Mikas 6:8 - Fanawbuid tagsibaliwas Fakayabian

⁸ Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Mikas 6:8 ပူးပေါင်းရင်းမြစ်များ

Fakasigadan 18:19

Nafili au anya laman namafasludan sat ngay sisian ay sat kasugfunanan ku balyawvtan laman gfakamulun at matuyan ay at mafanud. Nu katanya, umfasludan ban ku ngay fatuyanan sa anya.”

Fakasigadan 5:22

Ay siginan Metusela nu kasalug, Inuk nu gleleg tuluk sandan yak banwa ay anfamut yay at ngay sisian ay kanya gafanud tua sas Dius. Ay Inuk at banwa nung wa tuluk sandan unumk safulu e lima, kanya nalyam wan aroro Dius nataban anya.

2 Krunika 30:11

Dewa katanya, e ngay taw tagsiginans Aser, Manase ay Sebulun at nafamababaun ay nalao sas Erusalem.

2 Krunika 32:26

Ay Esekyas naubun at fakamatungudunun, ay katanya yangay anggan ngay taw Erusalem. Nu katanya, Yawi wa nafadasug at dotama kaduge Esekyas gleleg.

2 Krunika 33:19

Ay marirukan si sangay taglong at fagrirukan, Manase at darangin, ay Yawi at famalus anya, ay fagayu at asalanan ay nu kamabo Yawi. Ay marirukan yangay sanya nu inda nu kawat ngay fagnansegan, ngay turuk fagtoglagan Asera fag fagsegan, ay tiba yak fagsegan, gina kanya yud nafamababaun sas Dius.

2 Krunika 33:23

Ay kanya wa nafaning at mama at nafamababaun sas Yawi. Sarokta kanya nafamut yay at asalanan.

2 Krunika 34:27

Nadungug au am darangin ay nu kamababaun o sa ku daga salubangan, gina o nadungug ku longan sabaliwa tuy fag furuan ay ngay tagbanwan ste. Ay ginanya nagirat o am lanbung ay nawayway si ku daga salubangan laman gfalag o te, kabalu o. Nu katanya, au, Yawi, glong au te,

Nemyas 9:13

“Ay nasa o sbuksul Sinay, ay nafakamatoan anya fagayu. Ay nafon o at kasakan fag foyungan ay at masine fag faugali.

Alubad. 101:1

Yawi, galubad au sik alubad famauseganan emu, sabaliwa nu mafangesug o ay nu matuyan o.

Alubad. 112:4

Sik taw tagugali at matuyan, dewa sis fagmadulumun, si tua gugat anya fagmayamagun. Ay kanya kamon, ay mafangafanyu ay matuyan.

Alubad. 112:9

Kanya kamon tua sat yud e kwa, ay at fagmatuyanun ban kamatang tua gugat. Ay at fagmakatuun ban kafamut yay, laman e gfauseganan.

Alubad. 37:26

At matuyan fag taw kabavn kamon tua ay kamaulbus, ay at ngay sisian sik fagulitan tua.

Alubad. 73:28

Yawi, ku Fun, dewa katanya kaylat ktua nangakbang sa emu. Ay o wan ku fagsarigan. Ay namoyung au am ngay nafakamulun.

Fangatulun 21:3

At matuyan fag fakamulun sik mauseganan sas Yawi gtungud yay sik ngay fanggalangun.

Takamoyung 12:13

Katsi, natap wo fagayu, ay kata ya tuy ku fangatulun taguyan: Alimui Dius ay faningi at ngay suguan, aroro katanya galay sik taw at fakamulun.

Isayas 56:1

Katatuy Yawi at longan, “Matuyani tua nu gfawabilugan am, ay fakamuluni at masine, aroro munakbang wan nu gfalangfe au ayu ay nu gfasure au ku fagmatuyanun.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Eremyas 22:16

Am mama nagubuk tua at yud e kwa ay tagayudan, nu katanya, ngay taw maksvn nu kesug anya. Kata anya tagtoglag angku.

Eremyas 22:3

Fakamuluni tua at ke fagmanabayanun ay at ke fagmasineun. Gubuki at nafangkamulan, ay falangfei anya fagayu siginan tagfaidapan. Lag am gfauri ay ngay betaw, ay at yud e fagtainan ya, ay anggan ngay fagbubayun. Ay lag am gfabul ngay taw at yud e asalanan.

Eremyas 9:23

At ke ngay fagsafulun wa masine kamatungudun. Ay at mabalyanan fag taw wa masine kamabatun. Ay at maramraman wa masine kamanagsag sat ngay ramraman.

Takabalu 3:26

Masine tua tagagwantan gfanya Yawi nu gfalangfe.

Esekyel 16:63

Ginanya ban gamatang o am ngay asalanan ay umkapla ban o, kaugat waban nu nafalyam kwan fagayu am nafakamulun mauri, wa ban o maringang ya at kaksvnan nu kapla o. Au, Fun Dius Yawi taglong tuy.’ ”

Esekyel 33:14

Ay nu nalong au sat mauri fag taw te, anud kanya ban kabul, dewa katanya, kanya nu naubun tua at fagmauriun ay nu nafakamulun tua at masine ay at matuyan,

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Usea 12:6

Nu katanya, am Akub at ngay sugfun, afolii wan sas Dius, falagi anya te, kesug am anya ay masine wam sa anya. Fataglayuni nu gafanud am sa anya.

Usea 6:6

Aroro ku fakaylatun, nu kesug tuam angku, bundi ay ngay fanggalangun. Ku fakaylatun, nu gtoglag am angku gtungud yap tua ay ngay fagirugun fag ngay fanggalangun.

Amus 5:24

Ku fakaylatun, fataglayuni nu gfakamulun am at matuyan ay at masine, kata sik liskung yud karagang nu gfamilugan.

Mikas 6:9

Dungugani Yawi at longan sas furuan Erusalem, nusnga sinu tagsuyu Yawi e fagsafulun tua. “Uda at ngay kasugfunanan, nangaful am sas furuan Erusalem laman nandungugan am anya.

Sefanias 2:3

Ay am takamababaun ay tagfaning Yawi at suguan, akbangi sa anya. Fataglayuni nu gfakamulun am at masine ay nu kamababaun am. Bangaran ban Yawi gdiri tua ayu ginanya fag menit.

Sakaryas 7:9

“Katatuy ku longan sa ku ngay taw, ‘Matuyani tua nu ginsaful am. E fagmasineuni tua ay e fakafanyuni sas galay am at sadi.

Mateu 5:3

“Mauseganan ngay taw at yud e kwa tagsarig tua Dius, aroro Dius gfagtainan tua anya.

Mateu 5:7

Mauseganan ngay taw takafanyu tua at iba katsi, aroro e kafanyu yangay ban anya.

Lukas 10:42

Sadi way sik taw at fagayudanun fia. Ay Maria nafili at masine, ay we mafaago siginan anya.”

Lukas 11:42

“Ida, am fag ngay taw Fariseu, aroro dewa am gfon at fasafuluk afud sas Dius siginan ay balanuy ay ay banglad ay fagayu ay famaebebanglu ay fakonun, nalyam wayam gfakamulun at matuyan sa ay iba, ay nu kesug am Dius. Nu ddi am nalyam at mafanud fag ngay suguan, dangay kalyam anggan talay fag ngay suguan.

Lukas 12:14

Ay Isus nalong anya te, “Duan sama! We taw nafili angku laman nanginsaful au at masine ay laman nangafud au ay ramraman.”

Lukas 6:36

Afanyui, kata ay Mama nu mafangafanyu.

Ruma 7:16

Katsi ku fagfakamulunun nu ku fagyudun way kaylat fag fakamulun, at masuad gafanud au te, masine Muisis at Faugali.

Ruma 9:20

O fag taw, wain am fagnamabadbaboanun Dius? O at awatan malong sa takawat anya te, “Wain fakatatuyun way nu mawatan au?”

1 Kurintu 7:16

Mangena, wo nasaful te, Dius nangagbilug emu laman ban am mangama umlangfe. Ay o, mangama, wo nasaful te, Dius nangagbilug emu laman ban am mangena umlangfe.

Efesu 4:32

Nu bunway, madmalukmeani tua ay edkesugani, ay fadfalyamani tua nu nke fagmauriun sa ay iba, kata Dius nu gfalyam ay asalanan siginan tam Fun Isus.

Deuterunumyu 27:10

Nu katanya, faningi ay Dius Yawi ay fakamuluni fagayu at suguan ay at faugali, ku nafon sa ayu katsi.”

Deuterunumyu 30:15

Dungugani! Katsi fag menit, gfafili au sa ayu: leleg ay fakabulun, fagmaramramanun ay fagidapun.

Kulusas 3:12

Nu katanya, aroro am wan Dius at nafili ay at nafasaman ay at fakesugun, masine nu kedkesugan tuam fia, ay nu magalang am, ay nu kamababaun am, ay nu malukme am, ay nu mafangagwanta am.

2 Tesalunika 2:16

Tam Fun Isus ay anggan tam Dius tam Mama takesug antam, nafon antam at yud e fakatabuan fag fagmasunun ay fag fagsegun siginan at fagmagalangun,

Santiagu 2:20

Wo mamatanganan! O wo saful te, we tungkul fagafanudun nu dway e masine fag fakamulun?

Uswe 24:14

“Nu katanya, katsi, esugi Yawi ay fakamuluni at matuyan. Ubuni wan ay ngay mangaguyang at fagsegan ebi gina sis dife Liskung Eufrates sis talun Igiptu, ay fakamuluni yakman sas Yawi.

1 Pedru 3:8

Katatuy taguyan ku suguan ayu: masadii tua, ay gudgubukani. Ay aroro sik ngay tagfaduksayan am, edkesugani tua, ay adkafanyuani, ay famababauni.

1 Samwel 12:23

“Ay gdarangin kban gugat ayu sas Yawi, aroro kway ban nafakamulun takatanya, umke asalanan kban sas Dius. Ay gfataglayun kban gfoyung sa ayu at matuyan fag ngay ugali.

1 Samwel 15:22

Ay Samwel gbalus te, “O nunda Yawi nu guseganan ngay fagirugun fag ngay fanggalangun gtungud yap tua sa tagfaning anya? At matuyan, tagfaning Yawi gtungud yap tua ngay fanggalangun. Ay tagdungugan anya gtungud yap tua ngay fanggalangun fag ngay tupa at ngay taba.