Mikas 5:12 - Fanawbuid tagsibaliwas Fakayabian

¹² Nanrufa kban ngay tagfangalga at ngay fagagbilugun, ay wa ban e gfangabalo ya.

Mikas 5:12 ပူးပေါင်းရင်းမြစ်များ

Isayas 2:18

ay fagayu ban at fagsegan umkalyam wan.

Isayas 2:20

Ginanya ban fag buknga, kanya fagayu gukas wan at ngay fagsegan at mawatan sanbung salapi ay gintu. Ay kanya ban fagayu gfamato wan at ngay fagsegan sa sangay but ay sa sangay alebung.

Isayas 27:9

Kanya ban fag ngay taw nu narasras tua at nawat at fagirugan fag ngay gang, ay nu narufa wan anggan andudug ay gfuan at ngay fagirugan famaebebanglu ay ngay turuk fagtoglagan Asera fag fagsegan, gfalyam kwan at ngay asalanan.

Isayas 44:17

Ay at nagsawadan at fangawat wan fagsegan, ay gdarangin sat nawat fag fagsegan te, ‘Falangfei angku aroro o wan ku dius!’

Esekyel 16:41

Ay kanya ban fag ngay taw nangirug am bale ay namaurianan emu sas salubangan ngayuk mangena. Gfaragang kwa ban nu kamatugtug o ay nu gfon o famayad sat nafasedsegan emu fag ngay mangama.

Esekyel 36:25

Namaramsig kban sa ayu at masine fag mamam laman umfegus am, siginan fagayu ay fagmauriun ay nu gseg am sa tibak fagsegan.

Sakaryas 13:1

Yawi at Mabalyanan nalong te, “Ginanya ban fag menit, nanluang au bulbug at fun laman sas Dabid at kasugfunanan ay sa sangay taw Erusalem laman namalyam at ngay asalanan ay at fagmasuyaun. Namalyam kwan ngay fagsegan siginans Erusalem laman kanya fagayu wa gamatang ya. Nangaiyan kwan siginans Erusalem ngay taglong ay at mauri fag ngay falad.

Deuterunumyu 18:14

Ay fagnangaiyanun fag ngay taw kakbang sat mauri fag ngay taglong, ay sa sangay tagfangabalo. Ay Dius Yawi wa kaylat nu gfakamulun am takatanya.

At Nafasure 19:20

Ay tagfangagat fag mela nagamatan gasfuan takamuagan fag taglong, kanya at nafakamulun at ngay madulo fag ngay fakatoglagan si tagfangagat fag mela at daga salubangan. Siginan at nafakamulun fag ngay madulo, kanya nadaya ngay taw at nafae fakatoglagan sit ngay bilug tagfangagat fag mela, ay at naseg at aninu. Ay gina yay kanya fag dua gleleg, e naukas anya fag dua sas asupri fag afuy daul tagigang.

At Nafasure 22:15

Ay fagayu tagfakamulun at mauri ay fagayu tagfangufit, ay tagfanugtug, ay takamabul, ay fagayu tagseg sat yud matuyan fag ngay fagsegan, ay fagayu takamuag, dewa sit longan ay sit fakamulun, takatanya ban fagayu kafamato wan sas day furuan.