Mikas 5:10 - Fanawbuid tagsibaliwas Fakayabian

¹⁰ Yawi nalong te, “Ginanya ban fag ngay menit, gfabul kban ay ngay kabayu ay giklas ay ngay faguyudan fangawayan.

Mikas 5:10 ပူးပေါင်းရင်းမြစ်များ

Isayas 2:7

Talun Israel, ngayu at ngay salapi ay gintu, ay wa kamin at ngay ramraman. Ay ngayu yangay at kabayu, ay di katap at ngay faguyudan fangawayan.

Eremyas 3:23

Anud nasalan ami siginan nu nanseg ami ngay fagsegan sa sangay tungud buksul. Yawi em Dius, o way lang ngay taw Israel at tagfalangfe.

Usea 1:7

Dewa katanya, kafanyu kban ngay taw Uda. Au, ay Dius Yawi, namalangfe kban anya fagayu siginan ku fagmabalyananun, bundi siginans ngay tagfawayan at ngay famawayan, kata godun, fiso tagsumbalian at uyup, ay ngay kabayu ay fagayu tagsakay sanya.”

Usea 14:3

Ay wami get ya fanggubukun siginans Asirya, ay wa yangay mi gseg ya em ngay tagfawayan tagsakayan sis kabayu. Ay wa yangay mi gngayan ya em nawat fag ngay fagsegan te, em ngay dius. Aroro anfanyu tuo emi kata sik ngay sisian at yud e fagtainan ya.’ ”

Agay 2:22

Nangiklas kban at ngay fagfagtainanan ay nama yud kban e tungkul at ngay fagmabalyananun. Namadaging kban at ngay faguyudan ay anggan tagsakay. At ngay kabayu ban umbul, ay at ngay tagsakay ban gfadfabulan.

Sakaryas 9:10

Ay namalyam kwan awayan. Ay nangiklas kyangay Israel ay Uda at ngay faguyudan ay namul kwan at ngay kabayu at fagagbilugun gina gfawayan, ay nanlifung kyangay at famawayan fag ngay godun. Takadasug fag fun namae fagmanabayanun sa sangay furuan ayu daul. Kanya namagtainan sas dua fungfung dagat at wabilug, ay siginans Liskung Eufrates sitsigons fungfung daga.”

Deuterunumyu 17:16

Ay nafili fag fun wa masine gbul ngayuk kabayu, ay wa masine gfafoli sas talun Igiptu at ngay fagsuguan laman namayad ngay kabayu, aroro Yawi nalong te, “Lag am kafoli ya sanya.”