Nemyas 1:2 - Fanawbuid tagsibaliwas Fakayabian

² Ay ku faduksay Kanani natungul angku. Kanya siginans talun Uda gadgaloan sik ngay mangama. Ay nainto au anya fagayu sabaliwas Erusalem ay sa sangay taw Udyu at kinfoli siginan at fagatabananan fag talun Babilunya.

Nemyas 1:2 ပူးပေါင်းရင်းမြစ်များ

Fakasigadan 14:10

Ay sis Sidim fag tagubungan ngayu fag bubun ke madai fag langis malayung. Ay gina Suduma ay Gumura at fun nalagyu gadgaloan at ngay tagfawayan, tiba at fadgaloan antong sasad bubun, ay tiba nalagyu sas talun buid.

2 Fun 24:14

Kanya nataban fagayu tagbanwan sis Erusalem, gadgaloan fagayu fun tagfawayan ay at ngay tagfawayan, anggan ngay tagsaful kawat at masine fag ngay fagagbilugun. Nu fagayu wan, safuluk libuk taw. At sawad, at yud way lang e kwa.

2 Fun 25:12

Dewa katanya, kanya nafasawad yay sanya tibak taw at yud e kwa laman galaga ngay tanuman ubas ay ngay gamasun.

Esra 9:14

Ay nu nlangfe takatanya, nadog yay mi nafamabo am ngay suguan, ay andadwa ami sa sangay taw tagfakamulun at mauri. Nu katanya, natuyan ami te, kauri ro wo ay gfamin emi.

Nemyas 7:2

Ay nafili au ku faduksay Kanani laman at funan sis Erusalem ay nafili kyangay Kananya laman sik fun tagfawayan tagulit sit mogat fag afud furuan. Nafili au Kananya aroro kanya sik masine fagfatigwanan ay gsuyu tua Dius gtungud yay tibak taw.

Eremyas 44:14

Fagayu ban am at kinsawad fag ngay taw Uda at nanamanwan sas talun Igiptu kabul waban am. Wa ban am malagyu ya sas Uda dewa am kaylat yay kafoli ay namanwan sanya. Wa ban am mauli ya nu bunway nusnga sinu way lang ban at nalagyu.”

Esekyel 6:9

ay kanya ban fagayu sik ngay natabanan. Ay gina gbanwan sa tibak talun, sanya yaban nu gamatang angku, ay sanya yangay ban nu gamatangan te, nu se aksvn nu kauri au at nafamaboan angku ay nu gseg at ngay fagsegan. Ay kanya ban fagayu maksvn nu kauri at mesa sadili, aroro at ngay nafakamulun maksvn nu mauri ay nu masuya.

Esekyel 7:16

Ay fagayu ban at yud anbul lumagyu sa sangay buksul, ay gwayway kata labikung nu guni, aroro sat ngay asalanan.