Mikas 3:7 - Fanawbuid tagsibaliwas Fakayabian

⁷ Am fag ngay taglong ay fag ngay taginsaful, umkapla ban am. Ay gtaup ban am ay mata at kaksvnan nu kapla am, aroro wa ban am batang ya gdungug famalus siginans Dius.”

Mikas 3:7 ပူးပေါင်းရင်းမြစ်များ

Alubad. 74:9

Wami e fagtoglagan ya tagfasaful te, gufud yay o emi. Ay we ngay taglong ya. Ay wami saful ya te, seduge ya ban nu katatuy ami gugat.

Nu Galin 9:11

Ay anggan ngay tagsaful gfasure at madulo anke ngay yapvs yangay kata at kaiban fag ngay taw Igiptu, nu katanya, kanya fagayu wa masalubang ya Muisis.

Isayas 44:25

Kwa nafafasludan at yud matuyan fag ngay taglong at ngay foyungan. Ay nafayud au e masuad ngay tagfangalga at nafangalga takadasug ban, ay nasalag au at ke ngay fagsafulun at ngay longan, nu katanya, wa nke masuad at fagsafulun.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Esekyel 24:17

Gfandeng ban o, dewa katanya, lag o gfalag te, kabalu o. Lag o gbul am fansifig am alfuyu ay am lapak. Lag o gtabun am kamatan laman gfalag o te, kabalu o maksvn. Ay lag yangay kon takabalu at fakonun.”

Esekyel 24:22

Ay namakamulun ban am kata Esekyel at nafakamulun ay wa ban am gtabun ay kamatan ay wa ban am kon takabalu at fakonun.

Lebitiku 13:45

At kinke bangbang, masine nu gsulun at marasrasan fag lanbung, ay nu gfaburago at buk ay nu gtabun at bibig. Ay kanya guro te, “Masuya kwan! Masuya kwan!”

Amus 8:11

Ay Fun Dius Yawi nalong yay fia te, “Umdasug ban sik menit namae fanlunus kban sa ay talun. Dewa katanya, bunwa fakonun fag fanlunus ay bunwa mamam fag fakadanumun, nu bunway sa tua baliwa nu kaylat gdungugan ku ngay longan.

Mikas 3:4

Gina ban am gafaurianan fag menit, get ban am gubuk sas Yawi, ay wa ban ggubuk ayu aroro sa ay fagmauriun.”

Mikas 7:16

Ay at mabalyanan ban fag ngay talun nu nalag takatanya, umkapla, ay wa ban gfalingun ya emi.

Sakaryas 13:4

“Kanya fag ngay taglong umkapla sat nalong fag ngay taginfan. Ay wa ban gsulun ya taglong at lanbung laman nanfamuagan.

1 Samwel 14:37

Nu katanya, Saul nainto sas Dius te, “O namawayan wa ro mi ngay taw Filistia? O gfababo tua ro wo emi sa kafag ngay taw?” Dewa katanya, Dius wa nabalus.

1 Samwel 28:15

Ay Samwel nalong sas Saul te, “Wain am fagfasalagun yay angku?” Ay Saul nabalus te, “Maksvn nu gidapan au. Ngay taw Filistia gfawayan angku ay Dius natalyuyan wan angku. Kanya wa gbalus ya angku, dewa sas nusnga setaw fag balyawvtan. Nu katanya, katsi ginto au sa emu te, setain ro ku fakamulun?”

1 Samwel 28:6

Nu katanya, kanya nainto sas Yawi. Dewa katanya, Yawi wa nabalus anya dewa siginans taginfan ay siginan ngay taglong.

1 Samwel 9:9

Saul glong te, “Agvd, basta, glao wata sa kafag taginsaful.” Ay duama nalao sas furuan, Dius at fagsuguan at fagbanwanan. (Ebi, sas Israel, sik taw nu kaylat gbul ngay foyungan siginans Dius glong te, “Bastam, glao watam sa taginsaful.” Aroro ebi nu gfangayan katsi fag ngay taglong sik ngay taginsaful.)