Nemyas 5:9 - Fanawbuid tagsibaliwas Fakayabian

⁹ Ay gfataglayun au glong te, “Wa masine ay fakamulun. Banwani tua suyui Dius, laman tam fawayan fag ngay talun at taw di gfalingun antam.

Nemyas 5:9 ပူးပေါင်းရင်းမြစ်များ

Fakasigadan 20:11

Ay Abrayam nabalus anya te, “Nu glong kro ste fag furuan, we kalimu Dius, ay nu glong kro, gfabul ro am angku ay gbul ku bubay.

Fakasigadan 42:18

Sis fatuluk menit, Use nalong sa anya fagayu te, “Gfababaun au sas Dius. Ay gfon kyay ayu sik buknga laman gleleg yayam nu gfaning tuam ku suguan ayu.

2 Samwel 12:14

Ay aroro sam nafakamulun, nafon o sam ngay fawayan sik buknga laman gfalingun Yawi. Nu katanya, ay ngenge ban umbul.”

Nemyas 4:4

Nu katanya, nadarangin au te, “Em Dius, dungugi emi, aroro ngay taw gfalingun emi. Nangus sa way anya fagayu nu kafasludan at ngay algan mauri sa emi. Ay matabanan nangus sa tibak talun laman nangafagsuguan.

Nemyas 5:10

Anggan wa au, ay ku ngay kalongan, anggan ku ngay fagsuguan at nafaulbus salapi ay trigu sa tam ngay kaiban tagayudan. Dewa katanya, lag tam get ya famayad sat ngay naulbus!

Nemyas 5:15

Dewa katanya, at naguna angku fag ngay fun sirut, nafaidapan way ngay taw, aroro kanya fagayu get ngay fakonun ay at fanginum, saman ya at fagetun gugat fag ufatk safuluk salapi. Ay anggan at ngay tagfangguna kamalingun wan. Dewa katanya, au kdi gfakamulun takatanya, aroro gsuyu ktua Dius.

Alubad. 90:11

Sinu tagsaful am dotama at maksvn? Anud, nu ndotama o, maksvn tua, nu katanya, masine nu gfababaun ami sa emu.

Fangatulun 16:29

Sik taw tagfangauri gfaylatan tibak taw laman gfakamulun yangay at mauri.

Fangatulun 17:26

Wa masine gfaurianan sik taw at matuyan, ay at yud e malong.

Fangatulun 18:5

Wa masine gfadgaloan sik taw at ke asalanan, laman gfasaruyan o am gubuk sat yud e asalanan fag taw.

Fangatulun 19:2

Dewa ngap o mabitsug, nu dway o e fagsafulun we tungkul, ay nu mafangabanganan way o, masakit way nu gsalan o.

Fangatulun 24:23

Katatuy ya ngay taw at ke fagsafulun at ngay fangatulun: Sik tagwabilug, wa masine nu e fagfili taw.

Esekyel 36:20

Ay nusnga nday fag talun ngay taw Israel nu glao, kanya fagayu nafauri ku ngayan at yud e malong. Nu katanya, e glong te, ‘Kanya fagayu Yawi oma at ngay taw, dewa katanya, kanya naiyan anya fagayu siginan at talun.’

Lebitiku 25:36

Faulbusi tua sa anya ay salapi ay lag gfamut ya at famafoli, ay faloi sa anya fakonun yud e famamut at famayad, laman kanya mafataglayun gbanwan gasfuan ayu. Fakamuluni ban takatanya laman gfalag am te, gsuyu tuam angku ay Dius.

Fakamulun 9:31

Siginan ginanya, ngay tagafanud sas fagdaul talun Udea ay Galilea ay anggan Samarya, anke fagmanabayanun ay ankaksvn yangay nu gafanud ay gbanwan gfaning tam Fun. Ay at Masine fag Falad nafabitsug at ngay amatanganan, nu katanya, ngay tagafanud anfamut yay.

Ruma 2:24

Aroro marirukan te, “Nafoyung am yud Udyu fag ngay taw laman kanya fagayu gfauri Dius.”

1 Timuteu 5:14

Nu katanya way, gamatangan au te, masine ngap at mabaguina yay fag fagbubayun nu gdog gfanmangama, laman kae sisian ay gulit fia sat talanan, laman at yud gafanud we fagmalongun at mauri sabaliwa antam.

Titu 2:5

ay e fagsafuluni sabaliwa nu gfakamulun at matuyan, ay fakamuluni tua fia sit bale, ay malukmei ay faningi fia at mangama, laman we gfalingun Dius at longan.

1 Pedru 2:12

Ugalii at matuyan si sangay taw at yud e fagafanudun, dewa kafag ngay taw gfantabugan te, mauri am. Ay kanya ban fagayu nu nalag ay fakamulun at masine, sumeg tam Dius gina ban kanya kadasug.

1 Samwel 2:24

Faragangi wan takatanya ay fakamulun, aroro wa masine ku nadungug siginans Yawi at ngay taw.”