Mikas 6:13 - Fanawbuid tagsibaliwas Fakayabian

¹³ Nu katanya, namamin kban ayu aroro sa ay asalanan.

Mikas 6:13 ပူးပေါင်းရင်းမြစ်များ

Isayas 6:11

Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Eremyas 14:18

Ay nu nalao au sas fagtanuman ay sas furuan daul, nalag au at ngay kinbul sis awayan ay sis fanlunus. Ngay taglong ay ngay takamoyung gfataglayun nu gfakamulun, dewa katanya, wa saful at ngay fakamulun.’ ”

Takabalu 1:13

Ay kanya nafadasug afuy siginans banwa, kata nu girug ku ngay bini. Kanya nafasangdawan si ku dalan ay ansangdaw au. Kanya naubun angku ay mamomuy kway lang fagngabak menit.

Takabalu 3:11

Ay natangagan angku siginan sad dalan, ay nagat ay naubun wan.

Takabalu 5:16

Wami e fagmatuyanun ya, ay afanyuan way mi lang, aroro anke asalanan ami.

Usea 13:16

Gfaurianan au ngay taw Samarya, aroro sat fakamaboun angku at Dius. Kanya ban fagayu umbul sas awayan. E gfafalang ban at ngay sisian sas daga yakmay anbul, ay e gfilas ngay tagfafion at ungdan.”

Usea 5:9

Talun Israel ban karasras gina gafaurianan fag menit. Anud, umfasludan ban ku longan sas Israel at ngay kasugfunanan.

Lebitiku 26:16

Nu katanya, katatuy ban ku fakamulun sa ayu: Sat maksvn fag fakalimuun umlipsik am, aroro gfadasug kban sa ayu fakasaitun at yud ya kafia, ay sik ragnat tagfadulum ay mata ay tagfamomuy ay bilug. Gtanum ban am, dewa katanya, wa ban am e gutluan, aroro ay ngay fawayan ban namawayan ayu ay gbul fagayu ay gutluan.

Mikas 1:9

Aroro Samarya ban nu maiklasan kata sik buyu yud kafafia, ay umfasludan yangay ban takatatuy sas Uda, anggan sa ku ngay kaiban at fagbanwanan tiba tungud fag furuan Erusalem.

Mikas 6:16

Umfasludan ban sa ayu takatanya, aroro nafaning am fun Umri, ay at baguama fun Akab at ngay fakamulun mauri, ay at ngay faugali, ay at ngay famalun longan. Nu katanya, namaurianan kban ayu, ay tiba bank talun namauri ay namalingun ayu.”

Mikas 7:13

Fagayu ban talun sas fagdaul daga umsik mabaluanan aroro sa sangay taw at fagmauriun.”

Fakamulun 12:23

Ay arodi vtv tam Fun at tagbarita at sadi nafaurianan Erudes, aroro kafag fun nu kamatungudun wa sas Dius. Ay ulud naon anya ay anbul wan.