Mikas 6:14 - Fanawbuid tagsibaliwas Fakayabian

¹⁴ Nu katanya, dewa ban am kon, wam kapsug. Ay dewa ban am gfungsu ay gutluan, bunwa ban am at nangagbilug, aroro ay ngay fawayan ban nangago ayu.

Mikas 6:14 ပူးပေါင်းရင်းမြစ်များ

Usea 4:10

Kon oma am, ay wam kapsug. Ay gseg oma am ay ngay fagsegan laman kae sisian am, dewa katanya, wa ban am kae sisian aroro natalyuyan am Yawi,

Agay 1:6

Ngayu oma ay natanum, dewa katanya, alay way ay gutluan. E fakonun oma am, dewa katanya, wa kasakan. E fanginum oma am, dewa katanya, kadanum yayam. E lanbung oma am, dewa katanya, karios yayam. E bulan oma am, dewa katanya, kamin way vtv.

Isayas 65:13

“Nu katanya, au ay Fun Yawi, glong au te, Ku ngay fagsuguan ban gfangon tua ay ginum, dewa katanya, am ban kalunus wayam ay kadanum. Ku ngay fagsuguan ban guseganan tua, ay am ban kapla wayam.

Lebitiku 26:26

Wa ban kasakan ya ay fakonun, nu katanya, sadi wayk fagdafugan safuluk mangena at fagfatamaan tinapay, ay kafag tinapay nangafudan yayam. Gfangon oma ban am dewa katanya wam kapsug.

Agay 2:16

Aroro ebi, gina am nalo sa ay ngay fafulan trigu, gseg am te, dua tua ro ksafuluk tasan ay gutluan, dewa katanya, safulu wayk tasan. Ay gina am nalo sa ay fagturisan rawvg ubas gseg am te, lima ro ksafuluk baringan ay fagmafapnuun, dewa katanya, dua way mangaro ksafuluk baringan.

Esekyel 5:12

Nangafud kban ayu tuluk afud. Taguna ban fag afud kabul sis furuan daul siginans lunus ay fakasaitun. Ay at fadua bank afud, nangabul sas day furuan daul siginans fiso tagsumbalian at uyup. Ay at fatulu bank afud, namasaruayan au sas fagdaul daga ay gfataglayun kyay ban fia gfaurianan.

Eremyas 48:44

Nusnga sinu ban at nalagyu aroro kalimu umtong sasad lusung. Ay nusnga sinu at kinlangfe siginans lusung umsangdaw sas sangdaw, aroro gfaurianan kwan Muab nu ndasug ban ku nafalganan fag buknga. Au, Yawi, taglong tuy.

Isayas 30:6

Katatuy Dius at foyungan sanya fag ngay mangilafang baliwa tagsis talun Negeb: Ngay taw Uda nalo sa sik talun maidap at dalan, ay e liun, ay e ngay ule ay dot kata tua nu glayug. Ay nafabuba at ngay fagmaramramanun sat ngay asnu ay kamelyu, laman famonun sa sik talun at ngay taw at yud mafagubuk anya nusdi alay.

Isayas 9:20

Ay kanya fagayu gbul wan ay kon nusnge wain fag fakonun at nalag, dewa katanya, wa kapsug. Ay kon wan anggan at ngay sisian.