Nemyas 1:9 - Fanawbuid tagsibaliwas Fakayabian

⁹ Dewa katanya, nu kafoli tuam sa angku ay namafasludan ku ngay suguan, dewa ban am nasaruayan sa tangayayu fag ngay talun, namaful kyay ban fia ayu sa ku nafili fag talun, laman namauseganan am angku.’

Nemyas 1:9 ပူးပေါင်းရင်းမြစ်များ

Eremyas 32:37

namaful kban ku ngay taw siginans fagayu talun nu inda ku fagfasaruayanan anya fagayu. Ay nantaban kban anya fagayu stae fag furuan ay kanya ban fagayu gbanwan manabayan.

Mateu 24:31

Ay gina ban e gbudyung daul gsugu kban ku ngay tagbarita, laman namaful ku nafili fag ngay taw siginans fagayu talun ay dewa ndaginan fag fungfung daga.

Eremyas 12:15

Dewa katanya, gdog kyay ban kafanyu kanya fag ngay talun at ngay taw ay gfafoli sa anya at ngay daga.

Isayas 56:8

Yawi tam Fun nafaful at natabanan fag ngay taw Israel, ay kanya glong te, “Namaful kyay ban tibak taw, saman ya ku nafaful ebi taguna.”

Alubad. 147:2

Yawi gdog yay kawat furuan Erusalem. Ay gfaful at natabanan fag ngay taw Israel.

Esra 6:12

Dius nafili furuan Erusalem, nu inda nu gfauseganan anya, ay kanya yangay ban nangus at nanfaurianan nusnga sinu fag fun ay fag talun at yud gfafasludan takatatuy fag ngay suguan ay at naiklas at bale tagsis Erusalem. Au, fun Daryu at nasugu tuy. Fafasludani fia fagayu.

Deuterunumyu 12:5

nu bunway akbangi sa ay Dius Yawi at daga salubangan ay fauseganani anya sit nafili fag buknga, sis fagayu taw Israel at ngay gaban at fagbanwanan.

Esekyel 36:24

“ ‘Namul kban ayu siginan tibak talun ay namafoli kban ayu sa ay talun.

Eremyas 31:10

Ngay talun dungugani ku longan, ay fadungugi sa tangayayu fag ngay furuan: nafarapyagan au ngay taw Israel, dewa katanya, namaful kyay ban ay nangalaga kata sik tagalaga fagbaugun nu galaga at ngay tupa.

Isayas 11:12

Ginanya ban, Yawi namabat at famasaful fag ramit sa sangay taw sas fagayu talun, laman namaful fagayu at kinrapyag fag ngay taw Israel ay Uda siginan tibak afud talun sas fagdaul daga.

Alubad. 106:47

Yawi em Dius, falangfei emi! Ay fafuli emi sa em talun, siginan em fagafagsuguanan fag ngay talun, laman manamauseganan ami emu, aroro matuyan tuo.

1 Fun 9:3

Ay Yawi nalong sa anya te, “Nadungug au am darangin ay nu get o sa angku gubuk. Nafasaman au tuy fag bale laman ku fagbanwanan ban kabavn.

Eremyas 3:14

Yawi glong yay fia te, “Ku ngay sisian takamabo, afolii wan sa angku, aroro am wan ku ngay taw. Gfili kban at sadi ay mannga dua siginan ay mesa gaban ay nantaban kban sas Erusalem.

1 Krunika 16:35

Ay darangini te, “Em Dius, falangfei emi! Ay fafuli emi sa em talun, siginan em fagafagsuguanan fag ngay talun, laman manamauseganan ami emu, aroro matuyan tuo.”

Deuterunumyu 12:21

Ay nu ngayayu wayam siginan ay Dius Yawi at nafili fag buknga nu inda nu gseg am anya, masine wayam gfilas ay ngay baka ay tupa si ay furuan. Ay kata ku nalong ayu, masine wayam kon ngay fagbaugun, Yawi at nafon ayu yakmay am ankuri kon,

1 Fun 8:48

ay kanya fagayu nu kafoli sa emu nu fagdaul tua at amatanganan, dewa yay sit fagatabananan fag talun, ay nu gdarangin tua sa emu gsalubang ste fag talun am nafon sat ngay mangaguyang, ay ste fag furuan ay ste fag bale ku nafawat laman gfauseganan emu,

Alubad. 107:3

Aroro kanya nafaful ayu siginan tibak talun, siginans fakamenitan ay fakayabian, ay anggan siginans dua alvngvdan.

Isayas 27:12

Ginanya ban fag menit, Yawi namaful fagayu taw Israel siginans Liskung Eufrates sitsigons fagfamiluganan mamam sis talun Igiptu, kata nu gfaful rawvg gina fanrabasan.

Eremyas 6:22

Yawi nalong yay fia te, “Damai! E ngay tagfawayan kadasug siginans fawalan fag alvngvdan. Kanya fagayu siginan tangayayu ay at mabalyanan fag gaban taw at mafalganan laman namawayan.

Esekyel 14:6

“Nu katanya, katsi nanlong o sa sangay taw Israel te, au, Fun Dius Yawi, glong au te, ‘Ubuni wan ay fagmauriun, ay talyuyani wan ay ngay fagsegan, ay falyami wan ay ngay fakamulun at mauri.

Lebitiku 26:3

“Ay nu gfaning tua ban am fagayu ku ngay suguan ay ku ngay faugali,

Deuterunumyu 30:1

Nu ndasug ban sa ayu tuy fag ngay famonun ay fag ngay faurianan ku nalong sa ayu, ay nu namatang ban am takatanya fagayu gina ban am si sangay talun nu inda ay Dius Yawi nu gfatabanan ayu,

Sakaryas 8:7

Namalangfe au ku ngay taw at natabanan sa sangay talun tagsis fakamenitan ay sis fakayabian.