Mikas 7:14 - Fanawbuid tagsibaliwas Fakayabian

¹⁴ Ngay taw Israel gdarangin te, “Yawi, alagai emi kata tagalaga tupa nu galaga at ngay tupa. Ngay talun sa em ligung, kasakan tua at fagfafangonan, dewa katanya, ami, siway mi lang sad araw. Fabiai em talun kata ebi gina ami sis Basan ay sis Gilyad.

Mikas 7:14 ပူးပေါင်းရင်းမြစ်များ

Alubad. 100:3

Asafuli te, Yawi wan tam Dius. Sia wan at nawat antam, ay itam wan at ngay taw. Kanya gulit antam kata ngay fagbaugun sis fagfafangonan.

Alubad. 143:5

Namatang au at kinlangfe fag ngay buknga, ay namatangan au am ngay nafakamulun at madulo.

Alubad. 28:9

Falangfei ay fadantei am ngay taw. Ay kabavn ban alagai anya fagayu, kata sik tagalaga tupa nu gulit ay nu gbuba at ngay tupa.

Alubad. 95:7

aroro sia wan tam Dius ay itam wan at ngay taw, kanya galaga ay gulit antam kata ngay tupa. Fagayu am, dungugani Dius at longan!

Nu Galin 33:16

Tain way ban tibak taw nu gsaful te, guseganan o angku ay anggan am ngay taw? Ay tain ro em fagsamanun fagayu taw sis fagdaul daga, nu dway o nangalo ya emi?”

Sulumun at Alubad 4:1

Ku fakesugun fag baguina, at kasine o! Am ngay mata at maumutan at masine fag ramit masine kata labikung. Am buk gludlutun kata ngay kambing nu gtagbung gbaraudan sis Buksul Gilyad.

Isayas 27:13

Ay gina ban e ndungug budyung at awang daul, umfoli ban sas furuan Erusalem tagidapan fag ngay taw Israel, at natabanan sas Asirya ay Igiptu. Ay kanya ban fagayu sumeg Yawi sat yud e malong fag buksul tagsis furuan Erusalem.

Isayas 35:2

Kafag talun guro tua ban nu galubad at kaksvnan nu guseganan, ay ngay barugwak ban kabuskad. Ay umsine ban kanya fag talun kaksvn buksul Lebanun nu masine, ay kata buksul Karmel ay datag Sarun. Ay umsure ban sanya Yawi tam Dius at fagmabalyananun ay at kamasuloan.

Isayas 37:24

Nagbilug o am ngay fagsuguan laman gfalingun o angku, Nalong o sa angku te, “Siginan ku ngay faguyudan fangawayan naundaud au sa tangabat fag ngay buksul, anggan tungud buksul Lebanun. Nafuan kwan sanya fag ngay kayu tangabat, ay nalag au tangayayu fag fungfung tangrawan, ay at masine fag araw.

Isayas 40:11

Kanya nangulit at ngay taw kata sik tagulit tupa ay gsalilian at ngay tupa riangan, ay gtabanan fia masine at ngay tupa tina.

Isayas 49:10

Kanya ban fagayu di kalunus ay di kadanum. Ay kanya ban fagayu di ban karoy siginan at magong fag talun ay menit at sugba. Nantaban kban anya fagayu sa sangay bulbug, aroro kafanyu au.

Isayas 65:10

Namaramraman kban anya fagayu at nanangakbang angku. Ay gfon kban sa anya fagdaul Sarun ay datag Akur laman at fagnamafangonan at ngay fagbaugun.

Eremyas 49:31

Au Yawi, nasugu kwan sa anya fagayu te, namawayan am ngay taw at manabayan ay at yud e fagafanawaun. At sakbawan furuan we dingding, ay kanya way lang fagayu tagbanwan sit furuan.

Takabalu 1:7

Ngay taw sis Erusalem gina gidapan ay yud e fagbanwanan, gamatang at ngay ramraman ebi. Ay gina kanya fagayu gidapan we nagubuk ya, ay at ngay fawayan gfalingun kase.

Takabalu 5:21

Yawi, fafolii wan emi sa emu. Fafolii wan em fagmanabayanun kata nu gleleg ami ebi ginan,

Esekyel 36:11

Namayu kban ngay taw ay anggan ngay fagbaugun si ayu fag ngay buksul. Ay gdog kyay ban namabanwan kafag ngay taw si ayu kata ebi ginan, ay namaramraman kban ayu fag ngay buksul gtungud yap tua ebi taguna. Ay sumaful ban am te, au Yawi.

Lebitiku 27:32

Ay nu natap am ay ngay baka, ngay tupa ay anggan ay kambing, foni wan at fasafuluk afud laman sas Yawi.

Amus 9:11

Umdasug ban sik menit gdog au namalindug Dabid at fagfagtainanan kata sik bale famoy at kinkiklas. Namasine kban kata ebi nu masine,

Ubadyas 1:19

“Ngay taw Israel tagbanwan sis talun Negeb, nangagbilug ban Isaw at fagagbilugun fag ngay buksul. Ay ngay taw Israel tagbanwan sa sangay buksul, nangagbilug ban ngay taw Filistia at talun, ay nangagbilug yangay ban Efraim ay Samarya fag talun, ay Benamin ban at kasugfunanan nangagbilug Gilyad fag talun.

Mikas 5:4

Siginan ban Yawi at fagmabitsugun ay at fagmabalyananun kanya ban namagtainan ngay taw Israel. Kanya ban kata sik tagalaga ngay fagbaugun. Nu katanya, manabayan tua ban ngay taw Israel nu gbanwan aroro ngay taw ban sas fagdaul daga lumag at fagmasineun.

Sefanias 3:13

Kanya ban fag ngay taw Israel di gfakamulun at mauri, di kamuag ay di gfandaya, ay gfangon tua ban ay gtiug manabayan ay di e fakalimuun.”

Sakaryas 10:10

Namauli au anya fagayu siginans Igiptu ay siginans Asirya. Ay namafoli au sas Gilyad ay sas Lebanun. Ay wa ban sak ya sit talun.

Sakaryas 11:7

Nu katanya, naalaga au ngay tupa ngay tagfalao at fagnamilasun. Ay nanamul au duak tulag, at sadi nafangayan au te, Fagmasineun, ay at fadua nafangayan au te, Fagmasadiun.

Malakyas 3:4

Nu katanya, Yawi ban gdog yay kaylat ngay taw Uda ay ngay taw Erusalem at ngay fanggalangun kata ebi ginan.

Tap 23:9

Siginans tungud buksul, gbanawan au anya fagayu. Kanya fagayu gbanwan manabayan, ansaman wan sa tibak gaban taw.

Tap 32:1

Rubin ay Gad at ngay kasugfunanan ngayu at fagbaugun. Ay kanya nu nalag te, furuan Aser ay talun Gilyad masine laman at fagfafangonan,

Tap 32:4

fag ngay furuan Yawi at nafagbilug sa sangay taw Israel, ay masine laman at fagfafangonan, aroro ami, ay ngay fagsuguan, ngayu wan em fagbaugun.

Mateu 2:6

‘O wan Betleem sis talun Udea, o tua at tiba tungud fag furuan sis fagdaul talun Udea, aroro siginan emu umsure ban sik Fun, at namagtainan ban ku ngay taw Israel.’ ”

Uan 17:16

Kafag ngay taw wa gfaning ya ste swa daga fag ugali, kata nu yud au gfaning.

Deuterunumyu 33:28

Nu katanya, ngay taw Israel ban gbanwan tua manabayan, sit talun tangayu at trigu, ay at malangu fag mamam siginans wat ubas at rawvg, ay sit ke damug siginans banwa tagfae mamam sas daga.