Nemyas 5:12 - Fanawbuid tagsibaliwas Fakayabian

¹² Kanya fagayu nabalus te, “Kin, namafoli wami sa anya kanya fagayu. Ay wa ban mi get ya at ngay famayad. Ay namaning ban mi am ngay longan.” Sanya ginan, nafauro au ngay tagfon fanggalangun, ay sit daga salubangan nafafatuyanan au sa sangay tagfangguna ay sa sangay fun sirut laman namafasludan at fatuyanan.

Nemyas 5:12 ပူးပေါင်းရင်းမြစ်များ

Esra 10:12

Ay fagayu tagbanwan nauro te, “Anud, matuyan! Gfakamulun ban mi kata am suguan.

Esra 10:5

Nu katanya, Esra anlindug wan ay nalong sa sangay tagfangguna, ngay tagfon fanggalangun, ay sa sangay taw Lebi, ay sas fagayu taw Israel te, “Fatuyanani te, gfakamulun ban am Sekanyas at ngay nalong.” Ay kanya fagayu nafatuyanan.

Nemyas 10:29

nafatuyanan gasfuan em ngay tagfangguna te, namaning ban mi Dius at Faugali at nafon sat fagsuguan Muisis. Nafatuyanan yangay ami te, nu dway ban mi nafafaning Yawi em Fun at ngay suguan ay at ngay faugali ay at ngay foyungan, kaylat wami Dius at faurianan sa emi.

Nemyas 10:30

Nafatuyanan yangay ami te, wami kaylat em ngay sisian nu nangadadwa ban sa em yud gaban tagbanwan si em talun.

Nemyas 10:31

Ay nafatuyanan yaymi fia te, wa ban mi gbul siginan em yud gaban at gutluan ay nusnga setaw at famaloun gina Famiangalay fag Menit, ay tiba yak menit at mafasamanan. Ay galay ban fafituk banwa, wami gtanum sa em ngay daga, ay wa ban mi get ya famayad at ke ngay bedan sa emi.

Nemyas 13:25

Nu katanya, nasalag au nafauri ngay taw Uda. Ay tiba si anya nafalang au ay naguyud at ngay buk. Ay nafafatuyanan au anya fagayu sas Dius at ngayan, ay anggan sat ngay sisian te, “Lag ban am kamubay ya ay gfangindugan siginan tibak talun.”

Nemyas 5:11

Katsi fafolii wan at nafaulbus sa ayu fag ngay fagtanuman, ngay wat ubas, ngay tanum ulibu, ay anggan at ngay bale. Fafolii yangay ay nafafamut at famayad ay ngay nafaulbus fag ngay salapi, ay trigu, fanlangu at bagu ay langis.”

Mateu 26:63

Ay Isus wa garingang. Ay tiba tungud fag tagfon fanggalangun nalong yangay sas Isus te, “Balusi emi sa tagleleg fag Dius at daga salubangan, o o wan Dius at nafili fag Fun, Dius at Baguama?”

Lukas 19:8

Sakyu namalindug ay nalong sa tam Fun te, “Ku Fun, dungugani, gwabilug ban ku ramraman namon kwan sat yud e kwa. Ay fagayu ku nafandaya gina au gbul ngay taw at famayad, gfafoli kban ufatk kayu nya.”