Mikas 7:18 - Fanawbuid tagsibaliwas Fakayabian

¹⁸ We tibak Dius tagtungud emu. Nafalyam tuo am ngay taw at ngay asalanan. Ay di o kadotama ya emi nu bunway guseganan tuo kesug emi.

Mikas 7:18 ပူးပေါင်းရင်းမြစ်များ

Fakasigadan 4:7

Nu matuyan di am nafakamulun, mabayan tua ro wo, dewa katanya, madiriani tua! Aroro nu dway matuyan am nafakamulun, asalanan kata sik madot fag mela at mafanyan gugat laman nangagat emu. At masine baboi tua.”

1 Fun 8:23

ay nadarangin te, “Yawi ngay taw Israel at Dius, we Dius sis banwa ay sas daga tagfasud emu. Gfafasludan o am nasadian, ay gfalag o am fakesugun sam ngay fagsuguan tagfaning emu sas fagdaul at amatanganan.

2 Krunika 30:9

Nu nfoli tua ban am sas Yawi, ngay taw ban at nataban ay ngay sisian ay ay ngay kalongan, gfafoli yay anya stae sa ay talun. Aroro ay Dius Yawi, mafanggubuk tua ay mafangafanyu. Kanya ban wa gtalyuyan ayu nu nfoli tua ban am sa anya.”

2 Krunika 6:21

Dungugani ku fagetun, ay am ngay taw at fagetun, gina ami gdarangin gsalubang stae. Ay dungugani emi sanya sis banwa am fagbanwanan, ay nu gdungug tuo emi falyami em ngay fagmauriun.

Nemyas 9:17

Kanya fagayu wa nafaning am ngay longan, ay wa namatang am ngay nafakamulun at madulo. Kanya fagayu nafamaogatun, ay nafamabo siginan nu gfili at ngay tagfangguna laman gdog nangasik fagsuguan sas talun Igiptu. Dewa katanya, o wan Dius at mafalganan gfalyam ngay asalanan, at mafangafanyu, at yud gfangalyam, at yud masakit gfangadotama, ay at mafangesug. Nu katanya, di o nafabayan anya fagayu,

Alubad. 103:13

Nu setain sik mama nu kafanyu at ngay sisian, katanya yangay Yawi nu kafanyu fagayu tagfaning anya.

Alubad. 130:4

Dewa katanya, nafalyam tuo em ngay asalanan, laman gsuyu tuami emu.

Alubad. 35:10

Sas fagdaul ku amatanganan guro au te, “Yawi, o wan tagtungud sas fagayu. O wan ngay taw at yud e kwa ay tagafalingunan at tagfalangfe siginan takamalingun fag ngay taw.”

Alubad. 65:3

Malubguban ami si em ngay asalanan, ay dewa katanya nafalyam tuo fagayu em ngay asalanan.

Alubad. 65:4

Mauseganan am nafili fag ngay taw, ay am nataban sam bale laman namanwan. Nafon o emi at masine ay at kasakan nusnga setaw sim bale.

Alubad. 71:19

Dius, we mafasud am fagmatuyanun ay am ngay fakamulun at maksvn nu madulo. Ay nusnga sinu, we mafasud emu.

Alubad. 86:15

Fun Dius, dewa katanya, mafangafanyu tuo, ay mafanggubuk, ay matuyan ay mafangesug, ay di o masakit gfangadotama.

Alubad. 86:5

Fun Dius, kabavn matuyan tuo. Ay mafalganan yangay o gfalyam ngay taw at asalanan, ay mafangesug tuo sas fagayu taget sa emu gubuk.

Alubad. 89:6

Yawi, o nunda e mafasud emu am ngay awatan tagsis banwa? Ay sinu fag tagbarita at mafasud emu?

Alubad. 89:8

Yawi, Dius at mabalyanan, we gfasud emu. Ay matuyan tuo sas fagayu am fakamulun.

Nu Galin 15:11

Yawi, sinu ya fag dius tagtungud emu? We gtungud ya emu sam fagmatuyanun ay sa am fagmabalyananun. Ay fagayu am nafakamulun madulo.

Nu Galin 34:9

Ay kanya nalong te, “Kin ku Fun, nu guseganan tuo angku, gfainfanyuan au sa emu te, aloi tua ban emi. Dewa mi kamaogatun em ngay amatanganan, falyami em fagmauriun ay em ngay asalanan. Aylati emi laman am ngay taw ami fia.”

Isayas 1:18

Yawi glong te, “Wainyayam, gyadyamagan watam! Dewa maksvn ay fagmauriun namalaksi au ayu, kata nu gbakbak at masuya fag ramit ay at kinfegus wan, laman umkata am sik dingin at barugwak nu malaksi.

Isayas 33:24

Sis Erusalem wa ban e glong te, “E fakasaitun au.” Ay Dius ban gfalyam wan tagsanya at ngay asalanan.

Isayas 38:17

Matuyan wan, ku nadalan fag fagidapun anke fanambagun sa angku. Aroro nesug tuo angku, nafalangfe tuo angku siginans faurianan ay nafalyam tuo ku ngay asalanan.

Isayas 40:18

Nu katanya, dada nu mafaladlabian am Dius? Ay dada nu mafafaningan am anya?

Isayas 40:25

At yud e malong fag Dius glong te, “Dada ya nu namaladlabian am angku? O nunda e kata angku nu mabalyanan?”

Isayas 43:25

Au at nafalyam am ngay asalanan laman sa angku, ay kwa ban gamatangan ya.

Isayas 44:22

Ay nafalyam kwan am ngay asalanan kata sik linyabu ay sik ayuyus nu kalyam. Afolii sa angku laman gfalangfe au emu.”

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Isayas 57:10

Ay gfalufuy am ayu siginan nu grvbvy am ngay fagsegan, ay glong am te, “Lumag ban tam.” Gfabulun am gfaksvn ay ngay amatanganan, nu katanya wam kamomuy.

Isayas 57:16

At matuyan, kabavn kwa namawayan ay namaurianan ayu, aroro nu nafakamulun kway ro takatanya, umbul ro ku nawat fag ngay taw.

Isayas 62:5

Kanya at nawat emu, ay nangadadwa ban sa emu, kata sik baguama nu nangadadwa sa sik baguina. Ay nu setain sik baguama nu guseganan at fabubayan, katanya yangay am Dius nu guseganan emu.

Isayas 64:9

Yawi, lag yap gfaksvn nu kadotama o emi, ay lag gamatangan o em ngay asalanan kabavn ban. Gfainfanyuan ami sa emu te, dungugi tua emi, aroro ami wan am ngay taw.

Isayas 65:19

Ay guseganan kyangay ban furuan Erusalem ay sa sangay taw tagbanwan sanya. Sanya ban we gwayway ya ay get gubuk, ay we gfandeng.

Eremyas 3:12

Katsi loi wan ay foyungi sas Israel takatatuy fag foyungan: ‘Yawi nalong te, Am fag ngay taw Israel takamabo, afolii wan sa angku, aroro mafangafanyu ktua, ay kabavn ban kdi kadotama ya ayu.

Eremyas 3:5

O nunda kadotama yay o gugat emi? Seduge tua ban nu kadotama o emi?’ Dewa am glong takatanya, at matuyan mauri way ay fakamulun.”

Eremyas 31:20

Yawi gbalus te, “Ngay taw Efraim, o nunda am wan ku fakesugun ku ngay sisian? Dewa malayun nu glong au sa ayu at mauri, kesug ktua gugat ayu. Kaylat ktua gugat ay kafanyu ayu.

Eremyas 31:34

Wa ban e glong ya sat ngay kaiban ay sat faduksay te, ‘Toglagi tua Yawi,’ aroro kanya fagayu toglag wan angku, siginan tagafalingunan ay anggan sat ngay takadungug. Namalyam kban kanya fagayu at ngay nafakamulun at mauri, ay kwa ban gamatangan ya at ngay asalanan.

Eremyas 32:41

Kaylat au namakamulun sa anya fagayu at masine ay sas fagdaul ku amatanganan namabanwan au anya fagayu stie fag talun.”

Eremyas 33:8

Namasine kban anya fagayu ay namalyam at ngay asalanan at nafakamulun sa angku.

Eremyas 50:20

Ginanya ban fag ngay menit, at kinsawad fag ngay taw Israel ay Uda wa gasalanan ya, aroro nafalyam kwan at ngay asalanan. Au, Yawi, taglong tuy.”

Eremyas 9:24

Nusnga sinu fag taw takaylat nanfamatungudun, nu kamatungudun sa yakman baliwa nu gtoglag angku. Aroro au, Yawi at mafangesug, at mafakamulun kasakan ay at matuyan sas fagdaul daga. Katanya tua ku fakaylatun. Au, Yawi, taglong tuy.”

Esekyel 18:23

Au Yawi kwa guseganan at mauri fag taw nu nbul. Aroro kaylat au kanya nu gubun at asalanan ay nu gfasine at ugali. Ay kaylat kyangay kanya nu gfataglayun gleleg.

Esekyel 33:11

Nanlong o sanya fag ngay taw te, ‘Au, Fun Dius Yawi gfatuyanan au te, kafanud nu gleleg au, kwa guseganan at mauri fag ngay taw nu kabul. Ku fakaylatun, kafag ngay taw nu gubun tua at ngay ugali at mauri laman gleleg tua. Nu katanya, ngay taw Israel, ubuni wan ay ugali at mauri. O nunda kaylat am kabul?’

Esekyel 33:16

Gfalyam kban at nafakamulun fag ngay asalanan. Aroro kanya gfakamulun tua at masine ay at matuyan. Kanya ban gleleg tua.

Daniel 9:9

Dewa katanya, em Fun Dius mafangafanyu tuo, ay gfalyam tuo em fagmauriun dewa ami nafamabo emu.

Usea 14:2

Afolii wan sas Yawi ay longi sa anya te, ‘Falyami wan em ngay asalanan, ay aylati emi kata am fagmasineun, laman mafauseganan ami emu.

Usea 14:5

Ay gfon au at masine sa sangay taw Israel; kata au damug sa anya. Ay kabuskad kata at masine fag barugwak, ay kata sik tagbia fag fun kayu tangabasad nu glalid.

Uel 2:32

Ginanya ban, nusnga sinu fag taw taget gubuk sas Yawi, umlangfe sanya ginan fag faurianan. Aroro Yawi nalong te, umke sawad yay ban ngay taw Israel sis Buksul Siun, at masuad te, Erusalem. Kanya fag ngay taw Yawi at nafili ay at nafalangfe.

Amus 1:11

Katatuy Yawi at longan sabaliwas Edum: “Ngay taw Edum gfataglayun way gugat nu gasalanan, nu katanya, namaurianan kban anya fagayu. Kanya fagayu kadotama way gugat at ngay kalongan fag ngay taw Israel, ay gfafalo laman namabul yud e afanyu.

Amus 7:8

Yawi nainto sa angku te, “Amus, nataw am lagan?” Ay nabalus au te, “Sik famatagbung fag lubyang.” Ay Yawi nalong te, “Kanya ku famasaful sa ku ngay taw te, wa matuyan nu gbanwan. Nu katanya, kwa kafanyu ya anya fagayu.

Amus 8:2

Ay nainto angku te, “Amus, nataw am lagan?” Ay nabalus au te, “Sik ngay rawvg malesanan masuadan sad sabi.” Ay Yawi nalong sa angku te, “Andasug wan ku ngay taw Israel at fakatabuan. Kwa kafanyu ya anya fagayu.

Unas 4:2

Nu katanya, Unas nalong sas Yawi te, “Yawi, matuyan ebi ku nalong gina au si em furuan te, nangafanyu o kafag ngay taw tagsis Ninibe nu gubun tua at ngay asalanan, aroro nasaful kwa te, sik Dius tuo at mafangafanyu ay at mafangamatang. Ay mafangesug tuo ay di o gfangadotama. Ay mafalganan tuo gfabali am amatanganan laman di o namaurianan. Kanya wan ku fagnalagyuun sas Tarsis.

Mikas 2:12

Yawi nalong te, “Fagayu am at sawad tagbanwan sis Israel ay sis Uda, namaful kban ayu kata ngay tupa sis fagubungan, ay kata ngay gaban fagbaugun sas fagnamafangonan. Katanya yangay, umkayu ban am sa ay fagbanwanan.

Mikas 5:3

Nu katanya, Yawi ban gfagbilug wan ngay taw Israel sat ngay fawayan yakmay ban sik mangena nainkidapan nafasalug sik munama, at nanfangguna ban taw Israel. Ay kanya ban fag tagfangguna at ngay kaiban at natabanan sa tibak talun, umfoli yay sat ngay kaiban.

Mikas 7:14

Ngay taw Israel gdarangin te, “Yawi, alagai emi kata tagalaga tupa nu galaga at ngay tupa. Ngay talun sa em ligung, kasakan tua at fagfafangonan, dewa katanya, ami, siway mi lang sad araw. Fabiai em talun kata ebi gina ami sis Basan ay sis Gilyad.

Sefanias 3:17

aroro Yawi gufud tua ayu. Kanya kata sik maseganama fag tagfawayan at namalangfe ayu. Yawi guseganan ayu ay aroro kesug tua ayu, kanya gfon ayu sik bagu fag leleg. Kanya galubad guseganan laman sa ayu,

Tap 23:21

Kwe nalag faurianan ay fagidapun takadasug sas Israel. Yawi galo anya fagayu; ay ngay taw gafanud te, kanya wan at fun.

Lukas 15:32

At masine nu guseganan tam ay nu kaylat tam, aroro am arian kata wa nu nbul, ay katsi anfoli tua gleleg. Kanya ebi nalyam wan ay katsi anlag yay.’ ”

Lukas 24:47

Ay siginan ban at ngayan e gfoyung sas fagayu taw, taguna sas Erusalem ay anggan sas fagdaul daga at taw te, fagayu taw nu naubun tua at ngay asalanan, Dius gfalyam wan at ngay asalanan.

Ruma 11:4

Dewa katanya, setain Dius at famalus? “Nafasawad kyay fituk libuk mangama at yud gseg Baal.”

Deuterunumyu 33:26

We gfasud taw Israel at Dius. Siginan at fagmabalyananun, kanya gsakay sis tungud linyabu laman ggubuk ayu.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.

Tagfangguna 10:16

Sanya ginan, ngay taw Israel naubun wan at ngay fagsegan ay naseg Yawi. At matuyan, Yawi wa kagwanta glag ngay taw Israel nu gidapan.