Mikas 4:8 - Fanawbuid tagsibaliwas Fakayabian

⁸ Ay Buksul Siun, kata ban o sik bale ngabat fagulitan ngay fagbaugun, ay umsik mabalyanan ban o. Ay kafag furuan at ngayan yangay te, Erusalem, umsik tagtungud ban fag furuan sis Israel.”

Mikas 4:8 ပူးပေါင်းရင်းမြစ်များ

Fakasigadan 35:21

Ay sanya ginan, Akub nafataglayun nalao. Ay nu ndasug tsiuy baliwas Migdal-Eder, kanya nawat at ngay bale ramit.

2 Samwel 5:7

Dewa katanya, Dabid nagbilug Siun fag furuan at mogat, ay nafangayan te, Dabid at furuan.

Nemyas 3:25

Ay Palal, Usay at baguama nawat sik afud alad siginans fugungan ay sitsigon at bale ngabat fagulitan adamvl yap tua alad, sis aturunan fun at bale daul, munakbang si sangay tagulit at fagmafulan. Ay at nawat at fadogan fag afud alad, Pedaya, Parus at baguama,

Alubad. 24:7

Nanluang am Dius at bale at ngay sakbawan at yud ginbalian, laman at mabalyanan fag Fun gsakbo!

Alubad. 48:3

Dius gfaogat Erusalem at ngay alad, laman gfalag te, gulit.

Alubad. 61:3

aroro o wan ku fagsarigan, ay kata sik famalabag at mogat fag gang alad laman ku ngay fawayan wa masakbo.

Sulumun at Alubad 4:4

Am liug masine kata turuk at madalusan ay at mabilug, kata Dabid at bale tangabat, ay am dalag nu mafasafungan sim liug kata sik ngay tagfawayan at ngay famalabag at mafasafungan sanya fag bale tangabat.

Isayas 1:26

Ay gdog kyay ban nanfili sik ngay tagwabilug ay sik ngay tagfalu longan laman sa ayu. Ay ay furuan ban kangayan te, sik matuyan ay tagkasakan fag furuan, aroro ngay tagbanwan sanya masine ay matuyan at ugali.”

Isayas 10:32

Ginanya fag menit, ngay taw Asirya nangadasug sas Nub ay namasaful te, namawayan Buksul Siun, Erusalem at buksul.

Isayas 5:2

Kanya naali ay nabul wan fagayu gang, ay natanum sanya at mafilian fag ngay fananum ubas. Ay nawat sanya sik bale ngabat fagnangulitan, ay nafagarvy yangay gang laman at fagturisan at gutluan. Sanya ginan, kanya gfanya at rawvg at matamis, ay aroro mangaro, at rawvg mayat way.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Daniel 7:18

Dewa katanya, Tiba Tungud fag Dius ban namon sat ngay taw yud e malong fag fagmabalyananun laman ban gfunan kabavn.’

Ubadyas 1:21

Ngay taw at nafalangfe ngay taw Israel nangundaud sas Buksul Siun laman namagtainan Isaw at fagagbilugun fag ngay buksul. Au Yawi tagfagtainan ban kabavn.”

Mikas 2:12

Yawi nalong te, “Fagayu am at sawad tagbanwan sis Israel ay sis Uda, namaful kban ayu kata ngay tupa sis fagubungan, ay kata ngay gaban fagbaugun sas fagnamafangonan. Katanya yangay, umkayu ban am sa ay fagbanwanan.

Sakaryas 9:10

Ay namalyam kwan awayan. Ay nangiklas kyangay Israel ay Uda at ngay faguyudan ay namul kwan at ngay kabayu at fagagbilugun gina gfawayan, ay nanlifung kyangay at famawayan fag ngay godun. Takadasug fag fun namae fagmanabayanun sa sangay furuan ayu daul. Kanya namagtainan sas dua fungfung dagat at wabilug, ay siginans Liskung Eufrates sitsigons fungfung daga.”

Sakaryas 9:12

Am fag ngay natabanan at ke fagsegun yay kalfas, afolii wan sa ay ngay talun nu inda yud e gfauri ayu. Katsi glong au ayu te, nusnga seyu at nalyam si ayu, namafoli au duak kayu kanya.

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Tap 24:19

Sik fun ban namangguna Israel, ay kanya ban namamin at ngay sawad tagleleg sis Muab at furuan.”

Mateu 21:33

Isus nalong yangay fia te, “Dungugani sadi ya ku faydayuanan. Sik tagagbilug daga natanum sik ngay wat ubas sit daga ay naalad at tanuman, ay nawat yangay sik fagturisan ubas at rawvg, ay nawat sik bale ngabat laman fagulitan at tanuman. Ay kanya nafaalaga at tanuman sa sik ngay tagalaga ay nalo sa tangayayu fag talun.

Markus 12:1

Isus gfasigad gfoyung sa sangay taw sik faydayuanan te, “Sik taw natanum ubas sit daga ay naalad at tanuman ay nawat sik fagturisan ubas at rawvg, ay nawat yangay sik bale ngabat laman fagulitan at tanuman. Ay kanya nafaalaga at tanuman sa sik ngay tagalaga, ay nalo sa tangayayu fag talun.

Efesu 1:21

Kanya tagtungud fagayu tagfunan ay tagagbilug ngay falad, ay at ke fagmabalyananun, ay tagfunan fagayu. Ay at fagmasineun gtungud tua fagayu fagmasineun, bundi lang katsi fag ngay menit, nu bunway anggan tua takadasug yay ban.

At Nafasure 22:5

Ay sanya ban we yabi ya, ay wa ban gayudan ya salung ay menit at yamag, aroro Dius tam Fun, kanya waban kafag ngay fagsuguan at yamag. Ay kanya ban fagayu gfagtainan kabavn.