Mikas 6:12 - Fanawbuid tagsibaliwas Fakayabian

¹² Ay am fag ngay taw at maramraman, madot am, ay kamuag.

Mikas 6:12 ပူးပေါင်းရင်းမြစ်များ

Alubad. 120:2

Yawi, falangfei angku siginan takamuag fag ngay taw.

Alubad. 35:20

Kanya fag ngay taw at ngay longan kabavn we matuyan ya, abat ngate, gfauri way ngay taw tagugali at matuyan.

Alubad. 78:36

Dewa katanya, kanya fagayu nu guseganan, si way lang at ngay nalong. Nu katanya, kamuagan way.

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Isayas 3:8

Matuyan, Uda ay furuan Erusalem umrasras wan, aroro ngay taw tagbanwan sanya nafamabo Yawi, siginan nu gfakamulun ay nu glong at mauri. Ay kanya fagayu dewa sis Yawi daga salubangan glong at mauri sa anya.

Isayas 5:7

Yawi at Mabalyanan at tanuman wat ubas, ngay taw Israel wan. Ay at fagusegananun fag ngay wat ubas at bagu gtugbung, ngay taw Uda wan. Yawi at fagsegun at tanuman namasure nangus fagmatuyanun, dewa katanya, kanya fagayu nafamabul way. Ay kanya gseg yangay te, at tanuman namasure at fagyudun e malong, dewa katanya, at fakamulun, kamalingun way.

Eremyas 9:8

Aroro at ngay leplep kamabul kata sik ngay godun. Ay at ngay longan fakamuaganun way lang. Kanya fagayu nu gfakamatoan at iba, masine mandi, dewa katanya, sat amatanganan, at algan mauri way.

Usea 7:1

Kaylat koma gfafia ngay taw Israel, aroro ku nalag si anya fagmauriun way lang. Kanya fagayu gfandaya, ay gsakbo sa sangay bale laman nanfangkamul, ay nanfamalabag sa sangay dalan.

Usea 7:13

Kanya fagayu sik afanyuan fag ngay taw aroro anyayu siginan angku. Ay namamin kban anya fagayu aroro nafamabo angku. Kaylat koma ggubuk anya fagayu, dewa katanya, wa matuyan at ngay nalong sa angku.

Amus 2:4

Katatuy Yawi at longan sabaliwas Uda: “Ngay taw Uda gfataglayun way gugat nu gasalanan, nu katanya, namaurianan kban anya fagayu. Kanya fagayu nafamabo ku ngay suguan ay wa nafaning ku ngay fangatulun. Ay siginan nu gseg at ngay mangaguyang at ngay fagsegan, kanya fagayu ansik malyaman.

Amus 6:4

Afanyuan am tagfantaygilidanan lang manabayan si ay fagtiugan at mabyat nu kabayad, ay at mapsug gugat yamas tupa ay yamas baka.

Sefanias 1:9

Ginanya ban fag menit, namaurianan kyangay fagayu tagseg ngay fagsegan, anggan at madot ay tagfandaya laman gfapnu ramraman sat fagsegan at bale.

Sefanias 3:3

At ngay tagfangguna kata sik liun gsubang. Nu gakayabiun wan kanya fagayu kata sik idu talun tagrvbvy at fagnangonun, ay balabag di, we fasawadan ya.

Fakamulun 24:9

Ay ngay taw Udyu nafadiuganan Tertulu at ngay nalong, ay kanya fagayu nafatuyan yangay te, “Matuyan, katanya wa fia.”

Ruma 3:13

“Tagfadasug taw sas fakabulun, at longan yay at mauri, ay at leplep mapnu fagfandayaun.” “At lislis kata ule nu maganga.”