Nemyas 13:12 - Fanawbuid tagsibaliwas Fakayabian

¹² Ay fagayu tagbanwan sis Uda gdog yay nabuba at fasafuluk afud at trigu, ay at bagu fag fanlangu, ay langis sas bale fagfungsuan.

Nemyas 13:12 ပူးပေါင်းရင်းမြစ်များ

2 Krunika 31:4

Ay kanya nasugu yangay sa sangay tagbanwan sis Erusalem laman kanya fagayu gfon sa sangay tagfon fanggalangun ay sa sangay taw Lebi at afud siginan at ngay fanggalangun, laman kanya fagayu gfakamulun tua fia at ngay fakamulun, kata Yawi at Faugali.

2 Krunika 31:5

Ay kanya nu nalong wan takatanya, ngay taw Israel nafon at ngay famaloun tagsiginan at gutluan taguna kata trigu, ubas at mamam, langis, ay deut, ay tiba yak famaloun tagsiginan at ngay daga. Ay kanya fagayu nafon at ngay fasafuluk afud siginan at ngay famaloun.

Nemyas 12:44

Ginanya fag menit, nafili sik ngay mangama tagalaga bale fagfungsuan ngay famonun, taguna fag gutluan, ay at fasafuluk afud. Kanya fagayu at namaful famonun siginan ngay furuan at ligung fag ngay gamasun laman sa sangay tagfon fanggalangun ay sa sangay taw Lebi, gfaning at Faugali. Aroro ngay taw Uda guseganan ngay tagfon fanggalangun ay taw Lebi at ngay fakamulun.

Lebitiku 27:30

“Yawi wan tagagbilug fagayu gutluan taguna.

Malakyas 3:10

Dewa katanya, katsi glong au ayu te, faskudi angku. Bubai fagayu ay fasafulu ay suadi sas fagfungsuan si ku bale laman e fakonun sanya. Nu nafakamulun tua ban am takatanya, gluang kban banwa at fagbanawanan laman gfadasug au sa ayu ngayuk famonun, ay wa ban sak ya sa ay ngay fagfungsuan.

Malakyas 3:8

“O nunda sik taw makatu gfangkamul siginans Dius? Nu katanya, gbalus au ayu te, nafangkamul am siginan angku. “Ay ginto yangay am angku te, ‘Tain nu gfangkamul ami siginan emu?’ ” “Nafangkamul am aroro wam nafon sa angku ay ngay fasafulu ay ay ngay famonun.

Deuterunumyu 14:22

Fasamani ay ngay fasafuluk afud ay ngay gutluan galay banwa.