Mikas 4:9 - Fanawbuid tagsibaliwas Fakayabian

^9-10 Am fag ngay taw tagbanwan sis furuan Siun, wain ay fagidapanun kata sik mangena nu gafasalugun? Ay sanya yay oma ay ngay fun, ay ay ngay tagfalu longan. Katsi, gidapan am maksvn kata sik mangena nu gafasalugun, ay wa ban glugo ya gubun wam ay furuan ay namanwan ban am sasad araw. Sanya ginan ban, gatabanan am sas talun Babilunya. Dewa katanya, namalangfe kban ayu siginan ay ngay fawayan.

Mikas 4:9 ပူးပေါင်းရင်းမြစ်များ

Isayas 13:8

ay tumadtaruyan kalimu, ay dumalan ban at maksvn fag fagidapun kaksvn sik mangena nu gidapan gina gfasalug. Ay kafag ngay taw dumaddamaan, ay at kaksvnan nu kalimu, at ngay kamatan umraska.

Isayas 21:3

Katanya ku nalag si ku taginfan, ay anlimu au maksvn ay sik fansait bilug andasug sa angku, kaksvn sik mangena nu gidapan gina gfasalug.

Isayas 26:17

Yawi, glag tuo em fagidapun. Kata wami sik mangena tagfasalug nu guro aroro maksvn nu kasait.

Eremyas 22:23

Am fag ngay tagbanwan sis furuan Erusalem fag bale daul tangabat at mawatan kayu sidru tagsiginans Lebanun, mafanyuan ban am gina ban andasug sa ayu fagidapun, kata ban am sik mangena tagidapan nu gfasalug.

Eremyas 30:10

Ku fagsuguan Akub at ngay kasugfunanan, lag am kalimu ay kamomuy. Au, Yawi, glong au te, namul kban ayu siginan tangayayu fag talun nu inda nu gatabanan am. Ay gina ban am anfoli, manabayan tuam, ay wa ban e kasalag ya ayu, ay wa ban am e fakalimuun ya.

Eremyas 4:21

Seduge ya ban manga nu glag au famasaful fag ramit sabaliwa nu gawayan, ay nu gdungug au budyung at awang?”

Eremyas 4:31

Nadungug au sik maksvn fag wayway ay fag fandeng kata sik mangena nu gfandeng gina gfasalug at ngenge taguna. Katanya ngay taw Erusalem nu gfandeng. Kanya fagayu gfalugde at ngay take ay gfainfanyuan get gubuk ay glong te, “Karanug au. Ku ngay fawayan namabul wan angku.”

Eremyas 48:41

Ay e nangagbilug wan tagsis Muab fag ngay furuan ay at mogat fag ngay fagsuksuanan. Ginanya ban fag ngay menit, Muab at ngay tagfawayan kalimu maksvn kata sik mangena tagafasalugun.

Eremyas 50:43

Ay talun Babilunya at fun nu nadungug takatanya, anmomuy, kalimu ay e faganinianun kata sik mangena tagafasalugun wan.

Eremyas 8:19

Dungugani! Ku ngay kaiban gwayway kadungug sas fagdaul talun, ay glong te, “O nunda Yawi naubun wan furuan Erusalem? O nunda Siun at fun wa sanya ya?” Yawi nabalus te, “Wain ay fagnafadotamaun angku, siginan nu gseg am tibak fagsegan?”

Takabalu 4:20

Kanya fagayu nagamat em fun, Yawi at nafili, em fagsegun at namangguna emi sa em fawayan fag ngay talun.

Usea 10:3

Anud, sa ban taguyan, kanya fagayu glong te, ‘Wami kaylat sik fun aroro wami kalimu Yawi. Dewa ami e fun, kanya we fakamulun at masine laman sa emi.’

Usea 13:13

Andasug sa ayu sik anini kata sik mangena tagafasalugun, ay kata wayam sik ngenge at yud e fagsafulun. Nu ndasug nu gfasalug fag buknga, wa gduksun siginan at mina at ungdan.

Usea 3:4

At masuad, ngaduge bank buknga ngay taw Israel nu yud e fun ay nu yud e ngay tagfangguna, ay nu yud gfon ngay fanggalangun, ay famamatang fag gang, ay at mafilian fag lanbung at fagagbilugun gina nanginsaful, ay nu yud e ngay fagsegan ya.

Mikas 5:3

Nu katanya, Yawi ban gfagbilug wan ngay taw Israel sat ngay fawayan yakmay ban sik mangena nainkidapan nafasalug sik munama, at nanfangguna ban taw Israel. Ay kanya ban fag tagfangguna at ngay kaiban at natabanan sa tibak talun, umfoli yay sat ngay kaiban.

Uan 16:21

Sik mangena nu gfasalug, maksvn nu gidapan, ay dewa katanya, nu nafasalug wan, wa gidapan ya, aroro guseganan te, at ngenge ansalug wan ste swa daga.

At Nafasure 12:2

Kanya gfafion ay munakbang wa nu gafasalugun. Ay kanya guro wa ayu daul aroro maksvn nu gidapan daul kasait.