Mikas 5:2 - Fanawbuid tagsibaliwas Fakayabian

² Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Mikas 5:2 ပူးပေါင်းရင်းမြစ်များ

Fakasigadan 35:16

Sanya ginan, Akub nalo wan siginans Betel, gadgaloan at talananan. Ay ginanya, Rakel gafasalugun wan. Ngayayu yay siginans furuan Efrata, ay Rakel kasait wan at ungdan.

Fakasigadan 35:19

Rakel anbul wan, ay Akub nanamoli wan anya sas tigyangan dalan tagsas Efrata (at ngayan katsi, Betleem.)

Fakasigadan 48:7

“Namatang au am mina nu kabul. Ginanya siginan amis Padan-Aram ay nangadasug ami sas talun Kanaan. Ay gina am mina kabul munakbang wami sis Efrata, nu katanya, nanamoli au anya sas tigyangan dalan tagsas Efrata.” (Efrata at ngayan yangay te, Betleem.)

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

1 Krunika 2:54

Salma at gaban, ngay taw Betleem, ngay taw Netufa, ngay taw Atrut-Bet-Uab, ay anke suglat taw Manakat, ay ngay taw Suri.

1 Krunika 4:4

Penwel, Gedur at mama, ay Eser, Kusa at mama. Kanya fagayu Kur at gaban, Efrata at ngay baguama at kaka. Ay Kur, ngay taw Betleem at mangaguyang.

1 Krunika 5:2

Uda dewa amabalyanan yap tua at ngay faduksay ay dewa siginan at kasugfunanan tagfangguna at ngay gaban, at fagmakakaun nafon way sas Use.

Alubad. 132:6

Gina ami sis Efrata, nadungug ami sabaliwas Fagsuadan Nasadian, ay nalag ami sis datag Aar.

Alubad. 90:2

Dius, gina yay o yud nawat ngay buksul ay fagdaul daga, sanya wo. O wan Dius, siginan ngay ebi ay kabavn ban.

Nu Galin 18:21

Nu katanya, nanfili yap o sik ngay taggubuk emu at ke fagmakatuun tua gfawabilugan, ay kalimu Dius, ay at masine fagfatigwanan, ay wa gbul ngay famayad. Ay nanfili o kanya fagayu ngay tagfakamulun sa sangay gaban taw, at kayuan tagsadik libu, tagsadik sandan, taglimak safulu, ay tagsafuluk taw.

Nu Galin 18:25

Ay kanya nafili sik ngay taw at ke fagmakatuun gfangguna, ay nafafatigwanan tiba laman gfangguna sas sadik libuk taw ay tiba sas sadik sandank taw, ay tiba sas limak safuluk taw, ay tiba sas safuluk taw.

Isayas 11:1

Dabid at kasugfunanan kata sik nagtudan kayu at natandug. Ay umdasug ban sik fun siginan Dabid at kasugfunanan.

Isayas 53:2

Yawi at fagsuguan tagfaning anya kaksvn tua kata sik tanum at bagu gtugbung ay taglalid tua dewa sat matat fag daga. Kanya wa masine ya ay we famaylatan ya laman kakbang tam anya.

Isayas 55:4

Nafili au anya laman gfunan sa sangay talun at taw, ay siginan anya nafasure au ku fagmabalyananun sa kafag ngay taw.

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Eremyas 30:21

Siginan yay ban at gaban at tagfangguna. Gfakbang kban anya sa angku, ay kanya ban kakbang sa angku. Aroro nusnga sinu we manamaskud nangakbang sa angku, kway nalong te, ‘Akbangi.’ Au, Yawi, taglong tuy.

Usea 6:3

Masine nu gugatan tam gtoglag Yawi. Matuyan, kanya umdasug wa fia kata menit nu kasure. Ay kata arak nu kadasug laman namarugme daga.”

Amus 9:11

Umdasug ban sik menit gdog au namalindug Dabid at fagfagtainanan kata sik bale famoy at kinkiklas. Namasine kban kata ebi nu masine,

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Mateu 2:1

Isus ansalug sis furuan Betleem sis talun Udea, gina Erudes gfunan. Ay abandi, sik ngay mamatanganan fag taw siginans fakamenitan fag talun andasug sas furuan Erusalem ay ginto te,

Mateu 2:6

‘O wan Betleem sis talun Udea, o tua at tiba tungud fag furuan sis fagdaul talun Udea, aroro siginan emu umsure ban sik Fun, at namagtainan ban ku ngay taw Israel.’ ”

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Lukas 23:2

Ay kanya fagayu gfasigad gfoyung at ngay fantabugan te, “Nalag ami tuy fag taw nu gfae asalanan tam ngay taw. Ay kanya gsalag emi nu gfon ami famayad sas talun Ruma at fun, ay nalong te, ‘Au wan sik fun, Dius at nafili.’ ”

Lukas 23:38

E sik rirukan sis Isus at tungud alfuyu te, Tuy ngay Taw Udyu at Fun.

Uan 7:42

O nunda at marirukan sis Dius at Longan wa glong te, Dius at nafili fag Fun siginan ban fun Dabid at kasugfunanan, ay siginans Betleem, Dabid at furuan?”

Deuterunumyu 1:15

Nu katanya, nafafatigwanan au ayu sa ay nafili ay ay fagsuyuun fag ngay taw at ke fagsafulun laman gfagtainan ayu, tiba sas sadik libuk taw, ay tiba sas sadik sandank taw, ay tiba sas limak safuluk taw, ay tiba sas safuluk taw.

Kulusas 1:17

Ay kanya tua taguna sas nusnge wain, ay fagayu nusnge wain at kasinean siginan wa anya.

Ebreu 13:8

Tam Fun Isus di gbadbalian. Nu setain kanya ebi, katanya yangay anggan katsi ay kabavn ban.

Ebreu 7:14

Mayamag wa te, tam Fun siginans Uda at kasugfunanan. Ay Muisis we foyungan te, e tagfon fanggalangun ban sanya ginan fag kasugfunanan.

1 Uan 1:1

Griruk ami sa ayu em nadungug sabaliwa Tagfon leleg fag Longan. Ay siginans fakasigadan kafag Longan sanya wan, ay nadungug ami fia, ay nalag ay nated anya.

At Nafasure 19:16

Sit lanbung ay sit balangbang marirukan sik ngayan te, Fagayu fun at Fun ay fagayu fagtainan at Fagtainan.

At Nafasure 2:8

“Riruki sas tagbarita tagulit ngay tagafanud sis Esmirna te, “At nalong te, au wan taguna ay taguyan, ay at nadog naleleg, glong te,

At Nafasure 21:6

Ay kanya glong yangay fia sa angku te, “Anfasludan wan. Au wan taguna ay taguyan, ay at fakasigadan ay at fakatabuan. Nusnga sinu takadanum, gfainum au yud e bayad fag mamam tagsiginans bulbug tagfon leleg.

Tagfangguna 17:7

E sik baguama siginans Lebi at kasugfunanan gbanwan sis Betleem sis Uda.

Rut 1:1

Gina ngay tagfangguna gfunan sis talun Uda, sik maksvn fag fanlunus andasug. Nu katanya, Elimelek fag talanan nalao siginans Betleem sis talun Uda ay nalin sas talun Muab, Elimelek at mangena Nuemi ay at baguama fagdua, Maklun ay Kilyun. Ay kanya fag talanan siginans Efrata at gaban. Ay gina kanya fagayu sis Muab,

Rut 4:11

Ngay fagtainan sis furuan ay fagayu taw at malindug sis sakbawan furuan gbalus te, “Kin, ami wan tagfatuyan. Nangus ban am bubay umke ngay sisian kata Yawi at nafakamulun sas Rakel ay Lia at kin-ke ngay sisian, ngay taw Israel at fagsigadan. Ay o Buas, nangus umsik maramraman o sis Efrata ay umsik takadungug sis Betleem.

1 Samwel 10:19

Ay dewa au nafalangfe ayu siginan ay fagidapun, nafamabo am angku siginan nu get am sik fun at nanfunan ban ayu. Katsi gsalubang am sis Yawi at daga salubangan galay gaban ay talanan.”

1 Samwel 17:12

Ay ginanya fag buknga, e sik taw gbanwan sis Betleem sis talun Uda at ngayan Ese, sik taw Efrata. Ay Ese mafufuama wan ay at baguama walu, ay at ngenge at ngayan Dabid.

1 Samwel 17:18

Ay bubai yangay tuy fag safuluk mabilug at madai fag fakonun at fangawat fagbaugun at susu bilug ay foni sas fun tagfawayan. Ay nanginsaful yangay o te, o am ngay kaka manabayan tua. Ay nu kafoli wo, bubai sanya ginan nusnga setaw tagfatuyan te, mabayan tua.

1 Samwel 23:23

Insafuli fia te, inda kanya nu gsuksuan ay foyungi angku. Ay kanya ban nu sanya yay, nangalo kban ayu laman nanggamat anya dewa nusnga nday sas fagdaul talun Uda.”

1 Samwel 8:12

Ay tiba ban sik ngay fun tagfawayan laman at namangguna sik libuk tagfawayan, ay tiba ban gfangguna limak safuluk tagfawayan. Ay tiba ban takali fagtanuman ay tiba taggutlu ay tiba ban takawat ngay famawayan ay takawat ngay fagagbilugun sis faguyudan.