Mikas 5:6 - Fanawbuid tagsibaliwas Fakayabian

⁶ Ay kanya ban namabo ay nanfunan talun Asirya, Nimrud at talun. Nu katanya, ngay taw ban Asirya nu namawayan way tam talun, tam tagfangguna ban gfalangfe tua antam.

Mikas 5:6 ပူးပေါင်းရင်းမြစ်များ

2 Fun 15:29

Gina Peka gfunan, Asirya at fun Tiglat-Pileser nasakbo sas Israel ay kanya naago ngay furuan Iyun, Abel-Bet-Maaka, Anuak, Kedes ay Kasur, ay kanya naago yangay Gilyad, Galilea ay fagdaul talun Naftali. Ay nataban sas Asirya fagayu tagbanwan sanya fag ngay furuan.

1 Krunika 1:10

Ay Kus e sadi yak baguama at ngayan Nimrud ay kanya sik mabalyanan fag taw sas fagdaul daga.

2 Krunika 33:11

Nu katanya, Yawi naylat Asirya at ngay tagfawayan nu gfawayan anya fagayu. Ay kanya fag ngay tagfawayan nataban Manase ay nafae sanggit at dungus ay nasiuk anya salambitan ay nataban sas Babilunya.

Ub 29:22

Dewa au ntabu garingang, kanya fagayu gragangan way gugat, aroro kanya fagayu naylat wan ku ngay longan.

Alubad. 110:3

Am ngay taw ban kaylat tua galo emu gina o namawayan am ngay fawayan. Ay kanya ban fagayu glao sa emu kata ngay damug sit masine fag ngay buksul.

Alubad. 72:6

Kanya nangus fag fun kata arak tagfarugme ngay tanum ay daga.

Isayas 14:2

Ay tiba bank talun at ngay taw ggubuk taw Israel laman manangafoli sas Yawi at nafon fag talun. Ngay taw Israel ban namagsuguan ngay taw tagsiginan tibak talun, ay tumaban ban at ngay nataban anya, ay namagtainan ebi at ngay nafaidapan anya.

Isayas 14:25

Namamin kban fagayu taw Asirya tagsi ku talun Israel, ay nansiad kban tagsanya fag ngay buksul. Namalfas kban ku ngay taw siginan at fagafagsuguananun.

Isayas 33:1

Afanyuan am fag ngay tagrasras, am at yud batang e nagdalanan takatanya. Afanyuan am fag ngay takamabo, am at yud batang e nagdalanan nu e kamabo ayu. Ay nu ntabu wam grasras ay kamabo, am yangay ban at fagrasrasun ay at fakamaboan.

Isayas 37:36

Ay Yawi at tagbarita nalao sas Asirya at fagmafulan ay nafabul sadik sandan waluk safulu e limak libuk tagfawayan. Gina sis balabag sirut, at ngay tagleleg nu nfulo, nalag kafag ngay mabulan.

Isayas 37:37

Nu katanya, Senakerib noli sas Ninibe ay nanamanwan sanya.

Isayas 6:13

Ay dewa ban anke sawad yay sit talun at fasafuluk afud taw Israel, e namamin yay ban. Dewa katanya, e nafili kyay at kumsawad sanya. Kanya ban fagayu umkata sik bvtang at yud e malong, ay kata sik nagtudan kayu at natugbung yay.”

Eremyas 14:22

Nusdi sadik fagsegan sa sangay talun we mafadasug arak, ay we mafae ayuyus, ay anggan banwa wa mafae arak. Yawi em Dius, o way lang at mafafakamulun takatanya, ay sa way lang emu nu gafanud ami.

Naum 2:11

Furuan Ninibe ebi kata oma sik luib, ngay liun at fagbanwanan. Ngay liun talananan glo sanya yud e fakalimuun.

Sefanias 2:13

Ay namaurianan kyangay ban taw Asirya tagbanwan sis fawalan fag alvngvdan. Ay ginanya ban, Ninibe umsik mabaluanan, ay magong kata sik talun at yud e taw.

Sefanias 3:12

Dewa katanya, ku fagfasawadun ban fag ngay taw sis Erusalem takamababaun way lang ay at yud e kwa, ay kanya ban fagayu get gubuk sa angku.

Lukas 1:71

Ay Dius namalangfe antam siginan tam ngay fawayan ay siginan fagayu takadotama antam.

Lukas 1:74

Kanya namalangfe antam siginan tam ngay fawayan, laman nu gfaning tam anya wa tam e fakalimuun ya,

Lukas 24:27

Ay Isus gfataglayun gfayamag sas duama sabaliwa at sadili siginans Muisis ay anggan Dius at ngay taglong at rirukan sabaliwa anya.

Deuterunumyu 32:2

Ku ngay foyungan kata sik arak ay damug nu ganting. Ay ku ngay aringang kata sik anting sa sangay makmak, ay kata yangay sik ayuyus sa sangay tanuman.