Nemyas 13:5 - Fanawbuid tagsibaliwas Fakayabian

⁵ ay Tubya nafon anya sik suluk daul sis Dius at bale. Ebi kafag suluk fagsuadan famonun fag ngay fakonun, famaebebanglu, ngay fagagbilugun sis Dius at bale, ay tiba yak famonun sa sangay tagfon fanggalangun, ngay fasafuluk afud trigu, at bagu fag fanlangu, ay langis, kata at faugali laman sa sangay taw Lebi, sa sangay tagalubad, ay sa sangay tagulit sakbawan.

Nemyas 13:5 ပူးပေါင်းရင်းမြစ်များ

2 Krunika 31:11

Ay Esekyas nasugu te, “Awati ngay fagfungsuan nusnge wain sis Yawi at bale,” ay kanya fagayu nawat.

2 Krunika 34:11

Ay tibak salapi nafon ngay tagsaful kawat, ay ngay takamale laman famayad at madasdasan fag ngay gang, ay ngay kayu laman fantubus ngay bakban, Uda at ngay fun at nafabayan nu kaiklas.

Nemyas 10:36

Ay kata at marirukan sis Faugali, namuba yangay ban mi em ngay sisian munama at kaka sa tagfakamulun fag ngay tagfon fanggalangun si em Dius at bale: anggan em ngay baka, em ngay tupa, ay anggan em ngay kambing at riangan taguna.

Nemyas 10:37

Nafatuyanan yangay ami te, namuba ban mi sa sangay tagfon fanggalangun at masine fag fangawat tinapay ay tiba yak fanggalangun, ay em tanum fag ngay fun kayu at rawvg, ay at bagu fag fanlangu, ay anggan langis, laman namuba sa em Dius at bale at ngay fagfungsuan. Namuba yangay ban mi sa sangay taw Lebi em ngay gutluan at fasafuluk afud aroro sia wan tagfaful ngay fasafuluk afud sa sangay furuan at ke ngay gutluan. Ngay taw Lebi nu namaful wan ngay fasafuluk afud,

Nemyas 10:38

tagsiginans Arun at kasugfunanan fag ngay tagfon fanggalangun, nangalo yangay, ay at nafaful, ngay taw Lebi namuba sa em Dius at bale at ngay fagfungsuan.

Nemyas 12:44

Ginanya fag menit, nafili sik ngay mangama tagalaga bale fagfungsuan ngay famonun, taguna fag gutluan, ay at fasafuluk afud. Kanya fagayu at namaful famonun siginan ngay furuan at ligung fag ngay gamasun laman sa sangay tagfon fanggalangun ay sa sangay taw Lebi, gfaning at Faugali. Aroro ngay taw Uda guseganan ngay tagfon fanggalangun ay taw Lebi at ngay fakamulun.

Nemyas 13:7

nangafoli sas Erusalem. Ay nu ndasug au, nasaful au Elyasib at nafakamulun mauri, at nafabanwan Tubya sas suluk tagsas salubangan Dius at bale.

Esekyel 40:38

Sanya ginan, e nalag au sik suluk e sakbawan, sas tigyangan fasiunan baliwa fag sakbawan at tangbi. Sanya fag suluk ngay fagfegusan fagnangirugan fag fanggalangun.