu katanya, gfasaful au sa ayu te, Dius at Masine fag Falad nu gbanwan tua sas nusnga sinu fag taw, kanya fag taw di glong te, “Fagumfaurianan Isus.” Ay at Masine fag Falad nu dway nafamatanganan sik taw, kanya wa malong te, “Isus tam Fun.”

Filipus 2:11

ay kanya fagayu gfoyung te, Isus tam Fun, laman gfauseganan Dius tam Mama.

1 Pedru 1:21

Aroro siginan anya gafanud tuam sas Dius, at nafadog nafaleleg ay at nafauseganan anya. Nu katanya, e fagafanudun tuam ay e fagsegun sas Dius.

1 Uan 4:15

Nusnga sinu fag taw tagfoyung tua te, Isus tam Dius at Baguama, Dius gbanwan si anya ay kanya gbanwan yangay sis Dius.

2 Uan 1:7

Ngayuk tagfandaya nalo sas fagdaul daga. Kanya fag ngay taw at yud gafanud te, Isus ansik taw. Ay kanya fagayu gfandaya ay gfawayan tam Fun Isus.