Nemyas 2:3 - Fanawbuid tagsibaliwas Fakayabian

³ dewa katanya, nabalus au fun te, “Mesug fag fun, am leleg ban nangus umkaba yay! Kabalu au, aroro fagfolian ku ngay mangaguyang fag furuan daul maiklasan wan, ay at ngay sakbawan mairugan wan.”

Nemyas 2:3 ပူးပေါင်းရင်းမြစ်များ

1 Fun 1:31

Ay Batseba narungan wa vtv laman gfalag te, gsuyu, ay nalong te, “Manabayan tua ban o nangus gugat, mesug fag fun Dabid.”

2 Fun 25:8

Ay sis fafituk menit sis falimak magdanun, ay sis falabi siamk banwa Nabukudunusur nu gfunan sis talun Babilunya, Nebusaradan fag tagfangguna ngay tagulit at fun, andasug sas Erusalem.

2 Krunika 21:20

Euram at banwa gina nanfunan tuluk safulu e dua, ay kanya gbanwan sis Erusalem, ay nafunan kaduge waluk banwa. Ay gina nbul we nbalu ya anya. Ay nanamoli anya sas Dabid at furuan, dewa katanya, wa nafasa sangay fun at fagfolian.

2 Krunika 28:27

Ay Akas nu nbul wan, nanamoli anya sis furuan Erusalem, dewa katanya, wa nafasas fagfolian Israel at ngay fun. Ay at baguama Esekyas at natubus anya laman sik fun.

2 Krunika 32:33

Ay Esekyas nu nbul wan, nanamoli anya si tiba tungud fag fagfolian Dabid at ngay kasugfunanan. Ay fagayu taw Uda ay taw Erusalem nafauseganan anya. Ay at baguama Manase at natubus anya laman sik fun.

2 Krunika 36:19

Ay kanya fagayu nairug wan Dius at bale, ay narufa wan Erusalem at ngay alad. Ay nairug yangay anggan at mogat fag ngay afud furuan Erusalem, ay naiklas wan at mafanud fag ngay fagagbilugun.

Nemyas 1:3

Ay kanya fagayu nabalus angku te, “Fagayu at kinfoli sas Uda maksvn nu gidapan, aroro tagsit ligung fag ngay furuan at ngay taw, gfalingun anya fagayu. Dasug katsi, Erusalem at alad maiklasan, ay at ngay sakbawan mairugan.”

Nemyas 2:13

Sanya ginan, naduksun au sas sakbawan tagsalubang sas datag ay nataglayun sa sik bubun at ngayan te, Dragun. Ay andasug au sas Sakbawan Fagnangukasan Nakaurian. Ay nalingaman au fia Erusalem at alad at kinrufa fag afud, ay at ngay sakbawan at mairugan.

Ester 8:6

Kwa magwanta glag ku ngay kaiban ay ku ngay kalongan nu kamin.”

Alubad. 102:14

Yawi, ami am nafili fag ngay fagsuguan kesug tuami am furuan Siun, ay kesug yangay mi anggan at ngay alad gang at kinkiklas wan ay at lukbu.

Alubad. 102:15

Ngay talun ban at ngay taw umlimu Yawi. Ay fagayu ban ngay fun sas fagdaul daga gsuyu sat fagmabalyananun.

Alubad. 137:6

Kwa ban nangus maringang ya, kway gamatangan ya sabaliwas Erusalem, ay kway gtuyan te, siginan anya ku fagusegananun.

Alubad. 38:7

Fagdaul ku bilug masait wan, ay wa maugali ya ku fagmabitsugun.

Eremyas 52:12

Ay sis fasafuluk menit, sis falimak magdanun, ay sis falabi siamk banwa Nabukudunusur nu gfunan sis talun Babilunya, Nebusaradan fag tagfangguna ngay tagulit at fun andasug sas Erusalem.

Takabalu 2:9

Erusalem at ngay sakbawan alad anrasras wan. Yawi nalifung wan ay narasras at ngay faningding sakbawan. Ay at fun anggan at ngay tagfangguna natabanan wan sa tangayayu fag talun. We saful ya Yawi at faugali, ay ngay taglong we taginfan ya siginans Yawi.

Daniel 2:4

Ay tagfangalga siginans galeme nabalus te, “Mesug fag fun, nangus gleleg tua ban o kabavn! Longi sa emi am taginfan, ay gfayamag ro mi sa emu at masuad.”

Daniel 3:9

Kanya fagayu nalong sas fun Nabukudunusur te, “Mesug fag fun!

Daniel 5:10

Fun at mina nu nadungug fun ay takadungug fag ngay taw nu garingang, ankakbang sa anya fagayu sis fagfangonan ay nalong te, “Mesug fag fun, lag o kalimu ay gafanawa,

Daniel 6:21

Ay Daniel gbalus te, “Mesug fag fun!

Daniel 6:6

Nu katanya, kanya fagayu nalao sas fun Daryu ay nalong te, “Em fun, gleleg tua ban o nangus kabavn!

Lebitiku 26:31

Nanrasras kban ay ngay furuan ay ay ngay fagnansegan. Ay kwa ban kaylat ya ay fanggalangun at anus at mabebanglu.