Mikas 4:13 - Fanawbuid tagsibaliwas Fakayabian

¹³ “Am fag ngay taw tagbanwan sis furuan Siun, falganani laman namabul am ay ngay fawayan kata nu gruyus am trigu. Ay kata ban am sik ngay baka tama at ke sunge sanbung ay at ke ngay u tansu. Ay namabo ban am ngay talun at kinsadi laman namawayan ayu. Ay foni sa angku at nafangago fag ngay ramraman laman sik fanggalangun, aroro au wan fagdaul daga at Fun.”

Mikas 4:13 ပူးပေါင်းရင်းမြစ်များ

Alubad. 24:1

Yawi tua tagagbilug fagdaul daga, ay anggan fagayu tagsanya,

Alubad. 68:29

Ngay fun ban namon sa emu at ngay fanggalangun sam bale sis Erusalem.

Alubad. 72:10

Tarsis ay anggan ngay furu tagsis wabilug dagat at ngay fun ay Syeba ay Seba at ngay fun, namon nangus at ngay famonun sa anya.

Isayas 18:7

Ay ginanya ban, e namuba sik ngay famonun sas Yawi at Mabalyanan siginan sik ngay taw tangabat ay madalusan at balat, tagbanwan sa sik talun tangayu at liskung; kanya fag ngay taw mabalyanan ay tibak taw at fakalimuun. Kanya ban namuba at ngay famonun sas Buksul Siun, sas Yawi at Mabalyanan at fagbanwanan.

Isayas 21:10

Ay glong au te, “Ku ngay iba taw Israel, takata sik ngay nagdagamian sis fagruyusan, gfoyung au sa ayu ku ngay nadungug siginan Yawi at Mabalyanan, Israel at Dius.”

Isayas 23:18

Ay sa ban taguyan, at nafabul fag ngay salapi wa ban namungsu. Kanya ban fagayu sik famonun sas Yawi laman famul ngayuk fakonun ay at masine fag ngay lanbung ay namon sa sangay taw tagfakamulun sas Yawi.

Isayas 5:28

At ngay fiso maglat, ay at ngay godun mafalganan wan. Ay fagayu at ngay kabayu at u katugas sik gang, ay at ngay faguyudan at ke balingkitan masakit kata sik tagbaribungan fag tagmara.

Eremyas 51:20

Yawi nalong te, “O wan ku famalang, ku famawayan sas fagawayanan. Siginan emu, nanrasras au ngay talun ay fagfagtainanan,

Eremyas 51:33

Yawi at Mabalyanan, Israel at Dius, glong te, “Talun Babilunya kata sik tanum at munakbang wan nu kagutlu ay nu e gruyus.”

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Usea 10:11

Ebi, kata tuam sik tumad baka tina at nafananad, ay takaylat gruyus. Dewa katanya katsi, gfaurianan au ayu fag ngay taw Israel. Anggan am fag ngay taw Uda, umkata wam sik tumad baka tina at yud batang e fantungud liug sit masine fag liug, ay gidapan gguyud fangali daga.

Mikas 5:7

Ay at kinsawad ban fag ngay taw Israel umsik fanggalangun sa sangay talun. Ay kanya ban fagayu umkata sik ngay damug ay arak Yawi at nafon laman tagfatugbung ngay tanum. Ay kanya ban fagayu gafanud tua sas Dius bundi sa sangay taw.

Abakuk 3:12

Aroro kadotama o maksvn, fagdaul daga ay fagayu talun anrasras wan.

Sakaryas 12:3

Ginanya ban, namakata au sik gang mabyat furuan Erusalem, ay nusnga sinu ban fag talun at nated kafag gang, umfaurianan. Ay fagayu ban talun sas fagdaul daga nangaful laman namawayan Erusalem.

Sakaryas 12:6

“Ginanya ban fag menit, taw Uda at ngay tagfangguna namakata au singsing afuy tagigang sis tungud famaygang ay mannga kata sik tagigang fag sarab at nafasalung mafutusan fag fare. Ay namaurianan ngay furuan sit ligung, dewa katanya, ngay taw Erusalem di gafaurianan.

Sakaryas 4:14

Nu katanya, kanya nalong angku te, “Kafag duak fun kayu ulibu at sanga at masuad duak taw at kinfili laman at namakamulun sas Dius, fagdaul daga at Fun.”

Sakaryas 6:5

Kanya nabalus angku te, “Kanya fagayu ufatk tagmara taguyup sas kiwang siginans fagdaul daga at Fun Dius.

1 Kurintu 16:2

Fasadik menit kayu linggu, galay am at sadi fasamani wan ay fanggubukun kafanud ay fagmakatuun, ay nu gfaful am, lag gfanya ya gina au ndasug sanya.

Deuterunumyu 33:25

Ay at ngay furuan sakbawan ban nangus e ngay famalabag mawatan siginans sanbung ay tansu, ay at fagmabalyananun ban nangus katanya tua gugat kaduge kanya fagayu gleleg.

Uswe 6:19

Ay fasamani laman sas Yawi ngay salapi, ay gintu, tansu, ay sanbung, ay suadi sas fagfungsuan ramraman laman sas Yawi.”