Mikas 6:4 - Fanawbuid tagsibaliwas Fakayabian

⁴ Nafalfas koma ayu siginan nu gafagsuguanan am sis talun Igiptu. Nafili au Muisis, ay Arun, ay Miryam laman gfangguna ayu.

Mikas 6:4 ပူးပေါင်းရင်းမြစ်များ

2 Samwel 7:23

Ay wa yangay e gfasud am ngay taw Israel. Sas fagdaul daga kanya way lang fag ngay taw am nafalfas siginan nu gafagsuguanan, laman am ngay taw. Ay nafakamulun o at mabalyanan ay at maksvn nu madulo, ay siginan nu ggubuk o am ngay taw laman gaiyan tibak gaban taw, gina o gfalangfe anya fagayu siginans Igiptu.

Alubad. 77:20

Nataban o am ngay taw kata sik tagalaga tupa, ay nafili o Muisis ay Arun laman tagfangguna.

Nu Galin 12:51

Ay ginanya fag menit, Yawi nafalao ngay taw Israel siginans talun Igiptu gadgaloan galay at mesa kasugfunanan.

Nu Galin 20:2

“Au wan ay Dius Yawi at nafaduksun ayu siginans talun Igiptu nu inda nu gafagsuguanan am.

Nu Galin 3:10

Nu katanya, gsugu au emu sas Igiptu at fun laman namalfas ku ngay taw Israel siginans talun Igiptu.”

Nu Galin 4:10

Ay Muisis nalong sas Yawi te, “Ku Fun, wa masine nu garingang au. Siginan ebi ay dasug katsi, gidapan kway garingang, ay dewa katsi gina ta gkamatoan. Kwa masnug.”

Nu Galin 4:16

Arun ban tagaringang sa sangay taw laman sa emu. Foyungi ban sa anya fagayu ku nalong sa emu.

Nu Galin 6:27

Kanya fag dua at nanamakamatoan Igiptu at fun laman gfalfas ngay taw Israel siginans talun Igiptu.

Eremyas 32:21

Ay siginan am ngay nafakamulun at madulo ay sam fagmabalyananun, ngay taw Igiptu anlimu, ay nafalfas o am nafili fag ngay taw Israel siginans talun Igiptu.

Amus 2:10

Ay nafalfas kwan at ngay mangaguyang siginans talun Igiptu, ay nagubuk au anya fagayu sis talun at yud e taw kaduge ufatk safuluk banwa, laman manangagbilug ngay taw Amur at daga.

Tap 12:1

Miryam ay Arun ankuri Muisis aroro Muisis andadwa sa sik mangena tagsiginans talun Kus.

Tap 33:1

Kayu tuy ngay taw Israel at nadalan fag ngay talun gina glao siginans talun Igiptu, galay sik kasugfunanan nu glao magamut, ay Muisis ay Arun tagfangguna anya fagayu.

Fakamulun 7:36

Muisis nafangguna ay nafalfas ngay taw Israel siginans talun Igiptu. Ay kaduge ufatk safuluk banwa, kanya nafakamulun at ngay madulo ay at mabalyanan fag ngay fakamulun tagfatoglag te, Dius si anya. Anfasludan takatanya gina kanya fagayu glao siginans talun Igiptu ay gina gdife sis Dagat Maraska ay sit yud e taw fag talun.

Deuterunumyu 15:15

Amatangani te, ebi sik ngay fagsuguan yangay am sis talun Igiptu, dewa katanya, ay Dius Yawi nafalfas tua ayu. Kanya wan at masuad ku fagnafonun ayu tuy fag suguan katsi.

Deuterunumyu 24:18

Amatangani te, ebi sik ngay fagsuguan wayam sis talun Igiptu, ay ay Dius Yawi nafalangfe tua ayu. Kanya wan at masuad ku fagsuguun ayu te, fakamuluni takatanya.

Deuterunumyu 4:20

Amatangani gugat te, ay Dius Yawi nataban ayu siginans talun Igiptu, siginans talun takata sik faigangan tagigang, laman at ngay taw ban am fia, ay katsi anud am wan at ngay taw.

Deuterunumyu 4:34

O nunda e tibak dius at nafaskud gbul sik gaban taw siginan sik talun laman at ngay taw, siginan ngay famaskud, ay at madulo fag ngay fakamulun, ngay awayan ay at mabalyanan fag ngay fakamulun? Dewa katanya, ay Dius Yawi nafakamulun takatanya sis talun Igiptu, ay am wan at nalag takatanya.

Deuterunumyu 5:6

“Au wan ay Dius Yawi at nafaduksun ayu siginans talun Igiptu nu inda nu gafagsuguanan am.

Deuterunumyu 7:8

Kanya nafili ayu aroro kesug tua ayu, ay nafafasludan at fatuyanan sa ay ngay mangaguyang. Kanya wan at masuad at fagnafaduksun ayu siginans talun Igiptu siginan at fagmabalyananun ay at fagnafayayuun ayu siginan nu gafagsuguanan am Igiptu at fun.

Deuterunumyu 9:26

Nu katanya, gdarangin au sas Yawi te, “Fun Dius Yawi, lag o gfaurianan am ngay taw, aroro siginan am fagmabalyananun nafalangfe tuo ay nafalfas anya fagayu siginans talun Igiptu.

1 Samwel 12:6

Samwel nalong te, “Anud! Tagfatuyan Yawi wan at nafili Muisis ay Arun, ay sia yangay at nafaduksun ay ngay mangaguyang siginans talun Igiptu.