Mikas 7:3 - Fanawbuid tagsibaliwas Fakayabian

³ Kanya fagayu annanad wan gfakamulun at mauri. At ngay tagfangguna ay at ngay tagwabilug gbul famayad laman namakamulun at mauri. Ay gfaning way at mabalyanan fag ngay taw at fakaylatun, ay masadi yangay laman gfayud e masuad fagmatuyanun.

Mikas 7:3 ပူးပေါင်းရင်းမြစ်များ

Fangatulun 16:30

Saruyani tua sik taw at mafangase ay tagligbat ayu sirut, aroro tibaginan at algan mauri way.

Fangatulun 17:23

At mauri fag taw gbul famayad laman fagmatuyanun wa kafasludan.

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Isayas 26:21

Aroro kanya umdasug siginan at fagbanwanan laman namauri fagdaul daga at ngay taw aroro at ngay asalanan. Daga namalfas yay ban at kinbul fag ngay taw, ay wa ban gdog ya nanuksuk.

Isayas 3:5

Kanya ban fagayu gfauri at iba: at fasabale, ay at fagtainan. Ay at yud ban e fanambagun gfawayan wan at ke fanambagun fag ngay taw.

Isayas 32:7

Ngay tagfandaya at ngay balyawvtan wa masine. Kanya fagayu gfalganan gugat at mauri sat yud e kwa fag ngay taw siginan at fakamuaganun, dewa at yud e kwa at fagetun matuyan.

Isayas 5:23

Wam naubung at ke asalanan fag ngay taw aroro nabul am famayad siginan anya, ay wam gfakamulun at matuyan sat yud e asalanan fag ngay taw.

Eremyas 3:5

O nunda kadotama yay o gugat emi? Seduge tua ban nu kadotama o emi?’ Dewa am glong takatanya, at matuyan mauri way ay fakamulun.”

Eremyas 4:22

Yawi nalong te, “Ku ngay taw we fagsafulun; kanya fagayu wa toglag angku, kata way sik ngay baguama yud e fagsafulun ay at yud gtogdungug, ay annanad gfakamulun at mauri ay wa saful gfakamulun at masine.”

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Esekyel 22:12

Ay tibak taw get famayad laman gfabul, ay tiba gfafamut nu get sat fagfabedanan ay tibak taw anramraman aroro gfangalabian salapi. Kanya fag ngay taw wa gamatang ya angku. Au, Fun Dius Yawi, taglong tuy.

Esekyel 22:27

Ay kafag ngay taw at fun kata sik ngay idu talun. Kanya fagayu nanfamabul laman kae salapi.

Esekyel 22:6

“ ‘Damai Israel at ngay fun tagbanwan si emu, kanya fagayu nagbilug at ngay fagmakatuun laman namabul.

Esekyel 34:21

Am fag ngay mataglu, natulud am ay nasunge at mamomuy yakmay kanya fagayu nyayu.

Esekyel 9:9

Kanya gbalus angku te, “Maksvn wan taw Israel ay taw Uda at asalanan. Ay maksvn wan nu gfadfabulan sit furuan ay we fagmatuyanun ya. Kanya fagayu glong te, ‘Yawi wa gdungug ya antam, ay natalyuyan wan.’

Usea 4:18

Kanya fagayu gina galangu, namataladan ngay mangena. Ay at ngay tagfangguna maksvn nu kaylat gfakamulun at mapla fag ngay fakamulun.

Usea 7:3

Kanya fagayu gfauseganan at fun ay at ngay tagfangguna siginan at ngay fagmauriun ay at fakamuagun.

Amus 5:12

Aroro saful kway at kayuan ay nu se aksvn ay ngay asalanan. Gfalingun am ngay taw at yud e asalanan ay gbul at ngay salapi. Ay wa gsud nu gfawabilugan am sat yud e kwa.

Mikas 2:8

Dewa katanya, gfawayan wayam ku ngay taw at yud e kwa kata sik ngay fawayan. Kanya fagayu nu glong, nu noli tua ro sat furuan siginans fagawayanan, anlangfe wan. Aroro mangaro nangagbilug wayam kafag ngay taw at ngay lanbung.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Mikas 3:2

Dewa katanya, wam gfakamulun at matuyan, ay fakaylatun, at mauri way. Nafaidapan am ku ngay kaiban kata nu nabul am at balat, ay nabul am at ngay faknul siginan at bini ay naramyuk, ay nafatama am ay naon.

Mateu 26:15

ay nainto te, “Nataw ban ay fon angku nu nafoyung ktua ban Isus sa ayu?” Ay kafag ngay taw nafon anya tuluk safuluk salapi.

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.