Mikas 4:5 - Fanawbuid tagsibaliwas Fakayabian

⁵ Ngay taw ban dewa gfataglayun gseg at ngay fagsegan, ami ban gfataglayun tuami gugat gseg Yawi em Dius.

Mikas 4:5 ပူးပေါင်းရင်းမြစ်များ

Fakasigadan 17:1

Abram at banwa gina siamk safulu e siam, Yawi ansure sa anya ay glong te, “Au wan at mabalyanan fag Dius. Glong au te, faningi tua gugat angku ay ugalii at yud e kalong.

2 Fun 17:29

Dewa katanya, galay sik gaban taw nawat at ngay fagsegan sit mesa furuan, ay nafasakbo kafag ngay fagsegan sa sangay bale fagnansegan sa tangabat fag ngay buknga, ngay taw Samarya at nawat.

2 Fun 17:34

Ay dasug katsi gfakamulun yay gugat takatanya. Ay nu gseg Yawi, wa matuyan, ay wa gfaning at ngay suguan ay at foyungan, at nafon sas Akub at ngayan yangay te, Israel, at ngay kasugfunanan.

Alubad. 20:6

Katsi nasaful au te, Yawi tua tagfababo at nafili fag fun. Ay kanya gbalus at darangin siginans banwa at yud e malong fag fagbanwanan, ay kanya gfababo siginan at fagmabalyananun.

Alubad. 48:14

“Dius wan tam Dius kabavn ban; kanya ban gufud tua gugat antam.”

Alubad. 71:16

Yawi, ku Fun, namauseganan au emu sam bale, aroro sam ngay nafakamulun at madulo. Ay namoyung au sa sangay taw te, o wan at matuyan.

Isayas 2:5

Akub at ngay kasugfunanan, nangugali tam kata Yawi at foyungan, aroro at foyungan kata sik yamag sa antam.

Isayas 26:13

Yawi em Dius, tibak dius gfagtainan yay emi, ay dewa katanya, o way lang em fagnansegan.

Isayas 26:8

Yawi, nafaning wami fagayu am ngay suguan, ay gafanud wami sa emu. Em fakaylatun namauseganan wami emu.

Eremyas 32:40

Ay nangawat kban sik nasadian sa anya fagayu te, gfakamulun ktua ban gugat at masine sa anya fagayu. Ay namoyung kban anya fagayu nu setain nu gsuyu angku laman ban kanya fagayu wa kayayu ya siginan angku.

Sakaryas 10:12

Gfabitsug kban ku ngay taw, ay siginan ku ngayan umke fagmanabayanun. Au, Yawi, taglong tuy.”

Fakamulun 14:16

Ebi at kinlangfe fag ngay buknga Dius nafabayan wan fagayu taw sas fagdaul daga laman gfaning at ngay mesa fakaylatun.

Deuterunumyu 27:10

Nu katanya, faningi ay Dius Yawi ay fakamuluni fagayu at suguan ay at faugali, ku nafon sa ayu katsi.”

Kulusas 2:6

Dakngani gafanud tuam te, Isus tam Fun, fataglayuni tua nu gfaning am anya.

Kulusas 3:17

Ay fagayu ay fakamulun, ay anggan ay longan, fakamuluni sa tam Fun Isus at ngayan, ay siginan anya useganani sas Dius tam Mama.

Uswe 24:15

Dewa katanya, wayam kaylat gfakamulun sas Yawi, katsi fag menit filii nusnga sinu ay fagnamausegananun. O namakamulun am sa ay ngay mangaguyang at ngay fagsegan sis dife Liskung Eufrates, o ay mannga sa sangay taw Amur at fagsegan sanya fag talun ay fagbanwanan katsi? Dewa katanya, au ay ku kalongan namakamulun ami sas Yawi.”