Mikas 7:12 - Fanawbuid tagsibaliwas Fakayabian

¹² Ay ginanya yangay ban fag buknga, ngay taw ban siginans Asirya ay Igiptu at fagagbilugun fag ngay furuan, ay sitsigons Liskung Eufrates, ay siginan tangayayu fag ngay talun, nangaful sa ayu.

Mikas 7:12 ပူးပေါင်းရင်းမြစ်များ

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 11:16

Umke dalan ban laman Dius at ngay taw at kinsawad umkalfas siginans Asirya, kata ebi gina ngay taw Israel glao siginans talun Igiptu.

Isayas 43:6

Glong kban sa sangay talun at ngay taw tagsis dua alvngvdan laman gfabayan wan am ngay kasugfunanan nu kafoli sat sadili talun, dewa ndaginan fag fungfung daga.

Isayas 49:12

Ku ngay taw ban tiba kadasug siginan tangayayu, ay tiba ban siginans wala fag alvngvdan ay siginans fakayabian, ay siginans Sinim.”

Eremyas 23:3

Namaful kban ku ngay taw at sawad siginan sangay talun nu inda nu gfasaruayan au anya fagayu, ay namafoli kban sat sadili fagbanwanan ay kanya ban fagayu gdog yay nangayu.

Eremyas 3:18

Ginanya ban, ngay taw Uda ay ngay taw Israel gadgaloan siginans fawalan fag alvngvdan siginan at fagatabananan ay kafoli sa ku nafon sat ngay mangaguyang fag talun laman at fagagbilugun.

Eremyas 31:8

Ay Yawi glong yay fia te, “Dungugani! Namul au ay namaful anya fagayu siginans fawalan fag alvngvdan, nusnga nday fag fungfung daga. Galo yangay anya fagayu, anggan at ngay yud glag, ay at yud malao, ay tagfafion, ay tagafasalugun wan. Ngayu tua bank taw takafoli.

Eremyas 46:27

Ngay taw Israel, ku fagsuguan Akub at ngay kasugfunanan, lag am kamomuy ay kalimu aroro gfalangfe kban ayu siginan tangayayu fag talun nu inda nu gatabanan am. Gdog yay ban am namanwan manabayan, ay wa ban e kadasug ya sa ayu fagidapun, ay we mafalimu ya ayu.

Esekyel 29:21

“Taw at baguama, gina ban anfasludan takatanya, gfabitsug kyay ban ngay taw Israel. Ay ngay taw Israel ban sumaful te, am longan matuyan. Ay kanya ban fagayu sumaful te, au Yawi.”

Esekyel 37:21

Ay longi sanya fag ngay taw te, ‘Au, Fun Dius Yawi, glong au te, namaful kban ngay taw Israel siginan at fagnangarapyagan fag ngay talun, ay namafoli sat talun.

Usea 11:11

Masakit nu kadasug am kata sik ngay manuk tungud siginans talun Igiptu, ay mannga kata sik ngay labikung siginans Asirya. Gdog kyay gfauli ayu sa ay ngay fagbanwanan. Au wan Yawi taglong tuy.”