Ruma 10:3 - Fanawbuid tagsibaliwas Fakayabian

³ Aroro wa nasaful te, setain Dius nu gtap sik taw kata nu yud e asalanan. Kanya fagayu nu gugatan sa way at sadili balyawvtan ay wa nafaning Dius at balyawvtan.

Ruma 10:3 ပူးပေါင်းရင်းမြစ်များ

Nemyas 9:33

Matuyan gfaurianan o emi. Ay matuyan yangay o sa emi, dewa katanya, sik ngay tagasalanan waymi.

Ub 33:27

Ay nu katanya, kanya malong tua sa sangay taw te, ‘Nasalan au ay nafakamulun au at yud matuyan, dewa katanya, kdi anfaurianan kata at faurianan ma sa angku.

Alubad. 71:19

Dius, we mafasud am fagmatuyanun ay am ngay fakamulun at maksvn nu madulo. Ay nusnga sinu, we mafasud emu.

Isayas 51:1

Yawi nalong te, “Dungugani angku, fagayu am takakbang sa angku laman umlangfe am. Amatangi ay mangaguyang Abrayam ay Sara. Dadwa kata sik fungsu, ay am at naggatvngan. Amatangi ay mangaguyang Abrayam, ay anggan Sara at nafasalug ayu. Ebi gina au nafili Abrayam, kanya sesadi yay, ay dewa katanya nafayu au at ngay kasugfunanan.

Isayas 51:6

Tangdai sas banwa, ay damai sas fagdaul daga. Banwa umkalyam kata sik anus, ay fagdaul daga umrasras kata sik lanbung, ay sanya fag ngay taw umbul masakit kata ngay lango. Ay dewa katanya ku fagnamonun fag fakalangfean gtaglayun tua ban gugat, ay ku fagmasineun ban di e fakatabuan kabavn.

Isayas 51:8

Aroro takatanya fag ngay taw kata way sik lanbung, ulud at naurit. Ay dewa katanya ku fagmasineun gtaglayun tua ban kabavn, ay namalangfe au fagayu kasugfunanan.”

Isayas 56:1

Katatuy Yawi at longan, “Matuyani tua nu gfawabilugan am, ay fakamuluni at masine, aroro munakbang wan nu gfalangfe au ayu ay nu gfasure au ku fagmatuyanun.

Isayas 57:12

Nu glong am, masine ay matuyan ay ngay nafakamulun, ay dewa katanya namasaful au te, setain ay ugali, ay takatanya fagayu we tungkul sa ayu.

Isayas 64:6

Fagayu ami wami masine ya gseg emu; em matuyan fag ngay fakamulun fagayu kata way sik fanrarus at masuya, ay ankata ami sik don at kin-gong, ay em ngay fagmauriun ankata sik tagmara nafalayug emi.

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Lukas 10:29

Ay kafag taw kaylat at iba nu gamatangan sa anya te, sia sik taw matuyan. Nu katanya, kanya nalong sas Isus te, “Sinu ku iba?”

Lukas 16:15

Ay Isus nalong te, “Dewam gfoyung sa tibak taw te, ‘Matuyan em fakamulun,’ Dius saful ay amatanganan. Aroro ngay taw at natuyan te, mafanud, kanya Dius kauri way.

Ruma 1:17

Aroro at Masine fag Barita gfoyung te, Dius gtap ngay taw kata nu yud e asalanan, siginans fagafanudun; kata at kinriruk te, “Sik taw at kintap kata nu yud e asalanan nu siginan tua at fagafanudun sas Dius, kanya ban gleleg tua.”

Ruma 10:2

Gfatuyan au te, kanya fagayu maseganama nu gfaning Dius, ay dewa katanya, at fagmaseganamaun bunwa siginan at matuyan fag fagsafulun.

Ruma 10:20

Ay Isayas wa kalimu gfoyung Dius at longan te, “Sik ngay taw yud grvbvy angku nalag tua angku, ay nafatoglag au ku sadili sa sangay taw at yud ginto sabaliwa angku.”

Ruma 11:7

Katsi malong tam te, ngay taw Israel wa nafabul at fagyabulun. At nafabul, Dius way lang at nafili fag ngay taw. Ay tiba kamaogatun way at ngay amatanganan.

Ruma 3:22

Dius natap fagayu taw kata nu yud e asalanan siginan nu gafanud sas Isus tam Fun, aroro Dius di e fagfili taw.

Ruma 3:26

Kanya nafakamulun takatanya laman gfasaful at fagmasineun sa katsi fag ngay taw, ay gfasaful yangay te, kanya matuyan nu gtap nusnga sinu tagafanud sas Isus kata nu yud e asalanan.

Ruma 5:19

Fagayu taw antap te, tagasalanan, siginan sadik taw at nafamaboan. Katanya yangay siginan sadik taw at nafaningan Dius, ngayuk taw at kintap kata nu yud e asalanan.

2 Kurintu. 5:21

Tam Fun Isus we asalanan, dewa katanya, aroro sa antam, Dius natap anya te, sik tagasalanan, laman siginan anya Dius gtap antam kata nu yud tam e asalanan.

Deuterunumyu 6:25

Ay nu gfaning tua tam fia Yawi tam Dius at ngay suguan, umsik ngay matuyan ban tam sit daga salubangan.”

Filipus 3:9

ay au, si ktua anya. Kwa ntap kata nu yud au e asalanan siginan ku nafaningan em faugali, nu bunway siginan tua ku fagafanudun sa tam Fun Isus. Ku fagintapun kata nu yud au e asalanan siginan tuas Dius, siginan ku fagafanudun.

2 Pedru 1:1

Au, Simun Pedru, tam Fun Isus at nasugu ay at fagsuguan. Griruk au sa ayu at ngay nabul at mafanud fag fagafanudun kata emi, aroro sa tam Dius ay Tagfalangfe, Isus tam Fun, at fagmatuyanun.