Ruma 1:3 - Fanawbuid tagsibaliwas Fakayabian

^3-4 At Masine fag Barita sabaliwa at Baguama, Isus tam Fun. Nu sabaliwa kanya nu nsik taw, kanya siginans fun Dabid at kasugfunanan. Ay sabaliwa at fagmasineun sas fanfalad, nafangayan anya te, Dius at Baguama at mabalyanan siginan nu gdog gleleg.

Ruma 1:3 ပူးပေါင်းရင်းမြစ်များ

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

Alubad. 2:7

Dius at nafili fag fun glong te, “Garingang au Yawi at nalong sa angku te, ‘O wan ku baguama, ay siginan katsi fag menit, au wan am mama.

Eremyas 33:26

ay katanya tua ban gugat ku nasadian sas Akub ay sa ku fagsuguan Dabid at ngay kasugfunanan. Nanfili kban siginans Dabid at kasugfunanan laman at nanfunan sas Abrayam, Isak, ay Akub at ngay kasugfunanan. Ay kafanyu kban anya fagayu ay gfafoli sat fagbanwanan siginan at fagatabananan.”

Amus 9:11

Umdasug ban sik menit gdog au namalindug Dabid at fagfagtainanan kata sik bale famoy at kinkiklas. Namasine kban kata ebi nu masine,

Mateu 1:1

Katatuy Isus tam Fun at ngay mangaguyang nu gdaddagan. Kanya Dabid ay Abrayam at kasugfunanan.

Mateu 1:16

Akub at baguama, Use, ay Use, Maria at indugan. Maria, Isus at mina. Isus at ngayan tiba te, Dius at nafili fag Fun.

Mateu 1:6

Ese at baguama, fun Dabid, ay fun Dabid at baguama, Sulumun, siginan Uryas at fagbubayun.

Mateu 12:23

Ay sanya fag ngay taw andulo ay gkamatoan te, “Malgau in wan fun Dabid at kasugfunanan.”

Mateu 15:22

Ay arodi sik mangena siginans talun Kanaan andasug sanya ay maksvn nu get te, “Ku Fun, fun Dabid at kasugfunanan, afanyui angku. Aroro sik mauri fag falad maksvn nu gfaidapan ku baguina.”

Mateu 26:63

Ay Isus wa garingang. Ay tiba tungud fag tagfon fanggalangun nalong yangay sas Isus te, “Balusi emi sa tagleleg fag Dius at daga salubangan, o o wan Dius at nafili fag Fun, Dius at Baguama?”

Mateu 27:43

Ay ngay tagfangguna nalong yangay te, “Kanya gafanud tua sas Dius, ay Dius nu kaylat tua anya, agvd, gulit watam, o namalfas ro anya katsi. Aroro kanya nalong te, ‘Au wan Dius at Baguama.’ ”

Mateu 3:17

Ay e naringang siginans banwa te, “Tuy wan ku fakesugun ku Baguama. Maksvn nu guseganan au anya.”

Mateu 9:27

Ay kaduge Isus glo sanya ginan, duak taw yud glag galo anya. Ay kafag duama nauro te, “Fun Dabid at kasugfunanan, afanyui emi.”

Lukas 1:35

Ay tagbarita nabalus te, “At Masine fag Falad umdasug ban sa emu, ay anggan Tiba Tungud at fagmabalyananun umtayuk ban sa emu, laman ban am fagfasalugun fag sisian yud e malong gfangayan ban anya te, Dius at Baguama.

Lukas 1:69

Kanya nafadasug sa antam sik mabalyanan fag tagfalangfe siginan at fagsuguan Dabid at kasugfunanan,

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Uan 1:34

Nalag au fia anya, ay gfatuyan kwa fia ayu te, kanya wan Dius at Baguama.”

Uan 1:49

Ay Natanael nafoyung te, “Takamoyung, o wan Dius at Baguama. O wan Israel at Fun.”

Uan 10:30

Au ay ku Mama, sadi waymi.”

Uan 10:36

Ay wain katsi ay faglongun te, nalong au mauri sabaliwas Dius siginan ku nalong te, Au wan Dius at Baguama? Dius nafili ay nasugu angku ste swa daga.

Uan 20:28

Ay Tumas nalong te, “Ku Fun ay ku Dius.”

Uan 20:31

Fagayu at kinriruk ste anriruk laman gafanud am te, Isus wan Dius at nafili fag Fun, ay at Baguama, ay nu gafanud tuam takatanya, mul tua ban am leleg siginan anya.

Uan 5:25

Matuyan nu glong au ayu te, kadasug ban tibak buknga, ay katsi wan, at ngay kinbul dumungug Dius at Baguama at aringang ay at dumungug lumeleg ban.

Uan 7:42

O nunda at marirukan sis Dius at Longan wa glong te, Dius at nafili fag Fun siginan ban fun Dabid at kasugfunanan, ay siginans Betleem, Dabid at furuan?”

Fakamulun 2:30

Dabid sik taglong ay nasaful Dius at fatuyanan te, at sadi ban at kasugfunanan umsik fun kata anya.

Fakamulun 3:13

Duan! Bundi ami! Nu bunway tam mangaguyang tua Abrayam, Isak ay Akub at Dius at nafakamulun takatanya laman gfon famauseganan sat fagsuguan Isus. Ay nafon am anya sat mabalyanan fag ngay taw laman namabul, ay nafauri am anya sis Pilatu at daga salubangan, dewa kanya kaylat gfalfas anya.

Fakamulun 8:36

Ay duama kaduge glao sangaba dalan, andasug sa sik liskung, ay kafag taw nalong te, “Damai iste e mamam. O kya ro manga masine kasurung?”

Fakamulun 9:20

Ay Saulu gfasigad gfoyung si sangay taw Udyu at ngay bale fakafulan, ay glong te, Isus wan Dius at Baguama.

Ruma 1:9

Gfaning au Dius sas fagdaul ku fakaylatun nu kamoyung au at Masine fag Barita sabaliwa at Baguama. Ay Dius nasaful wa te, gdarangin au gugat ayu,

Ruma 4:1

Setain taw Udyu at mangaguyang Abrayam nu katap te, matuyan?

Ruma 9:3

Ku fakaylatun nangus au wan tagafaurianan ay takasaruayan siginan tam Fun Isus, nu nlangfe tua ngap ban ku ngay kaiban.

Ruma 9:5

Dius nafili ngay taw Israel at ngay mangaguyang, ay sanya ginan yangay Dius at nafili fag Fun gina sia sik taw. Dius wan at mabalyanan sas fagayu, segi anya kabavn ban. Anud.

1 Kurintu 1:9

Matuyan tam Dius at nauro ayu laman masadi am sat Baguama, Isus tam Fun.

1 Kurintu 10:18

Amatangani sabaliwa ngay taw Israel. Kanya fagayu masadi nu gseg Dius, gina kon at afud fag fanggalangun siginans fagirugan.

Galasya 4:4

Dewa katanya, gina andasug at nafalganan fag menit, Dius nasugu at baguama ste swa daga. Kanya ansalug siginan sik mangena, ay gugali gfaning Muisis at Faugali.

1 Tesalunika 1:10

ay gfanya am at Baguama Isus, kanya at nafadog nafaleleg, nu kafoli siginans banwa. Ay kanya tagfalangfe ban antam sa takadasug fag faurianan.

1 Timuteu 2:5

Aroro sadi way tam Dius ay sadi way tam tagwabilug sa anya, we tiba nu bunway tam Fun Isus, kanya sik taw fia.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

2 Timuteu 2:8

Amatangi tam Fun Isus; kanya nadog yay naleleg, ay siginans fun Dabid at kasugfunanan. Kanya wan ku fagfoyungun sa sangay taw.

1 Uan 1:3

Gfoyung ami ayu em nadungug ay em nalag, laman e fagmasadiun am sa emi. Ay e fagmasadiun tua tam sa tam Mama ay sat Baguama, Isus tam Fun.

1 Uan 3:23

Katatuy Dius at suguan: afanudi sat Baguama, Isus tam Fun, ay edkesugani kata at suguan antam.

1 Uan 3:8

Ay fagayu tagfataglayun gasalanan, kanya Satanas way at taw. Aroro siginans fakasigadan Satanas gfakamulun gugat asalanan. Ay Dius at Baguama at fagindasugun, laman namamin Satanas at fakamulun.

1 Uan 4:15

Nusnga sinu fag taw tagfoyung tua te, Isus tam Dius at Baguama, Dius gbanwan si anya ay kanya gbanwan yangay sis Dius.

1 Uan 5:1

Nusnga sinu tagafanud te, Isus wan Dius at nafili fag Fun, kanya fag taw Dius at sisian. Sik taw nu kesug tua sik mama, kesug yangay anggan kafag mama at sisian.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.

1 Uan 5:5

Sinu tagbabo fagdaul daga at fagmauriun? Nusnga sinu tagafanud te, tam Isus Dius at Baguama.

2 Uan 1:7

Ngayuk tagfandaya nalo sas fagdaul daga. Kanya fag ngay taw at yud gafanud te, Isus ansik taw. Ay kanya fagayu gfandaya ay gfawayan tam Fun Isus.

At Nafasure 2:18

“Riruki sas tagbarita tagulit ngay tagafanud sis Tiatira te, “Dius at Baguama at mata tagigang kata sik afuy, ay at darafa taganinag kata sik tansu. Kanya glong te,