Mikas 5:7 - Fanawbuid tagsibaliwas Fakayabian

⁷ Ay at kinsawad ban fag ngay taw Israel umsik fanggalangun sa sangay talun. Ay kanya ban fagayu umkata sik ngay damug ay arak Yawi at nafon laman tagfatugbung ngay tanum. Ay kanya ban fagayu gafanud tua sas Dius bundi sa sangay taw.

Mikas 5:7 ပူးပေါင်းရင်းမြစ်များ

2 Samwel 17:12

Ay nanrvbvy ro tam Dabid nusnga nday nu gbanwan. Namawayan ro tam anya fagayu gina yud mafalganan, ay namabul tam fagayu at ngay fagsuguan kata damug nu ganting sas daga, laman nusdi sadi kanya fagayu we nlangfe.

Alubad. 110:3

Am ngay taw ban kaylat tua galo emu gina o namawayan am ngay fawayan. Ay kanya ban fagayu glao sa emu kata ngay damug sit masine fag ngay buksul.

Alubad. 133:3

Ay at fagmasadiun kata damug sis Buksul Ermun at kindasug sas Buksul Siun. Yawi gfon sik famonun sas Buksul Siun, at masuad te, leleg at yud e fakatabuan.

Alubad. 72:6

Kanya nangus fag fun kata arak tagfarugme ngay tanum ay daga.

Fangatulun 19:12

Sik fun nu kadotama way, kata sik liun nu gsubang, dewa katanya, nu mafanggubuk kata damug tagsi sangay tanum.

Isayas 32:15

Umfasludan wa fia takatanya yakmay ban umdasug at Masine fag Falad siginans banwa. Nu katanya, sanya ban fag talun umsik masine tua fag daga ay umsik araw.

Isayas 44:3

Aroro namon au sa emu sik mamam famalyam am fakadanumun, ay at namarugme at magong fag daga. Ay namon au ku Falad sa am ngay kasugfunanan ay namayu kban anya fagayu,

Isayas 55:10

Ay arak ay at marios fag mamam tagsiginans kiwang ya kafoli sas linyabu yakmay nafarugme daga, ay nafarabung ngay tanuman ay nafae bvtang, laman fagayu e fakonun.

Isayas 66:19

“Namalag kban at madulo sa anya fagayu. Ay fagayu ban at sawad gsugu au sa sangay talun Tarsis, Pul, Lud (ngay taw Lud saful gagbilug godun), ay sas Tubal, Gresya, ay sa tiba yak talun tangayayu yud batang gdungug sabaliwa ku fagmasineun, ay yud batang glag ku fagmabalyananun. Kanya ban fagayu namoyung sanya fag ngay talun at taw sabaliwa ku fagmabalyananun.

Eremyas 14:22

Nusdi sadik fagsegan sa sangay talun we mafadasug arak, ay we mafae ayuyus, ay anggan banwa wa mafae arak. Yawi em Dius, o way lang at mafafakamulun takatanya, ay sa way lang emu nu gafanud ami.

Esekyel 14:22

Dewa katanya, e kalangfe yay ban siginan kafag faurianan ay nantaban ban kanya fagayu sas talun Babilunya laman sik ngay natabanan yangay. Ay lumag ban am kafag ngay taw at ugali ay at fakamulun mauri, ay kalyam waban ay ngay amatanganan at mauri sa angku, aroro nafaurianan au furuan Erusalem.

Esekyel 47:1

Sanya ginan, kafag taw tagfakamatoan angku nataban angku sas Dius at bale at sakbawan, ay sanya nalag au mamam nu gfamilugan siginans Dius at bale at daga sakbawan. (Kafag sakbawan sibaliwas fakamenitan.) Ay kafag bulbug gfamilugan sabaliwas fasiunan fag tigyangan fagirugan.

Esekyel 5:5

“Au, Yawi ay Fun, glong au te, katanya ban takadasug sas furuan Erusalem, ku nafili fag furuan sas fagdaul daga.

Daniel 11:32

Kanya namaylatan ngay taw at naubun at fagafanudun laman namakamulun at mauri. Dewa katanya, fagayu ban tagafanud sas Dius sas fagdaul at amatanganan, namawayan anya.

Usea 14:5

Ay gfon au at masine sa sangay taw Israel; kata au damug sa anya. Ay kabuskad kata at masine fag barugwak, ay kata sik tagbia fag fun kayu tangabasad nu glalid.

Usea 6:3

Masine nu gugatan tam gtoglag Yawi. Matuyan, kanya umdasug wa fia kata menit nu kasure. Ay kata arak nu kadasug laman namarugme daga.”

Uel 2:32

Ginanya ban, nusnga sinu fag taw taget gubuk sas Yawi, umlangfe sanya ginan fag faurianan. Aroro Yawi nalong te, umke sawad yay ban ngay taw Israel sis Buksul Siun, at masuad te, Erusalem. Kanya fag ngay taw Yawi at nafili ay at nafalangfe.

Amus 5:15

Saruyi at mauri ay fakamuluni at masine, ay fafasludani fagmatuyanun say ngay faginsafulan asalanan. Tiba ginan ro manga, Yawi umfanyu yay ayu, Use at ngay kasugfunanan at sawad.

Mikas 2:12

Yawi nalong te, “Fagayu am at sawad tagbanwan sis Israel ay sis Uda, namaful kban ayu kata ngay tupa sis fagubungan, ay kata ngay gaban fagbaugun sas fagnamafangonan. Katanya yangay, umkayu ban am sa ay fagbanwanan.

Mikas 4:13

“Am fag ngay taw tagbanwan sis furuan Siun, falganani laman namabul am ay ngay fawayan kata nu gruyus am trigu. Ay kata ban am sik ngay baka tama at ke sunge sanbung ay at ke ngay u tansu. Ay namabo ban am ngay talun at kinsadi laman namawayan ayu. Ay foni sa angku at nafangago fag ngay ramraman laman sik fanggalangun, aroro au wan fagdaul daga at Fun.”

Mikas 5:3

Nu katanya, Yawi ban gfagbilug wan ngay taw Israel sat ngay fawayan yakmay ban sik mangena nainkidapan nafasalug sik munama, at nanfangguna ban taw Israel. Ay kanya ban fag tagfangguna at ngay kaiban at natabanan sa tibak talun, umfoli yay sat ngay kaiban.

Mikas 5:8

Dewa katanya, kanya ban fagayu gfae fagmauriun yangay sa sangay talun, ay madot ban kata sik liun nu nangagat ngay mela sasad araw, ay ngay tupa sis fagfafangonan. Ay liun nu e fagnangagatun way, gtulbu ay gyukfu ay wa gfalfas ya.

Mikas 7:18

We tibak Dius tagtungud emu. Nafalyam tuo am ngay taw at ngay asalanan. Ay di o kadotama ya emi nu bunway guseganan tuo kesug emi.

Sefanias 3:13

Kanya ban fag ngay taw Israel di gfakamulun at mauri, di kamuag ay di gfandaya, ay gfangon tua ban ay gtiug manabayan ay di e fakalimuun.”

Sakaryas 14:8

Ginanya ban fag menit, siginans Erusalem e sik mamam malyo gfamilugan. Ay sik afud mamam nanfamilugan sas Dagat at Mabulan ay sik afud nanfamilugan sas Mediteranyu fag Dagat. Ay gfamilugan tua gugat dewa mangune ay abagat.

Sakaryas 9:13

Nangagbilug au Uda kata sik godun ay Israel kata sik fangurus. Ay Siun kata sik tagfawayan at fiso tagsumbalian at uyup laman namawayan ngay taw Gresya.”

Mateu 28:19

Loi wan ay faetagadali angku sas fagayu talun at ngay taw. Fasurungi anya fagayu sa tam Mama at ngayan ay at Baguama at ngayan ay at Masine fag Falad at ngayan.

Fakamulun 11:15

“Ay gina au ganangaringangun, at Masine fag Falad antayuk sanya fag ngay taw, kata yangay nu kafasludan ebi sa antam.

Fakamulun 13:46

Dewa katanya, Pablu ay Bernabe mabitsug nu gbalus te, “Sa way nangus ayu fag ngay taw Udyu taguna nu gfoyung Dius at longan. Dewa katanya, wam naylat, nu katanya, kanya wan tagfatuyan te, wam masine kae afud sas leleg at yud e fakatabuan, nu katanya, katsi glo wami sas yud Udyu fag ngay taw laman nanfamoyung.

Fakamulun 16:9

Ay ginanya fag yabi Pablu nataginfan, ay e nalag sik taw Masidunya nu malindug, ay gfainfanyuan te, “Adasugi staes Masidunya ay gubuki emi.”

Fakamulun 9:15

Ay tam Fun nalong anya te, “Loi wan, aroro nafili au anya laman namatoglag angku sas yud Udyu fag ngay taw, sa sangay fun ay sa sangay taw Israel.

Ruma 10:20

Ay Isayas wa kalimu gfoyung Dius at longan te, “Sik ngay taw yud grvbvy angku nalag tua angku, ay nafatoglag au ku sadili sa sangay taw at yud ginto sabaliwa angku.”

Ruma 11:12

Taw Israel at nafamaboan maksvn at fanggubukun sas fagdaul daga at taw. Ay kafag ngay taw at nafangulanan nafadasug ngayuk fanggubukun sat yud Israel fag ngay taw. Kaugat waban nu kae fanggubukun, fagayu ban taw Israel nu nfoli tua sas Dius.

Ruma 9:30

Nu katanya, nataw tam longan sabaliwa takatatuy? At yud Udyu fag ngay taw at yud naugatan nangatap kata nu yud e asalanan, kanya antap tua kata nu yud e asalanan siginan at fagafanudun.

1 Kurintu 3:6

Au at natanum, ay Apulus tagfarugme, ay Dius tagfatugbung ay tagfarabung.

Deuterunumyu 32:2

Ku ngay foyungan kata sik arak ay damug nu ganting. Ay ku ngay aringang kata sik anting sa sangay makmak, ay kata yangay sik ayuyus sa sangay tanuman.

Tagfangguna 6:36

Ay sanya ginan, Gidyun nalong sas Dius te, “Nu anud fia te, ggubuk o angku laman namalangfe ngay taw Israel,