Mikas 4:1 - Fanawbuid tagsibaliwas Fakayabian

¹ Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Mikas 4:1 ပူးပေါင်းရင်းမြစ်များ

Fakasigadan 49:1

Sanya ginan, Akub nagewan at ngay baguama ay nalong te, “Wainyayam, e fagyalongun kyay sa ayu.

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

Alubad. 110:3

Am ngay taw ban kaylat tua galo emu gina o namawayan am ngay fawayan. Ay kanya ban fagayu glao sa emu kata ngay damug sit masine fag ngay buksul.

Alubad. 22:27

Ngay taw sas fagdaul daga nangamatang ay nangafoli sas Yawi. Ay fagayu talun at taw nanseg anya.

Alubad. 48:1

Yawi mabalyanan; masine nu gfauseganan tam anya sit furuan, sat yud e malong fag buksul.

Alubad. 86:9

Fagayu am nawat fag ngay gaban taw tagsiginan sangay talun kadasug sam daga salubangan, laman nanrungan nanseg emu, ay namauseganan am ngayan,

Isayas 27:13

Ay gina ban e ndungug budyung at awang daul, umfoli ban sas furuan Erusalem tagidapan fag ngay taw Israel, at natabanan sas Asirya ay Igiptu. Ay kanya ban fagayu sumeg Yawi sat yud e malong fag buksul tagsis furuan Erusalem.

Isayas 43:6

Glong kban sa sangay talun at ngay taw tagsis dua alvngvdan laman gfabayan wan am ngay kasugfunanan nu kafoli sat sadili talun, dewa ndaginan fag fungfung daga.

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 54:2

Fabiai yap am bale ramit, ay famuti at ngay famalanib, ay faogati at ngay fansalod ay at ngay fagtabingan.

Isayas 56:7

Gtaban kban anya fagayu sa ku nafili fag buksul yud e malong ay namae fagusegananun kban anya fagayu sa ku bale daranginan. Ay kaylat kban at fagirugun fag ngay fanggalangun, ay tiba yak fanggalangun at nairug sa ku fagirugan, aroro ku bale ban kangayan te, fagayu talun at taw at fagnandaranginan.”

Eremyas 16:19

Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

Eremyas 26:18

“Ebi gina Esekyas gfunan sis talun Uda, Mikas, tagsiginans Mureset, nalong Yawi at longan laman sa sangay taw Uda. Kanya nalong te, ‘Yawi at Mabalyanan nanrasras wan Siun, Erusalem fag furuan daul. Ay kafag furuan ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.’

Eremyas 3:17

Ay ginanya ban e gfangayan Erusalem te, ‘Yawi at fagbanwanan.’ Ay fagayu ban talun at taw nangaful sanya laman namauseganan angku. Ay kanya ban fagayu wa kamaogatun ya ay wa mauri ya at ngay amatanganan.

Eremyas 31:12

Kanya ban fagayu glao sas Buksul Siun ay guro guseganan. Ay guseganan ban aroro sa ku ngay nafon sa anya fagayu. Ay umkayu ban at gutluan, ay ubas at mamam, ay at langis ulibu, ay at ngay fagbaugun. Ay kanya ban fagayu umkata sik ngay tanuman at malayun tua nu e gfarugme, ay wa ban gdog ya e fakabaluun.

Eremyas 48:47

Dewa katanya, kadasug ban sik menit, gfafoli kyay ban talun Muab at kayaunanan. Au, Yawi, taglong tuy.” Kata kanya at foyungan sabaliwas talun Muab.

Esekyel 38:16

Gug, namawayan ban o ku ngay taw Israel, kata sik linyabu tagtabun daga, laman ban ku fawayan fag ngay talun tumoglag angku te, kdi e malong.

Esekyel 43:12

Tuy at maksvn nu mafanud fag faugali sabaliwa Yawi at bale: tuyani te, yud e malong fagdaul tungud buksul fagnangawatan Yawi at bale, anggan sat ligung fag talun.

Daniel 10:14

Katsi, ste au laman namayamag au sa emu takafasludan ban sam ngay kaiban fag ngay taw Israel, aroro am ngay taginfan sabaliwa takafasludan ban.”

Daniel 2:28

dewa katanya, e sik mabalyanan fag Dius sis banwa at mafafasure at ngay masuksukan nusnge wain. Ay kanya nafoyung sa emu takafasludan ban. Katsi, nanlong au sa emu am ngay nalag sim taginfan.

Daniel 2:35

Arodi vtv, anrufa wan kafag fagsegan at mawatan sanbung, lutuk, tansu, salapi ay gintu, ay ankata sik upa sis fagruyusan, lalab at fagfalayugun nusnga nday, dewa katanya, kanya fag gang at kintong sas fagsegan at ngay darafa ansik buksul daul ay ankapnu sas fagdaul daga.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Daniel 7:14

Ay Dius nafauseganan anya ay nafon fagmabalyananun laman gfunan, ay fagayu gaban taw sas fagayu talun sas fagdaul daga, tagsaman at ngay fangaringang naseg anya. Kanya nu gfunan we fakatabuan. Ay we marasras at fagfagtainanan.

Daniel 7:18

Dewa katanya, Tiba Tungud fag Dius ban namon sat ngay taw yud e malong fag fagmabalyananun laman ban gfunan kabavn.’

Daniel 7:22

Sanya ginan, andasug Tiba Tungud ay Tagleleg kabavn fag Dius, ay kanya gwabilug gfadiuganan at ngay taw at yud e malong. Ay andasug at buknga kanya fagayu nu gfunan.

Daniel 7:27

Sanya ginan, Tiba Tungud fag Dius namon sat ngay taw at yud e malong fag fagmabalyananun laman gfunan sas fagayu fagfagtainanan sas fagdaul daga. Ay at fagfagtainanan ban we fakatabuan, ay fagayu ban tagfangguna gseg ay gfaning anya.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Mikas 3:12

Aroro nafakamulun am takatanya, umkiklas ban Siun, furuan Erusalem. Ay kanya ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.

Sakaryas 14:10

Ginanya ban namadatag wan fagdaul talun Geba sas fawalan fag alvngvdan sitsigons Rimun ay sas fasiunan fag alvngvdan Erusalem. Dewa katanya, Erusalem ban wa kabali, siginan Benamin at Sakbawan ay gtaglayun sa Taguna fag Sakbawan, sitsigons Sakbawan tagsis Fugungan, ay siginans Kananel fag bale ngabat fagulitan sitsigon fun at fagturisan rawvg ubas. Wa ban e gdog ya nanrasras Erusalem, ay at ngay tagbanwan ban gbanwan tua manabayan.

Sakaryas 8:3

Nangafoli au sas Siun, Erusalem fag furuan, ay namanwan au sanya. Ay gfangayan ban Erusalem te, at matuyan fag furuan, ay ku fagagbilugun fag buksul gfangayan te, at yud e malong fag buksul.

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Fakamulun 2:17

Dius nalong te, ‘Sa ban taguyan fag ngay menit, gfon kban ku Falad sas fagayu taw. Ay ngay baguama ban ay ay ngay baguina mafafoyung tua ku longan, ay ngay baguama ban umke fagsafulun sabaliwa takafasludan sas fagunan. Ay ngay fagtainan ban umke ngay taginfan.

Ebreu 1:2

Ay katsi, taguyan fag ngay menit, kanya naringang sa antam siginan at Baguama. Ay siginan yangay at Baguama Dius nawat fagdaul daga ay nafili anya laman tagagbilug fagayu nusnge wain.

2 Pedru 3:3

Taguna safuli te, sa ban taguyan fag ngay menit kadasug takamalingun fag ngay taw, tagfaning at mauri fag algan.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 15:4

Sinu ban at yud kalimu ay gfauseganan emu, em Fun? Aroro o way lang at yud e malong. Fagayu talun at taw nangakbang ban sa emu gseg, aroro fagayu taw nalag wan am ngay nafakamulun at maksvn nu matuyan.”

At Nafasure 20:4

Ay sanya ginan nalag au sik ngay faglunggungan, ay malunggung sanya at ke fagmabalyananun ginsaful taw at asalanan. Nalag kyangay at ngay nalifungan at alfuyu at ngay falad, at kinbul aroro gfoyung sabaliwas Isus ay Dius at Longan. Kanya at yud naseg tagfangagat fag mela ay at aninu, ay at yud naylat gfariruk kafag mela at ngayan sit dangasan ay mannga sit daluap. Kanya nadog yay naleleg ay gfagtainan gasfuan tam Fun Isus kaduge sadik libuk banwa.