Mikas 6:5 - Fanawbuid tagsibaliwas Fakayabian

⁵ Ku ngay taw, amatangi te, Balak talun Muab at fun nasugu Balaam, Beur at baguama, laman namauri ayu. Dewa katanya, nalong au sas Balaam te, nanlong o sik ngay mauseganan sa anya. Amatangani yangay te, naufud koma ayu gina am glao siginans Sitim sitsigons Gilgal. Ay lag kalyam at ngay kinfasludan laman sumaful am te, nafalangfe au ayu.”

Mikas 6:5 ပူးပေါင်းရင်းမြစ်များ

Alubad. 111:4

Ay kanya gfamatang tua antam at ngay fakamulun at madulo. Kanya kamon ay mafangafanyu.

Alubad. 143:11

Yawi, falangfei angku, laman ban e gfauseganan tua emu. Ay siginan am fagmatuyanun, falangfei angku siginan sangay fagidapun.

Alubad. 36:10

Fataglayuni nu kesug o ngay taw tagtoglag emu, ay gubuki ngay taw at matuyan.

Alubad. 71:19

Dius, we mafasud am fagmatuyanun ay am ngay fakamulun at maksvn nu madulo. Ay nusnga sinu, we mafasud emu.

Isayas 1:27

Aroro sit kamatuyanan, furuan ban Erusalem, umlangfe, ay fagayu ban at nafababaun ay naubun at ngay asalanan umsik matuyan.

Tap 22:41

Ay balabag di, Balak nataban Balaam sas Bamut-Baal ay kanya nabanawan sanya ngay taw Israel.

Tap 23:27

Balak nalong yay fia sas Balaam te, “Gewan, gtaban au emu sa tibak talun. Tibaginan ro, Dius kaylat nu glong o at mauri sa sangay taw Israel laman sa angku.”

Tap 25:1

Kaduge ngay taw Israel gbanwan sis Sitim, ngay mangama nafataladan talun Muab fag ngay mangena.

Tap 25:2

Ay kanya fag ngay mangena nafaylatan anya fagayu laman gfon fanggalangun ay gseg tibak fagsegan ay kon kafag ngay fanggalangun laman sat fagsegan.

Tap 31:16

Kanya wan tagfaning Balaam at longan laman gfaylatan ngay taw Israel nu nantalyuyan Yawi sis furuan Peur. Nu katanya, kafag faurianan andasug sas Yawi at ngay taw.

Tap 31:8

Nafabul yangay Midyan at limak fun: Ibi, Rekem, Sur, Kur ay Reba. Nafabul yangay Balaam, Beur at baguama, siginans fiso.

Tap 33:49

Kanya fagayu anful sis tigyangan Urdan siginans Bet-Esimut sit tsigons Abel-Sitim sis datag Muab.

Efesu 2:11

Nu katanya, am at yud Udyu fag ngay taw siginan ngay nu kasalug am, amatangani ay kayaunanan ebi. Ngay taw Udyu gfalingun ayu te, wam e fakatoglagan. Ay gtuyan at ngay sadili te, at ke fakatoglagan, laman gfalag te, kanya tua Dius at ngay taw. Dewa katanya, at ke fakatoglagan at masuad, taw way at nafakamulun sit bilug.

Deuterunumyu 16:3

Nangon am kanya fag ngay fagbaugun gasfuan tinapay at yud e famabia. Kaduge fituk menit, ay fakonun tinapay yakman lang at yud e famabia, kata ay nafakamulun ebi gina am gabanganan glao siginans talun Igiptu. Oni tuy fag tinapay, fagtoglagan nu setain nu gagwantan am, laman kabavn gamatang am nu glao am siginans talun Igiptu.

Deuterunumyu 23:6

Kaduge ban am gleleg, lag am ggubuk ngay taw Amun ay ngay taw Muab sas nusnga setaw fag balyawvtan.

Deuterunumyu 8:18

Ay amatangani tua te, ay Dius Yawi at nafon ayu fagmakatuun laman karamraman am, kanya nafakamulun katatuy laman gfafasludan at nasadian sa ay ngay mangaguyang kata at nafakamulun katsi.

Deuterunumyu 8:2

Amatangani nu setain Yawi nu gufud ayu gina am glao sis talun at yud e taw kaduge ufatk safuluk banwa. Kanya nafakamulun sa ayu takatanya laman kamababaun tuam ay namaskud ayu te, o gfaning tua ban am fia at suguan ay duan.

Deuterunumyu 9:7

Amatangani nu setain nu kauri am ay Dius Yawi gina am sis talun at yud e gbanwan. Siginan nu gduksun am fag menit siginans talun Igiptu dasug katsi, kamabo wayam gugat Yawi.

Uswe 2:1

Sanya ginan, Uswe gfalganan sik masuksukan fag balyawvtan. Kanya nasugu duak taw siginans furuan Sitim laman nanginsaful talun Kanaan, kaugat wan furuan Eriku. Ay kanya fag dua gina andasug sas furuan Eriku, nabanwan sas Rakab, sik takamatugtug fag mangena, at bale.

Uswe 3:1

Uswe ay anggan fagayu taw Israel masurip nu kafulo. Kanya fagayu nalao siginans Sitim ay andasug sas Liskung Urdan, ay gina ganandifeun, natungkud yay sis tigyangan liskung.

Uswe 4:19

Ngay taw Israel nadife Liskung Urdan gina sis fasafuluk menit sis taguna fag magdanun. Sanya ginan, ngay taw Israel gbanwan sis furuan Gilgal, sis Eriku at fakamenitan baliwa.

2 Pedru 2:15

Kanya nasaruy at matuyan fag dalan ay nafaning Balaam, Beur at baguama, at ugali. Ay kaylat gbul famayad laman namakamulun at mauri.

1 Uan 1:9

Nu gfoyung tua tam tam ngay asalanan sas Dius, kanya gfalyam tam ngay asalanan ay gfasine tam basad taw sas fagayu mauri, aroro Dius kabavn matuyan ay gfafasludan at longan.

Udas 1:11

Afanyuan kafag ngay taw! Aroro kanya fagayu nafaning Kain at fakamulun; ay maksvn nu galabian salapi kata Balaam; ay kamabo kata Kura. Nu katanya, kafag ngay taw umfaurianan yangay ban.

At Nafasure 2:14

Dewa katanya, e fakauriun kway ayu. Am tiba nafaning wayam Balaam at foyungan. Kanya nafoyung sas Balak nu setain nu gfaylatan ngay taw Israel laman kon ngay fanggalangun at nafon sat yud matuyan fag ngay fagsegan, ay at nanfanugtug ay at kamatugtug. Siginan takatanya, ngay taw Israel anke asalanan.

Tagfangguna 11:25

Amasaful yap o Balak, Sipur at baguama, Muab at fun? O kanya nanamawayan ngay taw Israel ay mannga nafawayan anya?

Tagfangguna 5:11

Ngay tagalaga tupa gfansulitan sis tigyangan ngay bubun, sabaliwa Yawi ay ngay taw Israel nu gbabo. Ay ginanya yay, Yawi at ngay taw nanangadgaloan sas furuan daul at sakbawan, ay kanya fagayu glong te,

1 Samwel 12:7

Katsi nanmalindug am sis Yawi at daga salubangan, ay namamatang au Yawi at nafakamulun sa ayu ay anggan sa ay ngay mangaguyang.