Mikas 5:8 - Fanawbuid tagsibaliwas Fakayabian

⁸ Dewa katanya, kanya ban fagayu gfae fagmauriun yangay sa sangay talun, ay madot ban kata sik liun nu nangagat ngay mela sasad araw, ay ngay tupa sis fagfafangonan. Ay liun nu e fagnangagatun way, gtulbu ay gyukfu ay wa gfalfas ya.

Mikas 5:8 ပူးပေါင်းရင်းမြစ်များ

Fakasigadan 49:9

Ay kata ban o sik liun at riangan tagrvbvy at fagnangonun, ay kafoli sat bale laman nantungkud, ay we manangasalag anya.

Alubad. 104:20

Gfae dulum o, laman e yabi, ay ginanya ngay mangilafang gfanloan sisad araw.

Alubad. 44:5

Siginan am gubuk nababo tuami, ay nasiad ami em ngay fawayan.

Alubad. 50:22

Fagayu am at yud gamatang Dius, dungugani, aroro nu dway am gdungugan, namamin kban ayu, ay wa ban e gfalangfe ya ayu.

Fangatulun 30:30

Taguna, liun, at madot sas fagayu mangilafang, ay at yud e fakalimuun.

Isayas 5:29

Kanya fagayu nu guro gina gfawayan malimu kata sik liun nu gsubang. Ay gtaban at ngay nagamat, ay we namalfas ya.

Esekyel 39:10

Kanya ban fag ngay taw wa nanrvbvy ya sarab siginan sad araw, aroro at famaygang kanya wa fag ngay famawayan. Nu katanya, kanya ban fagayu namul yangay kafag ngay taw at fagagbilugun tiba kata kafag ngay taw at nafakamulun sa anya fagayu. Au, Fun Dius Yawi taglong tuy.

Usea 5:14

Aroro kata kban sik liun laman namabo Israel ay Uda. Namabul kban anya fagayu, ay namuba sa tibak talun ay wa ban e mafalangfe anya.

Mikas 2:12

Yawi nalong te, “Fagayu am at sawad tagbanwan sis Israel ay sis Uda, namaful kban ayu kata ngay tupa sis fagubungan, ay kata ngay gaban fagbaugun sas fagnamafangonan. Katanya yangay, umkayu ban am sa ay fagbanwanan.

Mikas 4:13

“Am fag ngay taw tagbanwan sis furuan Siun, falganani laman namabul am ay ngay fawayan kata nu gruyus am trigu. Ay kata ban am sik ngay baka tama at ke sunge sanbung ay at ke ngay u tansu. Ay namabo ban am ngay talun at kinsadi laman namawayan ayu. Ay foni sa angku at nafangago fag ngay ramraman laman sik fanggalangun, aroro au wan fagdaul daga at Fun.”

Mikas 5:3

Nu katanya, Yawi ban gfagbilug wan ngay taw Israel sat ngay fawayan yakmay ban sik mangena nainkidapan nafasalug sik munama, at nanfangguna ban taw Israel. Ay kanya ban fag tagfangguna at ngay kaiban at natabanan sa tibak talun, umfoli yay sat ngay kaiban.

Mikas 7:18

We tibak Dius tagtungud emu. Nafalyam tuo am ngay taw at ngay asalanan. Ay di o kadotama ya emi nu bunway guseganan tuo kesug emi.

Sakaryas 10:5

Kanya fagayu gadgaloan kata ngay tagfawayan at mabitsug tagbabo at ngay fawayan ay gsiad kata lifak si sangaba dalan. Kanya fagayu makatu gfawayan aroro galo au anya, ay namabo ngay tagakabayuan.

Sakaryas 11:6

“Au, Yawi, glong au te, kwa ban kafanyu ya ngay taw tagste fag talun. Namafagtainan kban anya fagayu sat ngay iba ay sat fun. Ay at ngay iba ban namaurianan kafag talun, ay kwa ban gfalangfe ya anya fagayu.”

Sakaryas 12:3

Ginanya ban, namakata au sik gang mabyat furuan Erusalem, ay nusnga sinu ban fag talun at nated kafag gang, umfaurianan. Ay fagayu ban talun sas fagdaul daga nangaful laman namawayan Erusalem.

Sakaryas 14:18

Ay anggan ngay taw Igiptu at yud nalo sas Erusalem, dumalan yangay Yawi at fagnamadasugun fag faurianan kata at kumfasludan sa sangay talun at yud nangalo sas Erusalem laman nangaful sabaliwa nu Kawat ngay Fayag.

Sakaryas 9:15

Yawi at Mabalyanan gdiri ban at ngay taw. Ay kanya ban fagayu nansiad at ngay fawayan at famana fag ngay gang. Nu katanya, kanya ban fagayu nanfangon ay nanginum laman nanguseganan aroro nababo. Kanya ban fagayu gudguroan kata sik ngay tagalangu, ay kapsug siginan at nainum fag ngay fanlangu kata nu ginum si sik mabyat fag taya at ke bilug taguk laman famaramsig sas fagirugan at ngay fugungan.

Malakyas 4:3

Gina kban gfafasludan takatanya fagayu, gfabul ban am fagayu taw at mauri kata nu gsiad am lukbu.

Tap 24:9

Ay kanya fagayu kata ngay liun, nu natiug wan we mananfulo ya. Gfadante ban nangus at nafadante anya fagayu, ay nanlong ban nangus at mauri sas nusnga sinu at nalong at mauri sa anya fagayu.”

Mateu 10:14

Ay nusnga sinu nu dway gfasakbo ayu ay nu dway kaylat gdungugan ay foyungan, nu glo am sanya ginan fag bale, ay sanya ginan fag furuan, fagfagi tagsi ay darafa fag lukbu, laman famasaful te, kafag ngay taw wa gfaning.

Fakamulun 18:6

Dewa katanya, ngay taw Udyu wa naylat Pablu at foyungan abat ngate nafalingun way, nu katanya, Pablu nafagfag at lanbung sik fakatoglagan te, kafag ngay taw mauri. Sanya ginan, kanya nalong sa anya fagayu te, “Ay kakurangan yay ban, nu nfaurianan ban am. Ay siginan ban katsi nu nanfamoyung au, sa ways yud Udyu fag ngay taw.”

Ebreu 12:25

Nu katanya, am madiriani tua laman diam kauri gdungugan tagfoyung ayu. Ebi fag ngay taw at yud kaylat gdungugan Muisis at foyungan, wa nasaruy faurianan. Ay kaugat waban itam nu yud tam kalangfe nu dway tam kaylat gdungugan tagsiginans banwa fag foyungan.

Ebreu 2:3

Katanya yangay, wa ban tam masaruy faurianan nu dway tam gfae tungkul tuy fag fakalangfean at yud e gfasud. Tam Fun wan taguna at nafoyung sabaliwa kanya fag fakalangfean, ay ngay taw at ngay nadungug siginan anya, kanya fagayu tagfatuyan te, matuyan.