Nemyas 7:2 - Fanawbuid tagsibaliwas Fakayabian

² Ay nafili au ku faduksay Kanani laman at funan sis Erusalem ay nafili kyangay Kananya laman sik fun tagfawayan tagulit sit mogat fag afud furuan. Nafili au Kananya aroro kanya sik masine fagfatigwanan ay gsuyu tua Dius gtungud yay tibak taw.

Nemyas 7:2 ပူးပေါင်းရင်းမြစ်များ

Nemyas 1:2

Ay ku faduksay Kanani natungul angku. Kanya siginans talun Uda gadgaloan sik ngay mangama. Ay nainto au anya fagayu sabaliwas Erusalem ay sa sangay taw Udyu at kinfoli siginan at fagatabananan fag talun Babilunya.

Mateu 25:21

“Ay at tagfayafun nalong anya te, ‘Masine tua am fakamulun. Masine ay matuyan o fag fagsuguan. Matuyan tuo sa talay fag fakamulun. Ay katsi ban namalaga kyay fia sa emu at kayuan gtungud yay ban fia ebi. Ay katsi, useganani fasfuani angku, am tagfayafun.’

Alubad. 101:6

Gfili kban at matuyan fag ngay taw laman ban ku faudgufudan, ay kanya ban fagayu ku ngay tagfakamulun yangay.

Nemyas 10:23

Usea, Kananya, Kasub,

Nemyas 2:8

Ay nu masine, foni yangay angku sik rirukan laman sas Asaf, tagalaga am fagagbilugun fag araw, laman ban kanya gfon sa angku ngay balse fangawat sakbawan bale daul at mogat at munakbang sis Dius at bale, ay famawat dog furuan at alad ay ku bale.” Aroro Dius guseganan tua angku, fun naylat tua ku ngay fagetun.

1 Fun 18:3

nu katanya, Akab nafauro Ubadyas, tagfangguna sit bale. Ubadyas gfaning fia Yawi.

2 Timuteu 2:2

Am ngay nadungug siginan angku sisad fagngayuan taw, foyungi yangay sat matuyan fag ngay taw at makatu gfoyung sa tibak taw.

1 Kurintu 4:2

Ay sik fagfatigwanan matuyani tua fia nu gfakamulun at fanambagun.

Daniel 6:4

Ay Daniel at ufud fagdua ay kafag ngay fun ayu sirut maksvn nu galabian anya. Nu katanya, kanya fagayu grvbvy Daniel at fakamulun at yud kasakan laman at fanlonganan sabaliwa anya. Dewa katanya, kanya fagayu we nalag Daniel at kakurangan aroro matuyan tua ay sik fagfatigwanan.

Ub 1:1

E sik mangama tagbanwan sis talun Us at ngayan Ub. At ugali matuyan ay kalimu tua Dius, ay gsaruy tua at mauri.

Nemyas 13:13

Nafatigwanan au sas Selemya fag tagfon fanggalangun, ay Saduk fag tagfoyung faugali, ay Pedaya fag taw Lebi tagulit ngay bale fagfungsuan. Nafagubuk kyangay sanya Kanan, Sakur at baguama, Matanya at fufu. Kanya fagayu ku nafili aroro kanya fagayu at mafatigwananan. Nafatigwanan kyangay sanya fagayu tagfainkafudan at ngay kaiban at fagayudanun.

Nemyas 5:15

Dewa katanya, at naguna angku fag ngay fun sirut, nafaidapan way ngay taw, aroro kanya fagayu get ngay fakonun ay at fanginum, saman ya at fagetun gugat fag ufatk safuluk salapi. Ay anggan at ngay tagfangguna kamalingun wan. Dewa katanya, au kdi gfakamulun takatanya, aroro gsuyu ktua Dius.

1 Fun 18:12

Ay tain ro nu nalao au, ay ginanya ro Yawi at Falad nu nabuba wa emu sa ku yud fagsafulun fag talun? Ku tagfayafun ro Akab nu ndasug, nu dway ro e lagan ya emu, gfabul ro angku. Fagtainan, siginan nu masisian au gfaning ktua gugat Yawi.

2 Samwel 23:3

Yawi, Israel at fagsarirungan fag gang, nalong sa angku te, ‘Nusnga sinu at matuyan nu gfunan ay tagfaning Dius,

Tap 12:7

Dewa katanya, di katanya nu gfakamatoan au ku fagsuguan Muisis, takamangguna ku ngay taw.

Nu Galin 18:21

Nu katanya, nanfili yap o sik ngay taggubuk emu at ke fagmakatuun tua gfawabilugan, ay kalimu Dius, ay at masine fagfatigwanan, ay wa gbul ngay famayad. Ay nanfili o kanya fagayu ngay tagfakamulun sa sangay gaban taw, at kayuan tagsadik libu, tagsadik sandan, taglimak safulu, ay tagsafuluk taw.

Fakasigadan 42:18

Sis fatuluk menit, Use nalong sa anya fagayu te, “Gfababaun au sas Dius. Ay gfon kyay ayu sik buknga laman gleleg yayam nu gfaning tuam ku suguan ayu.

Mateu 24:45

“Katatuy at matuyan ay at mamatanganan fag fagsuguan. At tagfayafun nasugu anya te, ‘Alagai ku ngay fagsuguan ay fafangoni tua anya fagayu galay fanfangonan.’

Nemyas 7:3

Ay nalong au sanya fagayu te, “Lag gfabayan furuan at ngay sakbawan nu maluangan dewa sis buknga menit, ay dewa e ngay tagulit sanya. Tuyani tua gugat laman madingdingan tua ngay sakbawan. Filii yangay tibak taw siginans Erusalem laman sik ngay tagulit alad, laman gulit sit ngay aturunan bale, ay tiba fasai tibak afud alad.”