Mikas 3:5 - Fanawbuid tagsibaliwas Fakayabian

⁵ Katatuy Yawi at longan sabaliwa takamuag fag ngay taglong tagfatuyanan te, manabayan ban ngay taw tagfon sa kafag ngay taglong fakonun, dewa katanya, gidapan way ban at yud gfon sa anya ngay fakonun.

Mikas 3:5 ပူးပေါင်းရင်းမြစ်များ

Fangatulun 28:21

Wa masine at ke fagfili, dewa katanya, e gfakamulun way at mauri nu e nafon way sik famaylatan sirut.

Isayas 3:12

Yawi nalong te, “Ku ngay taw, ay ngay baguama kata way sik ngay sisian gfaidapan ayu. Sik ngay mangena way lang tagfangguna ayu. Ay ay ngay tagfangguna gtaban way ayu sat yud matuyan fag dalan.”

Eremyas 23:27

Ay siginan kafag ngay taglong at ngay taginfan nafoyung sa ku ngay taw laman gtalyuyan angku, kata at ngay mangaguyang nu kalyam angku siginan nu gseg Baal.

Eremyas 23:32

Kanya fagayu gfoyung at ngay taginfan at yud matuyan, nu katanya, siginan at fakamuaganun nafalyam ku ngay taw at amatanganan. Kwa nasugu anya fagayu ay kwa yangay nasugu te, aringangi, nu katanya, we fanggubukun sa sangay taw. Au, Yawi, taglong tuy.

Eremyas 6:14

Kanya fagayu gfutus oma ku ngay taw at bangbang ay wa fia kasalag, nu bunway glong way te, ‘Mabayan waymi!’ Ay aroro mangaro, wa mabayan.

Eremyas 6:4

Ay at ngay tagfangguna glong te, ‘Falganani! Gina ro swabilug menit, namawayan tam anya.’ Dewa katanya, nu sawa sfafun baliwa, at ngay tagfangguna glong te, ‘Gakafalyuun wan menit ay gakadulumun wan.

Takabalu 2:14

Ay ngay taglong at ngay taginfan wa mafanud. Ay kanya fagayu wa nafoyung ya sa ayu ay ngay asalanan, laman diam gatabanan. Ay at foyungan sa ayu at yud way matuyan.

Esekyel 13:9

Namaurianan kban kafag ngay taglong. Kwa ban gtoglag ya anya fagayu te, ku ngay taw, ay grarus kwa ban at ngay ngayan siginans fagrirukan Israel at ngay ngayan, ay kanya ban fagayu wa masine nanakbo sa sangay taw Israel at daga. Nu katanya, sumaful am te, au Fun Dius Yawi.

Usea 4:5

Ay kadasug ban sik buknga laman namaurianan au ayu fag ngay tagfon fanggalangun ay fag ngay taglong. Ay gfaurianan kyangay ban anggan ay mina fag talun Israel.

Uel 3:9

Fasafuli sa sangay talun at ngay taw te, “Falganani ay ngay sadili. Uroi ay ngay tagfawayan laman namawayan.

Mikas 2:11

Ay ay fakaylatun ay takamoyung, takamalingun ay takamuag, tagfoyung te, ‘Ngayu ban ay fanginum fanlangu.’ ”

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Malakyas 2:8

Dewa katanya, wam nafaning ku balyawvtan. Ay ngay foyungan nafae asalanan way ngayuk taw. Au, Yawi at Mabalyanan, glong au te, nafauri am ku nasadian sa ay mangaguyang fag ngay taw Lebi.

Mateu 15:14

Fabayani wa anya, aroro kafag ngay taw takata way sik taw yud glag tagtabanan sik taw at yud yangay glag. Ay fagdua ro kabulsu way sasad lusung.”

Mateu 7:15

“Dirii ngay tagfandaya te, ‘Au wan at sadi Dius at taglong.’ Kanya gina kadasug sa ayu magup kata sik ngay tupa. Ay dewa katanya mangaro kafag ngay taw kata way sik ngay tagfangagat fag idu talun.

Ruma 16:18

Takatanya fag ngay taw at fagfaningan bunwa tam Fun Isus nu bunway at sadili way. Kafag ngay taw gdaya ngay taw at mamomuy at amatanganan, siginan takamaylatan ay at masine nu kadungug fag ngay foyungan.