Mikas 4:4 - Fanawbuid tagsibaliwas Fakayabian

⁴ Ginanya ban, ngay taw nanmalunggung manabayan sat mesa tanum wat ubas ay fun kayu igus at lanbung. Matuyan umfasludan ban takatanya, aroro Yawi at Mabalyanan at nalong.

Mikas 4:4 ပူးပေါင်းရင်းမြစ်များ

1 Fun 4:25

Nu katanya, fagayu taw sis talun Uda ay Israel, siginans Dan sitsigons Beerseba manabayan nu mabanwan. Ay kaduge Sulumun gleleg, galay sik taw e fagmanabayanun tua gmalunggung sit ngay mesa daga tanuman wat ubas.

1 Fun 5:5

Nu katanya katsi, namatangan au te, namawat kwan Yawi at bale, kata Yawi at suguan sa ku mama Dabid te, ‘Am baguama ban, ku famaungbus emu laman sik fun, kanya ban at namawat sik bale laman sa angku.’

Ub 11:19

Gina ban o gtiug, di e namalimu emu, ay ngayu ban at nanget gubuk sa emu.

Alubad. 72:3

Ay umkayu nangus at ngay fananumun at rawvg tagsi sangay buksul, ay anggan nangus at ngay taw umke fagmanabayanun aroro at fun matuyan tua.

Fangatulun 3:25

Lag o kalimu dewa e ndasug vtv masakit nusnga setaw fag malimu, ay dewa e namamin ngay taw mauri.

Isayas 1:20

Dewa katanya, nu gfataglayun way ban am kamabo angku, matuyan kabul ban am. Umfasludan takatatuy, aroro au Yawi taglong tuy.”

Isayas 17:2

Ay wa ban e gbanwan ya sas Aruer fag ngay furuan. Ay kanya umkata ban sik fagnamafangonan ngay fagbaugun, ay wa ban e namalimu ya kafag ngay fagbaugun.

Isayas 22:25

“Ginanya ban fag menit, kafag fagrabingan umtong, ay fagayu at marabingan sanya umrufa wan. Umfasludan ban katanya aroro Yawi at Mabalyanan at nalong.”

Isayas 26:16

Yawi, nafaurianan o am ngay taw, ay gina gaidapan, nanangakbang tua sa emu ay nadarangin tua.

Isayas 32:17

Ay fagmatuyanun at rawvg, fagmanabayanun, ay di e fagafanawaun kabavn ban.

Isayas 36:16

“Lag am gdungugan Esekyas! Katatuy Asirya at fun at longan: Lag am namawayan angku; luangi sakbawan ay duksuni wan sa angku. Kaylat kwan nu nangon am ay tanuman at rawvg ay nanginum mamam sa ay sadili saguban,

Isayas 40:5

Umsure ban Yawi at fagmabalyananun, ay fagayu ban taw lumag takatanya. Umfasludan ban takatanya, aroro au Yawi at nalong.”

Isayas 54:14

Ay umkaksvn tua ban o aroro am ngay taw ban at ugali matuyan tua. Ay am ngay fawayan ban lumagyu emu, nu katanya di ban am e fakalimuun ya, ay kanya ban fagayu wa manangakbang ya sa emu laman namalimu.

Isayas 58:14

ay nu nafafaning tua ban am takatanya, mauseganan tua ban nu gfakamulun am sa angku. Ay gfae fagusegananun kban ayu si ay talun. Namayu kban ay gutluan si ay mangaguyang Akub at nafon ayu fag daga. Umfasludan ban takatanya, aroro au Yawi taglong tuy.”

Eremyas 23:4

Ay nanfili kban sik ngay tagfangguna at nangalaga tua anya fagayu. Ay kanya ban fagayu di e fakalimuun ya ay we fagafanawaun, ay wa ban e kalyam ya. Au, Yawi, taglong tuy.”

Eremyas 30:10

Ku fagsuguan Akub at ngay kasugfunanan, lag am kalimu ay kamomuy. Au, Yawi, glong au te, namul kban ayu siginan tangayayu fag talun nu inda nu gatabanan am. Ay gina ban am anfoli, manabayan tuam, ay wa ban e kasalag ya ayu, ay wa ban am e fakalimuun ya.

Esekyel 34:25

“Nangawat kban em nasadian laman ban kanya fagayu nu gbanwan manabayan tua. Nangaiyan kban tagfangagat fag ngay mangilafang siginan at talun laman ban ku ngay taw manamanwan tua sat yud e taw fag talun ay laman ban matiug tua manabayan dewa sasad araw.

Esekyel 34:28

Tiba bank talun at ngay taw wa mafauri ya kafag ngay taw ay anggan ban ngay mangilafang tagsis talun wa manangagat ya anya fagayu. Ay kanya ban fagayu gbanwan manabayan ay di e fakalimuun ya.

Esekyel 38:11

Nanlong ban o te, ‘Namawayan au Israel at ngay furuan ayu daul at yud e alad, ay at yud e sakbawan ay at yud e famalabag, ay at ngay taw at manabayan way fia ay at yud e fakalimuun.

Esekyel 39:26

Kanya ban fagayu nu nfoli wan sat talun gbanwan ban manabayan ay di e fagafanawaun ya. Ay wa ban gamatang ya at nagdalanan fag fakaplaun ay at fakamaboun sa angku.

Lebitiku 26:6

“Gfae fagmanabayanun kban sa ay talun, nu katanya, manabayan tua ban nu gtiug am. Gfayayu kban tagfangagat fag ngay mela si ay talun, ay wa ban e namawayan ayu.

Mikas 5:3

Nu katanya, Yawi ban gfagbilug wan ngay taw Israel sat ngay fawayan yakmay ban sik mangena nainkidapan nafasalug sik munama, at nanfangguna ban taw Israel. Ay kanya ban fag tagfangguna at ngay kaiban at natabanan sa tibak talun, umfoli yay sat ngay kaiban.

Sefanias 3:13

Kanya ban fag ngay taw Israel di gfakamulun at mauri, di kamuag ay di gfandaya, ay gfangon tua ban ay gtiug manabayan ay di e fakalimuun.”

Sakaryas 3:10

Ginanya ban fag menit, manabayan tua nu mabanwan am. Galay am at sadi nantaban am ay ngay fasabale laman nanmalunggung am manabayan sis daga fun wat ubas ay sis daga fun kayu igus. Au, Yawi at Mabalyanan, taglong tuy.”