Mikas 7:11 - Fanawbuid tagsibaliwas Fakayabian

¹¹ Mikas nalong sa sangay tagbanwan sis Erusalem te, “Umdasug ban sik menit, gdog yayam nangawat ay furuan at alad, nu katanya, umbia yay ban ay talun.

Mikas 7:11 ပူးပေါင်းရင်းမြစ်များ

Nemyas 2:17

Dewa katanya, nalong au sa anya fagayu te, “Nalag wam tam furuan daul at kayaunanan. Erusalem ankiklas wan, ay nirug wan at ngay sakbawan. Nu katanya, gdog watam nangawat Erusalem at alad laman di tam gafaplan.”

Nemyas 2:8

Ay nu masine, foni yangay angku sik rirukan laman sas Asaf, tagalaga am fagagbilugun fag araw, laman ban kanya gfon sa angku ngay balse fangawat sakbawan bale daul at mogat at munakbang sis Dius at bale, ay famawat dog furuan at alad ay ku bale.” Aroro Dius guseganan tua angku, fun naylat tua ku ngay fagetun.

Nemyas 4:3

Ay Tubya fag taw Amun, malindug munakbang sis Sanbalat, nalong yangay te, “Nusdi ro sik idu talun at nananlao sanya fag alad, karufa way!”

Nemyas 4:6

Dewa katanya, wami gfaragang nu kawat ami alad, at kabatan gwabilug wan, aroro ngay taw maseganama tua nu gfakamulun.

Isayas 54:11

Erusalem, kata fulug nu nadalan emu. Ay gina o gidapan maksvn, we nafasun ya ay e nafabitsug emu. Dewa katanya, gdog kyay namawat emu sat mogat fag fagfatungkudan turuk at mawatan siginan at mameloan fag ngay gang, ay namae dingding kban emu siginan at mafanud fag ngay gang gmedmeloun.

Isayas 54:2

Fabiai yap am bale ramit, ay famuti at ngay famalanib, ay faogati at ngay fansalod ay at ngay fagtabingan.

Isayas 58:12

Ay ngay kasugfunanan ban gdog yay nangawat ay ngay furuan taglugo wan nu marasrasan ay namasine ban ngay fagtungkudan turuk. Ngay taw ban gtoglag ayu te, sik tagfasine am at kinrasras fag ngay alad ay fag ngay bale.

Isayas 61:4

Ay kanya gdog yay nangawat at ngay furuan taglugo wan nu marasrasan.

Daniel 9:25

“Asafuli ay atogdungugi te, kalangfe yay ban ufatk safulu e siamk banwa siginan nu e nalong te, awati Erusalem ay yakmay ban andasug Dius at nafili fag tagfangguna. Ay kawat ban furuan Erusalem, ay at ngay fagaweanan, ay sik alian sit ligung furuan ke mamam, kaduge ufatk sandan tuluk safulu e ufatk banwa. Ay ginanya ban, wa mabayan.