Mikas 6:9 - Fanawbuid tagsibaliwas Fakayabian

⁹ Dungugani Yawi at longan sas furuan Erusalem, nusnga sinu tagsuyu Yawi e fagsafulun tua. “Uda at ngay kasugfunanan, nangaful am sas furuan Erusalem laman nandungugan am anya.

Mikas 6:9 ပူးပေါင်းရင်းမြစ်များ

2 Samwel 21:1

Gina fun Dabid gfunan, anke fanlunus tuluk banwa. Nu katanya, fun Dabid nandarangin sas Yawi. Ay Yawi nabalus anya te, “Anfasludan takatatuy aroro Saul ay at ngay kalongan nafabul ngay taw Gibyun.”

Ub 10:2

Katatuy ku longan sas Dius: lag o gtap angku te, sik tagasalanan au. Longi sa angku, nataw ku asalanan sa emu?

Ub 23:14

Ay kanya gfafasludan sa angku nusnge wain at algan, ay ngayu tua at algan sa angku.

Ub 5:17

Mauseganan sik taw, Dius nu nafalyam tua at ngay nasalan. Nu katanya, lag o glong te, at mabalyanan fag Dius nu gfasine am ugali mauri way.

Alubad. 107:43

Ngay taw at ke fagsafulun gamatangan tua nangus gugat takatanya fagayu, ay gamatangan tua nangus gugat te, Dius mafangesug.

Alubad. 48:10

Ay fagayu taw sas fagdaul daga gfauseganan emu, aroro siginan am fagmasineun. Siginan am fagmabalyananun, gfakamulun tuo gugat at matuyan.

Alubad. 83:18

laman ngay taw sumaful te, o wan, Yawi, Tiba Tungud fag Dius sas fagdaul daga.

Alubad. 9:16

Yawi nafatoglag at sadili siginan nu matuyan nu gfawabilugan ngay taw. Ay ngay tagasalanan umfaurianan aroro sat ngay sadili nafakamulun.

Fangatulun 22:3

Sik taw at mamatanganan gsaruy tua fagmalimuun, ay at yud e fagsafulun gtaglayun way lang, katanya wan at faginfauriananun.

Isayas 26:11

Yawi, nafalganan wo laman namauri anya, ay dewa katanya, wa nasaful. Yawi, foyungi anya. Faplani anya laman lumag te, se aksvn nu kesug o am ngay taw. Famini wan am ngay tagfawayan siginans afuy.

Isayas 27:10

Mabaluanan way lang at maaladan fag furuan, ay we taw ya gbanwan sanya, ay kata way lang sik talun at yud e taw. Sanya at fagnamafangonan way lang ay fagfatiugan at ngay baka. At ngay baka nafamin wan ngay kayu at ngay don.

Isayas 30:27

Dungugani fagayu am! Yawi kadasug siginan tangayayu, kata nu gigang at dotama sis wa buknga anus. Ay at bibig mapnu dotama ay nu garingang kata wa sik tagigang fag afuy.

Isayas 66:6

O gdungug am ngay aringang sis furuan ay sis Yawi at bale? Kanya Yawi at aringang gina gfasud at ngay fawayan.”

Isayas 9:13

Kafanud kanya, nu gfaurianan ngay taw Israel, kanya fagayu ya kafoli sas Yawi at Mabalyanan. Ay kanya fagayu wa gamatangan ya anya.

Eremyas 26:18

“Ebi gina Esekyas gfunan sis talun Uda, Mikas, tagsiginans Mureset, nalong Yawi at longan laman sa sangay taw Uda. Kanya nalong te, ‘Yawi at Mabalyanan nanrasras wan Siun, Erusalem fag furuan daul. Ay kafag furuan ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.’

Eremyas 26:6

grasras kban tuy fag bale kata ku nafakamulun sis Silu. Ay fagayu ban talun sas fagdaul daga gfauri kanya fag furuan!’ ”

Eremyas 47:7

Dewa katanya, setain ro ku fiso nu kafaragang ay nu nasugu kwan sa anya te, fawayani furuan Askelun anggan ngay taw tagbanwan sis tigyangan dagat?”

Esekyel 7:9

Kwa kafanyu ya ayu. Namaurianan au ayu aroro mauri ay ngay nafakamulun. Nu katanya, sumaful ban am te, au Yawi at nafaurianan ayu.

Usea 13:16

Gfaurianan au ngay taw Samarya, aroro sat fakamaboun angku at Dius. Kanya ban fagayu umbul sas awayan. E gfafalang ban at ngay sisian sas daga yakmay anbul, ay e gfilas ngay tagfafion at ungdan.”

Usea 14:9

Am at ke fagsafulun, asafuli ay atogdungugi takatanya fagayu. Kasakan tua Yawi at ngay balyawvtan, ay at matuyan fag ngay taw gfaning tua, dewa katanya, kanya mauri way sa sangay taw takamabo.

Amus 2:5

Nu katanya, nangirug kban talun Uda, gasfuan Erusalem at mogat fag ngay afud.”

Amus 6:1

Afanyuan am ngay tagfangguna sis Siun ay sis Samarya, aroro ay fakaylatun nu gbanwan am fagmabayanun way lang. Ay nu gamatangan am ay sadili, sik takadungug am fag ngay taw ay sik tagtungud sa tibak talun, ay sa wa ayu ay ngay taw nu nangakbang.

Mikas 3:12

Aroro nafakamulun am takatanya, umkiklas ban Siun, furuan Erusalem. Ay kanya ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.

Mikas 6:10

Am fag ngay taw, mauri wayam! Kwa ban kalyam ay nafaful fag ngay ramraman siginan ay balyawvtan at mauri. Nu gtas am wa kasakan. Kauri kway takatanya fag fakamulun.

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Sefanias 3:2

Dewa e gfoyung anya, wa kaylat gdungugan ay wa gafanud ay wa nangakbang sas Dius Yawi.

At Nafasure 3:19

Gfoyung au ay gatul fagayu ku fakesugun fag ngay taw. Nu katanya, ugatani ubuni ay talyuyani ay asalanan.