Ruma 1:1 - Fanawbuid tagsibaliwas Fakayabian

¹ Au, Pablu, tam Fun Isus at fagsuguan, ay at nafili laman sik nasugu ay at nafasaman laman nanfamoyung Dius at Masine fag Barita.

Ruma 1:1 ပူးပေါင်းရင်းမြစ်များ

1 Krunika 23:13

Ay Amram at baguama: Arun ay Muisis. Ay nafili Arun ay at ngay gaban laman at namatigwanan ngay fagagbilugun at yud e malong, ay at namon fanggalangun sas Yawi. Ay kabavn ban kanya wan at fakamulun.

Isayas 49:1

Dungugani angku, am tagbanwan sa tangayayu fag ngay talun sis wabilug dagat: Gina au yud ansalug, Yawi nafili angku laman at fagsuguan.

Eremyas 1:5

“Eremyas, gina au nangawat emu sim mina at ungdan, nafili kwa emu. Ay gina o yud ansalug, nafili kwan emu laman ban sik taglong o sas fagayu talun at taw.”

Markus 1:14

Ay Uan gina nkubung, Isus nalo sas talun Galilea, ay namoyung at Masine fag Barita sabaliwas Dius.

Uan 12:26

Nusnga sinu takaylat nangafagsuguanan angku, aloi angku. Ay nusnga nday au, anggan kanya sanya yangay. Ay ku Mama gfauseganan nusnga sinu tagfaning angku.

Uan 15:15

Kwa gfangayan ya ayu te, fagsuguan, aroro sik fagsuguan wa saful at tagfayafun at fakamulun, nu bunway gfangayan au ayu te, ku ngay fagadgalangan am, aroro nafoyung kwa sa ayu fagayu ku ngay nadungug siginan ku Mama.

Uan 15:20

Amatangani ku longan ayu te, we fagsuguan tagtungud at fun. Kafag ngay taw nu nafaidapan way angku, gfaidapan yangay ban anggan ayu. Ay kanya fagayu nu gfaning tua ku ngay longan, gfaning yangay ban anggan ay longan.

Fakamulun 13:9

Ay Saulu, at ngayan yangay te, Pablu, anke Masine fag Falad, ay kanya nadama Elimas ay nalong sa anya te,

Fakamulun 20:24

Dewa katanya, wa mafanud sa angku ku leleg, at mafanud nu namatabu au ku fanambagun tam Fun Isus at nafatigwanan sa angku fag fakamulun, siginan nu gfoyung at Masine fag Barita sabaliwa tam Dius at fagmagalangun.

Fakamulun 21:40

Ay kafag tagfangguna tagfawayan naylat. Nu katanya, Pablu nanangalindug sas sik siklang agdan ay gyafe sa sangay taw te, lag am garingang. Ay kafag ngay taw nu maragangan wan, Pablu naringang sa anya fagayu sas Ebreu fag fangaringang.

Fakamulun 22:21

“Ay tam Fun nalong angku te, ‘Loi wan, aroro gsugu au emu sa tangayayu fag talun, sas yud Udyu fag ngay taw.’ ”

Fakamulun 22:7

Ay anlub kway lang sas daga ay nadungug au sik aringang glong angku te, ‘Saulu, Saulu, wain am fagfauriun angku?’

Fakamulun 26:1

Ay fun Agripa nalong sas Pablu te, “Kaylat au nu gfoyung o sabaliwa am sadili.” Ay Pablu gyafe at daluap ay gfasigad gfoyung sabaliwa at sadili.

Fakamulun 26:14

Ay anlub waymi lang sas daga, ay nadungug au sik aringang glong angku sas Ebreu fag fangaringang te, ‘Saulu, Saulu, wain am fagfauriun angku? Am fagfauriun am sadili yay, kata nu gturang o sik masungad.’

Fakamulun 27:23

Aroro aro sad yabi Dius at tagbarita at sadi malindug si ku day tigyangan. Dius, ku fagsegan ay ku fagfaningan at nafadasug ste,

Fakamulun 9:15

Ay tam Fun nalong anya te, “Loi wan, aroro nafili au anya laman namatoglag angku sas yud Udyu fag ngay taw, sa sangay fun ay sa sangay taw Israel.

Ruma 1:16

Dakdi kapla gfoyung at Masine fag Barita, aroro tuy Dius at fagmabalyananun famalangfe fagayu at nafanud, taw Udyu taguna ay anggan at yud Udyu.

Ruma 1:5

Siginan anya, Dius nafon angku ku fanambagun laman sik nasugu aroro sa tam Fun Isus, laman nantaban au fagayu talun at ngay taw sas fagafanudun ay fagfaningun sa anya.

Ruma 1:9

Gfaning au Dius sas fagdaul ku fakaylatun nu kamoyung au at Masine fag Barita sabaliwa at Baguama. Ay Dius nasaful wa te, gdarangin au gugat ayu,

Ruma 11:13

Nu sa ayu yud Udyu fag ngay taw, katatuy ku longan. Dakngani sik nasugu au sas yud Udyu fag ngay taw, guseganan au ku fakamulun.

Ruma 15:16

sik fagsuguan au fia aroro siginans Isus tam Fun laman sa sangay yud Udyu fag ngay taw. Kata au sik tagfon fanggalangun gina au kamoyung Dius at Masine fag Barita, laman at yud Udyu fag ngay taw umsik maylat fag fanggalangun sas Dius, aroro at Masine fag Falad nafayud tua e malong anya fagayu.

Ruma 15:29

Nasaful au te, nu ndasug kban sa ayu, gfon au sa ayu tagsiginan tam Fun Isus at famonun at yud e kurang.

Ruma 16:18

Takatanya fag ngay taw at fagfaningan bunwa tam Fun Isus nu bunway at sadili way. Kafag ngay taw gdaya ngay taw at mamomuy at amatanganan, siginan takamaylatan ay at masine nu kadungug fag ngay foyungan.

Ruma 16:25

Ay katsi segi tam Dius, tagfaksvn ay fagafanudun, gfaning ku foyungan ayu fag Masine fag Barita sabaliwas Isus tam Fun. Kanya fag Barita ngaduge wan nu masuksukan,

1 Kurintu 1:1

Au, Pablu, Dius at nauro, gfaning at fakaylatun, laman tam Fun Isus at nasugu. Ay tam faduksay Sustenes magamut si angku.

1 Kurintu 9:1

O nunda kwa nalfas wan? O nunda bunwa au sik nasugu? O nunda kwa nalag tam Fun Isus? Ay o nunda bunwa am ku nataban sas fagafanudun siginan nu gfaning au tam Fun?

2 Kurintu. 1:1

Au Pablu, tam Fun Isus at nasugu kata Dius at fakaylatun. Ay tam faduksay Timuteu magamut si angku. Griruk ami sa ayu, Dius at ngay taw sis Kurintu, ay at nafili fag ngay taw sis talun Akaya.

2 Kurintu. 11:5

Ay nu gamatangan au nu gfoyung au sa ayu, kwa naguyanan sa sangay takadungug fag ngay nasugu.

2 Kurintu. 11:7

Ay gina au gfoyung sa ayu at Masine fag Barita, kwa naet famayad siginan ayu. Nafamababaun au laman ggubuk ayu sabaliwa nu kaksvn ay fagafanudun. O takatanya ku fakamulun gfae asalanan way angku?

2 Kurintu. 12:11

Ay ankata au sik yud mamatanganan, aroro am yay at nafabulun angku te, fakamuluni takatanya. Nu katanya, nauseganan tuam nangus sabaliwa angku. Ay dewa au yud e fagsafulun kdi naguyanan sa kafag ngay taw taglong te, kanya fagayu at ke fagsafulun fag ngay nasugu.

2 Kurintu. 2:12

Gina au andasug sas furuan Truas laman namoyung at Masine fag Barita sabaliwa tam Fun Isus, tam Fun nafon angku sik buknga laman gfakamulun au takatanya.

2 Kurintu. 4:5

Gfoyung ami sa ayu sabaliwas Isus tam Fun, ay bunwa sabaliwa em sadili. Gfakamulun ami laman sa ayu aroro sas Isus.

Galasya 1:1

Au Pablu, sik nasugu, bundi taw at nafili ay at nasugu angku, nu bunway tam Fun Isus tua ay Dius tam Mama, kanya at nafadog nafaleleg Isus siginans fagmabulanan.

Efesu 1:1

Au Pablu, tam Fun Isus at nasugu kata Dius at fakaylatun. Griruk au sa ayu, Dius at nafili fag ngay taw sanya sfuruan Efesu, at matuyan fia tagalo tam Fun Isus.

Efesu 1:13

Ay kanya nafasadi yangay ayu sa tam Fun Isus nu nadungug am at matuyan fag longan, at Masine fag Barita tagfon fakalangfean. Ay aroro anke fagafanudun tuam, kanya nafon tua sa ayu at Masine fag Falad, laman at famatuyan te, kanya nafili ayu.

Efesu 4:11

Ay kanya nafili tibak taw sik ngay nasugu, ay sik ngay tagfasaful Dius at ngay longan, ay tagbuba at Masine fag Barita, ay takamoyung ay tiba tagfoyung sis bale fakafulan.

Deuterunumyu 10:8

Ay ginanya, Yawi nafili Lebi at kasugfunanan laman tagbuba Fagsuadan at Nasadian ay at namakamulun sis Yawi at daga salubangan ay laman namadante ngay taw sa at ngayan. Ay dasug katsi kanya fagayu gfakamulun takatanya.

Filipus 1:1

Ami fagdua, Pablu ay Timuteu, tam Fun Isus at ngay fagsuguan. Griruk ami sa ayu Dius at nafili fag ngay taw siginan nu nsadi am sa tam Fun Isus, sanya sfuruan Filipus, anggan sa ay ngay fagtainan ay sa ay ngay tagtanud:

Filipus 2:11

ay kanya fagayu gfoyung te, Isus tam Fun, laman gfauseganan Dius tam Mama.

Kulusas 1:1

Au Pablu, tam Fun Isus at nasugu kata Dius at fakaylatun, ay anggan tam faduksay Timuteu at magamut si angku.

Kulusas 1:25

Dius nafili angku laman sik fagsuguan sas Isus at ngay taw laman namayamag au sa ayu tam Dius at longan fagayu,

1 Tesalunika 2:2

Nasaful wam te, naidapan ami ay nafalingunan sis furuan Filipus. Dewa katanya, tam Dius nafabitsug tua em amatanganan laman gfoyung ami sa ayu at Masine fag Barita dewa ngayu tagsalag emi.

1 Tesalunika 2:8

Guseganan ami gfoyung Dius at Masine fag Barita sa ayu, aroro maksvn nu kesug ami ayu. Bundi lang kanya, nafon wami sa ayu anggan em leleg.

1 Tesalunika 2:9

Em ngay faduksay, gamatang yay ro am em nainlufuyan ay em nainkidapanan. Nafakamulun ami fagngabak menit ay yabi laman dimi nafaidapan sas nusnga sinu si ayu kaduge ami gfoyung Dius at Masine fag Barita sa ayu.

1 Timuteu 1:1

Au, Pablu, tam Fun Isus at nasugu, gfaning Dius tam tagfalangfe at suguan, ay tam Fun Isus tam fagsegun.

1 Timuteu 2:7

Siginan takatanya, Dius nafili angku laman sik takamoyung ay sik nasugu sas yud Udyu fag ngay taw, laman gfoyung au sabaliwas fagafanudun ay fagmatuyanun. Ku ngay longan matuyan, ay kwa kamuag.

2 Timuteu 1:11

Dius at nafili angku laman sik takamoyung ay nasugu angku laman namoyung au at Masine fag Barita.

Titu 1:1

Au, Pablu, Dius at fagsuguan, ay tam Fun Isus at nasugu. Nasugu angku laman gfaksvn au Dius at nafili fag ngay taw at fagafanudun, ay gfasaful sa anya fagayu at fagmatuyanun sabaliwa nu gugali tua gfaning Dius.

Ebreu 5:4

Nusnga sinu fag taw wa msik tiba tungud fag tagfon fanggalangun at fagfausegananun nu at sadili way. Dius tua tagfili tiba tungud fag tagfon fanggalangun, kata nu gfili Arun.

Ebreu 7:26

Nu katanya, Isus wan tam tiba tungud fag tagfon fanggalangun. Kanya masine, ay we malong, ay di e asalanan, ay masaman tua siginan sangay tagasalanan, ay nafabat anya sa tiba tungud fag banwa.

Santiagu 1:1

Au, Santiagu, Dius ay tam Fun Isus at fagsuguan. Gfadasug au ku longan sas taw Israel at kasugfunanan fag labi dua at nasaruayan sas fagdaul daga.

1 Pedru 4:17

Aroro munakbang wan Dius nu ginsaful taw at asalanan, ay gfasigad sat ngay taw. Ay nu gfasigad ban nu si way antam, tain ban at kumfasludan sat yud gfaning Dius at Masine fag Barita?

2 Pedru 1:1

Au, Simun Pedru, tam Fun Isus at nasugu ay at fagsuguan. Griruk au sa ayu at ngay nabul at mafanud fag fagafanudun kata emi, aroro sa tam Dius ay Tagfalangfe, Isus tam Fun, at fagmatuyanun.

Udas 1:1

Siginan angku, Udas, tam Fun Isus at fagsuguan, ay Santiagu at faduksay. Sas Dius at fakesugun fag ngay taw, ay tam Fun Isus at fagdiriun.

At Nafasure 1:1

Katatuy Dius at foyungan sa tam Fun Isus, ay nasugu at tagbarita laman gfoyung yangay sat fagsuguan Uan. Katatuy fag foyungan at algan laman namasaful sas Dius at ngay fagsuguan sabaliwa tagakafasludanun wan.

At Nafasure 22:6

Ay tagbarita nalong sa angku te, “Tuy fag ngay longan mafanud ay matuyan. Ay Dius tam Fun, tagfon at Masine fag Falad sat ngay taglong, kanya nasugu at tagbarita sat ngay fagsuguan laman gfasure sa anya fagayu takafasludan ban.”

At Nafasure 22:9

Ay kanya nalong sa angku te, “Lagi, sik fagsuguan kyangay kata emu, ay Dius at ngay taglong, ay kata kyangay am ngay faduksay, ay fagayu tagfaning ste fag fafil at longan.”