Mikas 7:1 - Fanawbuid tagsibaliwas Fakayabian

¹ Mikas nalong te, “Afanyuan au! Kata au sik taw takalunus ay tagrvbvy wat ubas at rawvg, ay fun kayu igus at ngay rawvg at sawad, dewa katanya, kwe nalag nusdi sadik rawvg.

Mikas 7:1 ပူးပေါင်းရင်းမြစ်များ

Alubad. 120:5

Afanyuan au, aroro nu gbanwan au magamut way sit mauri fag ngay taw sis Mesek ay sis Kedar.

Fangatulun 20:6

Ngayuk taw taglong te, matuyan ami, dewa katanya, sinu nunda si anya at matuyan?

Isayas 17:6

Wa ban ngayu takasawad sanya fag ngay taw. Kanya ban fagayu kata sik fun kayu ulibu gina e ntabu ggutlu at ngay rawvg: tibaginan umke sawad yay dua ay mannga tuluk rawvg sa tangabat fag sanga, ay mannga ufat ay limak rawvg sa tibak sanga. Au Yawi, Israel at Dius, taglong takatanya.”

Isayas 24:13

Wa ban ngayu takasawad taw. Ay sas fagayu talun at ngay taw sas fagdaul daga, umkata sik fun ulibu ay sik fun ubas gina bagu katabu grabas at rawvg.

Isayas 24:16

Ay umdungug ban tagfangalubadan sas fungfung daga te, “Segi, Dius at matuyan.” Ay dewa katanya, au afanyuan kway fag taw. Kamomuy au! Aroro takamabo fag ngay taw gfataglayun way nu kamabo.

Isayas 28:4

Kanya fag furuan sisad datag, sit masine fag daga, ay dewa katanya, at kasinean kalyam way ban kata sik barugwak takalangke. Kanya ban kata sik tanum igus taguna at rawvg, ay nusnga sinu ban tagdalan sanya ay nalag kafag rawvg namul wan ay kon.

Isayas 6:5

Nu katanya, nalong au te, “Afanyuan au! Matuyan wan umfaurianan au, aroro glong au gugat at mauri, ay gbanwan au magamut si sangay taw taglong gugat at mauri. Ay katsi, nalag au tam Fun, Yawi at Mabalyanan!”

Eremyas 15:10

Afanyuan au! Ku mina nangus wa nafasalug ya angku! Ngay taw Uda gfawayan gugat angku. Kwa oma e bedan ay kwa yangay e fagfabedanan sas nusnga sinu, dewa katanya, kanya fagayu kadotama angku.

Eremyas 24:2

Sit sadi fag sabi, melo, masine, malesanan, ay bagu yay grabas. Ay sit faduak sabi, madanan way ay wa kaon ya.

Eremyas 4:31

Nadungug au sik maksvn fag wayway ay fag fandeng kata sik mangena nu gfandeng gina gfasalug at ngenge taguna. Katanya ngay taw Erusalem nu gfandeng. Kanya fagayu gfalugde at ngay take ay gfainfanyuan get gubuk ay glong te, “Karanug au. Ku ngay fawayan namabul wan angku.”

Eremyas 45:3

‘Nalong o te, sik mafanyuan way o lang, aroro Yawi nafamut am fagidapun. Kalufuy wo gfandeng ay wo e buknga ya gfiangalay.’

Eremyas 5:1

Yawi nalong te, “Ngay taw Erusalem, loi sa ay ngay dalan ay damai ay ngay fagaweanan! Ay nu e nalag tua ro am at masine ay at matuyan, gfalyam kban ay furuan at asalanan.

Usea 9:10

Dius nabalus te, “Ngay taw Israel, ebi gina au gfili ay ngay mangaguyang laman ku ngay taw, maksvn nu guseganan au. Kata au sik taw taguseganan nu nalag sik tanum wat ubas nu natugbung si sik talun at yud e taw, ay mannga nu nalag taguna fag rawvg si sik tanuman fun igus. Dewa katanya, nalao wam sas Baal-Peur, ay nafalganan ay ngay sadili sa kafag fagsegan at mauri, ay nu katanya, ansik mauri am kata kafag fagsegan ay fakesugun.

Tap 18:13

Am wan tagagbilug sat ngay rawvg siginans taguna fag gutluan sis gamasun. Nusnga sinu siginan am talanan masine maon kafag ngay afud.