Ruma 10:2 - Fanawbuid tagsibaliwas Fakayabian

² Gfatuyan au te, kanya fagayu maseganama nu gfaning Dius, ay dewa katanya, at fagmaseganamaun bunwa siginan at matuyan fag fagsafulun.

Ruma 10:2 ပူးပေါင်းရင်းမြစ်များ

2 Fun 10:16

Yeu nalong te, “Aloi angku laman lumag o te, matuyan au sas Yawi.” Ay Yeunadab nanangalo anya.

Alubad. 14:4

Seduge yaban at mauri fag ngay taw nu katogdungug? Kanya fagayu gfaylatan ku fagfanggunaun fag ngay taw laman mafabul kata at naylatan. Ay kanya fagayu wa gdarangin sas Yawi.

Fangatulun 19:2

Dewa ngap o mabitsug, nu dway o e fagsafulun we tungkul, ay nu mafangabanganan way o, masakit way nu gsalan o.

Isayas 27:1

Ginanya ban, Yawi gbitbitan at mabalyanan at maruk fag fiso laman namabul Libyatan, kafag ule daul tagalafang sasad dagat.

Uan 16:2

Ngay taw ban gaiyan ayu siginan sangay bale fakafulan. Ay kadasug ban tibak buknga nusnga sinu ban at nafabul ayu gamatangan te, kanya fagayu gfaning Dius.

Fakamulun 21:20

Kafag ngay taw nu nadungug, kanya fagayu naseg Dius. Ay nalong sas Pablu te, “Faduksay, katsi, ngay taw Udyu, ngayu wan tagafanud sas Isus, ay kanya fagayu maseganama nu gfaning Muisis at Faugali.

Fakamulun 21:28

Ay kanya fagayu guro te, “Em kaiban fag ngay taw Israel, gubuki emi! Tuy fag taw gfoyung at yud matuyan sa tam faugali, ay sas Dius at bale dewa nday at fakadasugan. Saman kanya, nataban ya sas Dius at bale sik yud Udyu fag ngay taw, takatanya at fakamulun, gfauri way ste fag afud at yud e malong.”

Fakamulun 22:22

Ay Pablu fagnalong di katanya, ngay taw wa kaylat ya gdungugan anya. Ay kanya fagayu guro te, “Fabuli wan kafag taw! At masine, kanya lag nangus gleleg ya!”

Fakamulun 22:3

“Sik taw Udyu au, ay ansalug au sis Tarsu, sis talun Silisya, ay an-gurang stes Erusalem. Nu gadal au ste yangay, ay ku takamoyung Gamaliel. Kanya nafoyung sa angku Faugali tam ngay mangaguyang at nafaning yangay. Ay gfaning kyangay ayu at maseganama gfakamulun sa tam Dius.

Ruma 10:1

Ku ngay faduksay, maksvn ku fakaylatun ay ku darangin sas Dius te, ngay taw Israel ban nangus umlangfe tua.

Ruma 10:3

Aroro wa nasaful te, setain Dius nu gtap sik taw kata nu yud e asalanan. Kanya fagayu nu gugatan sa way at sadili balyawvtan ay wa nafaning Dius at balyawvtan.

2 Kurintu. 4:4

Kafag ngay taw wa gafanud, aroro Satanas, tagfunan fagdaul daga, nafalikbug kafag ngay taw at amatanganan laman kafag ngay taw wa nalag at Masine fag Barita at yamag sabaliwa tam Fun Isus at fagmabalyananun. Tam Fun Isus wan Dius at aninu.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

2 Kurintu. 8:3

Aroro kanya fagayu nu kamon bundi fabulunan, ay at fon bundi kayu at fagmakatuun gfon.

Galasya 1:14

Ay gtungud kyay ku ngay ibama gina au gfaning taw Udyu at fagafanudun. Ay au amaseganama kyap tua gfaning em ngay mangaguyang at faugali.

Galasya 4:15

Dada wan ebi ay fagusegananun ay nafalag sa angku? Natuyan au te, nu masine di, nagulad wam ay mata ay nafon sa angku.

Filipus 1:9

Gdarangin au sas Dius laman kaksvn nu kedkesugan am, ay kae fagsafulun ay fagmamatanganun,

Filipus 3:6

Aroro siginan ku kamaseganaman, nafauri au ngay tagafanud. Ay nafafaning au fia em faugali.

Kulusas 4:13

Gfatuyan au sa ayu te, kanya maksvn at fanggubukun sa ayu ay sa tam ngay faduksay sis furuan Laudisya ay sis furuan Ierapulis.