Mikas 6:16 - Fanawbuid tagsibaliwas Fakayabian

¹⁶ Umfasludan ban sa ayu takatanya, aroro nafaning am fun Umri, ay at baguama fun Akab at ngay fakamulun mauri, ay at ngay faugali, ay at ngay famalun longan. Nu katanya, namaurianan kban ayu, ay tiba bank talun namauri ay namalingun ayu.”

Mikas 6:16 ပူးပေါင်းရင်းမြစ်များ

1 Fun 18:4

Gina Esebel gfabul Yawi at ngay taglong, Ubadyas nafasuksuan sadik sandank taglong sis duak luib, limak safulu galay sik luib, ay nafon sa anya fagayu fakonun ay fanginum.

1 Fun 9:8

Ay dewa ku bale masine ay kadungug, giklas kban. Ay fagayu ban at nadalan sanya kalipsik ay kadulo ay glong te, ‘Wain Yawi at fagnafakamulunun takatatuy ste fag talun ay sat bale?’

2 Fun 16:3

Kanya nafaning way Israel at ngay fun, ay kanya girug gugat at ngay famaebebanglu fag lune sis datag Ben-Inum, ay girug yangay at ngay baguama laman at fanggalangun. Kanya nafaning tibak gaban taw at maksvn nu mauri, Yawi at naiyan siginan sangay taw Israel.

2 Fun 21:3

Kanya nafadog yay nafawat ngay bale fagnansegan sa tangabat fag ngay buknga at mama Esekyas at naiklas. Kanya nawat yangay ngay fagirugan laman sas Baal, ay nawat turuk fagtoglagan Asera fag fagsegan mangena, kata Akab, Israel at fun, at nawat. Ay kanya naseg fagayu nusnge wain tagsis banwa.

2 Krunika 22:4

Ay kanya nafakamulun at mauri sis Yawi at daga salubangan, kata Akab fag talanan at nafakamulun, aroro gina at mama anbul, at tagfangatulun Akab at ngay kalongan.

2 Krunika 34:25

Namalag au ku dotama stae fag furuan, ay wa ban e mafaragang, aroro ku ngay taw natalyuyan angku ay nawat tibak fagsegan ay naseg.’

Alubad. 1:1

Mauseganan tua sik taw nu ddi gbanwan kata tagasalanan fag taw at foyungan, ay nu ddi gfaning tagfakamulun at mauri, ay nu ddi galo ngay taw tagfalingun Yawi.

Alubad. 44:13

Nafaplan o emi ay tibak talun taw gfalingun kase emi.

Alubad. 44:14

Ay nafasik fagfalingunun o emi sas fagayu talun, ay kanya fagayu gligbat gfalingun emi.

Isayas 25:8

Yawi tam Fun namalyam waban fakabulun ay rumarus wan fagayu taw at liasun. Ay namalyam waban sas fagdaul daga at ngay taw at fakaplaun. Umfasludan waban fia takatanya aroro Yawi wan at ke longan.

Isayas 9:16

Taw Israel at ngay tagfangguna gtabanan way at fagfanggunaun fag ngay taw sat yud matuyan, nu katanya, kafag ngay taw gaduanun.

Eremyas 19:8

Nangiklas kban at furuan daul ay umsik fagfalingunun ban. Ay fagayu ban tagdalan sanya fag furuan garinun ay gfalingun sat kinfasludan.

Eremyas 25:18

Nafainum kwan sas Erusalem ay sa sangay furuan tagsis Uda anggan sat ngay fun ay sat ngay tagfangguna laman umfaurianan wan. Ay tiba bank taw umdulo at kindasug sa anya fagayu, ay gfalingun ay gfauri, kata takafasludan katsi.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 29:18

Anud, awayan ban ay fanlunus ay fakasaitun gfafalo anya fagayu, ay tiba bank fagfagtainanan gfalingun anya fagayu. Ay gaiyan kban anya fagayu sas nusnga nday fag talun, ay ngay taw ban gfauri, gfalingun, ay kadotama maksvn anya fagayu.

Eremyas 51:51

Nalong am te, ‘Kapla ami, gafalingunan ami ay gafaplan, aroro tagsiginan tangayayu fag ngay taw nafasuya Yawi at bale.’

Eremyas 7:24

“Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Takabalu 5:1

Yawi, amatangi at kindasug sa emi, ay damai tua em nadalan fag fakaplaun.

Esekyel 39:26

Kanya ban fagayu nu nfoli wan sat talun gbanwan ban manabayan ay di e fagafanawaun ya. Ay wa ban gamatang ya at nagdalanan fag fakaplaun ay at fakamaboun sa angku.

Daniel 9:16

Em Fun, matuyan tuo, nu katanya gfainfanyuan au te, falyami wan nu kadotama o Erusalem, am nafili fag furuan ay fag buksul at yud e malong. Aroro siginan em ngay asalanan ay anggan em ngay mangaguyang at asalanan, ngay taw si em ngay ligung gfalingun Erusalem ay emi am ngay taw.

Usea 12:14

Aroro ay nafabul ngayu, nafadotama am angku ay Fun. Nu katanya, gfaurianan kban ayu, ay gfasud kban ayu aroro nafauri am angku.

Usea 5:11

E gfaidapan ban ay gfamin ngay taw Israel aroro gfaurianan au anya, aroro kanya gfataglayun nu gfaning tibak fagsegan.

Mikas 2:6

Glong am te, “Lag am kamoyung ya sa emi sabaliwa takadasug ban fag faurianan, aroro wa ban mi gafaplan.”

Mikas 6:13

Nu katanya, namamin kban ayu aroro sa ay asalanan.

At Nafasure 2:20

Dewa katanya, e fakauriun kway ayu. Wam nasalag Esebel fag mangena takamaningan te, sia wan Dius at taglong. Siginan at foyungan kanya gtaban ku ngay fagsuguan laman nanfanugtug ay namatugtug, ay kon at nafon fag ngay fanggalangun sat yud matuyan fag ngay fagsegan.