Mikas 6:6 - Fanawbuid tagsibaliwas Fakayabian

⁶ Ay sik taw Israel gbalus te, “Nataw ro ku fanggalangun sas Yawi gina au nanseg anya? O masine way ro sik tumad baka ku fagnangirugun laman ku fanggalangun?

Mikas 6:6 ပူးပေါင်းရင်းမြစ်များ

2 Samwel 21:3

Fun Dabid nafauro ngay taw Gibyun ay nainto te, “Nataw ay fakaylatun ku fakamulun sa ayu, laman famangsi fun Saul at nafakamulun sa ayu at mauri, ay laman gfadante am Yawi at ngay taw?”

Alubad. 116:12

Nataw ban ku famangsi sas Yawi, sas fagayu at nafakamulun sa angku at masine?

Alubad. 22:29

Fagayu taw, at maramraman nangadgaloan sas fagmafulun laman namauseganan anya. Ay fagayu takabul grungan gtudan sit daga salubangan.

Alubad. 95:2

Anud, nangakbang watam sit daga salubangan laman guro gfauseganan.

Alubad. 95:6

Gewan garungan watam ay gseg Yawi, at nawat antam,

Nu Galin 12:5

Kafag tupa ay fag kambing, filii tua at mataglu ay tagsik banwa at kadaulan ay at yud e malong.

Nu Galin 23:15

Falganani kafag fagmafulun sabaliwa Tinapay at yud e Famabia, kata ku suguan ayu te, kaduge fituk menit ay fakonun fag tinapay at yud yakman e famabia. Fakamuluni ban takatanya si ku nafalganan fag buknga sis Abib fag magdanun, aroro ginanya fag magdanun ebi nu glao am siginans talun Igiptu. “Galay am at sadi bubai ay mesa fanggalangun laman sa angku.

Fangatulun 15:8

Yawi kauri way at mauri fag ngay taw at fanggalangun, dewa katanya, kaylat tua at matuyan fag ngay taw at darangin.

Fangatulun 21:3

At matuyan fag fakamulun sik mauseganan sas Yawi gtungud yay sik ngay fanggalangun.

Isayas 40:16

Tagsis Lebanun fag ngay mangilafang ya kasakan laman fagnangirugun fag ngay fanggalangun, ay tagsanya fag ngay kayu ya kasakan laman famaygang sa sangay fagirugan.

Eremyas 6:20

We tungkul sa angku at fanggalangun fag ngay famaebebanglu dewa siginans talun Syeba, ay at mabebanglu fag langis siginan tangayayu fag talun. Kwa kaylat at fagirugun fag ngay fanggalangun. Ay kwa guseganan at ngay fanggalangun.

Esekyel 46:9

“ ‘Ngay taw Israel nu gfauseganan angku si ku daga salubangan gina e fagmafulun, nusnga sinu at nasakbo sas fawalan baliwa fag sakbawan, gduksun sas fasiunan fag sakbawan. Ay nusnga sinu at nasakbo sas fasiunan fag sakbawan, gduksun sas fawalan fag sakbawan. Lag e gduksun sat fagsakboan fag sakbawan. Lag am e kafoli ya sa ay fagsakboan fag sakbawan.

Daniel 3:26

Nu katanya, fun Nabukudunusur ankakbang sas sakbawan faygangan ay nauro kanya fag tulu te, “Tiba Tungud fag Dius at ngay fagsuguan, gewan, duksuni sanya ginan.” Ay kanya fag tulu naduksun.

Daniel 4:9

Nalong au anya te, “Beltesasar, saful au te, si emu ngay dius at falad ay masakit o gfayamag at madulo. Longi sa angku ku taginfan at masuad.

Daniel 5:18

“Em fun, am mama Nabukudunusur Tiba Tungud fag Dius at nafili fag fun. Kanya anke fagmabalyananun ay ngay taw nafauseganan anya.

Daniel 5:21

ay nafayayu siginans ngay taw. At amatanganan kata sik fagbaugun at amatanganan. Kanya nabanwan gfadgaloan at mela fag ngay asnu, ay kata baka, kanya kon bariri, ay damug gfabasa anya, yakmay kanya natoglag te, Tiba Tungud fag Dius at ke fagmabalyananun sa sangay fagfagtainanan, ay at ke fagmakatuun gfasik funan nusnga sinu at fakaylatun.

Usea 5:6

Dewa ban am gfon sa angku ngay tupa, ngay kambing, ay ngay baka laman ay fanggalangun ginam nangakbang sa angku, wa ban am lumag ku fagmasineun, aroro natalyuyan kwan ayu.

Amus 5:22

Nu katanya, dewa am namuba sa angku ay fagirugun fag ngay fanggalangun ay gutluan fag fanggalangun, ay ay nafataglu fag fagbaugun, kwa kaylat.

Mateu 19:16

Ay ginanya sik baguama nanangakbang sas Isus ay ginto te, “Takamoyung, setain manga ku fakamulun at matuyan laman e leleg ktua at yud e fakatabuan?”

Markus 12:33

Nu kesug tuo tam Dius sas fagdaul am amatanganan, ay sas fagdaul am fagsafulun, ay sas fagdaul am fagmabitsugun, ay nu kesug o am iba kaksvn nu kesug o emu, kanya tua tagtungud fagayu fagirugun fag fanggalangun ay kamayewa fag fanggalangun.”

Markus 5:7

Isus glong sa anya te, “O fag mauri fag falad, loi wan sanya ginan fag taw!” Ay maksvn kafag taw nu guro te, “Nataw am fagyafakamulunun ro sa angku, Isus, Tiba Tungud fag Dius at Baguama? Maksvn nu glong au emu sis Dius at daga salubangan te, lag gfauri angku.”

Lukas 10:25

Ay sanya ginan, sik tagfoyung Muisis at Faugali anlindug laman gfaskud Isus. Kanya nalong te, “Takamoyung, setain ku fakamulun, laman magbilug ktua ban leleg at yud e fakatabuan?”

Uan 6:26

Isus gbalus te, “Matuyan nu glong au ayu te, ay fagrvbvyun angku, bunwa ay nalag ku nafakamulun at madulo, nu bunway aroro siginan ay napsugan.

Fakamulun 16:17

Ay kafag baguina gguyan emi ay guro te, “Tuy fag ngay taw Tiba Tungud fag Dius at fagsuguan, ay gfoyung sa ayu nu setain ban nu kalangfe am.”

Fakamulun 16:30

Ay kanya nafaduksun duama ay nainto te, “Duama, tain manga at masine ku fakamulun laman ban umlangfe au?”

Fakamulun 2:37

Kafag ngay taw nu nadungug, gafanawa ay ginto sas Pedru ay sa tibak nasugu te, “Em ngay faduksay, setain ban manga em fakamulun?”

Efesu 3:14

Ay nu namatang au takatanya fagayu, gtudan au gdarangin sa tam Mama.

Ebreu 10:11

Kayu menit fagayu tagfon fanggalangun malayun nu gfon fanggalangun. Katanya way gugat at ngay fon fag ngay fanggalangun ay wa ngap mafalyam taw at ngay asalanan.

1 Samwel 15:22

Ay Samwel gbalus te, “O nunda Yawi nu guseganan ngay fagirugun fag ngay fanggalangun gtungud yap tua sa tagfaning anya? At matuyan, tagfaning Yawi gtungud yap tua ngay fanggalangun. Ay tagdungugan anya gtungud yap tua ngay fanggalangun fag ngay tupa at ngay taba.