Mikas 3:11 - Fanawbuid tagsibaliwas Fakayabian

¹¹ Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Mikas 3:11 ပူးပေါင်းရင်းမြစ်များ

Fangatulun 17:23

At mauri fag taw gbul famayad laman fagmatuyanun wa kafasludan.

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Isayas 48:2

Ay glong am te, am wan tagbanwan sit yud e malong fag furuan, ay gafanud am sas Yawi at Mabalyanan, Israel at Dius.”

Isayas 5:23

Wam naubung at ke asalanan fag ngay taw aroro nabul am famayad siginan anya, ay wam gfakamulun at matuyan sat yud e asalanan fag ngay taw.

Isayas 56:11

Ay kanya fagayu kata way tagfangkumon fag ngay idu at yud gfangapsug. Ay kata at yud mamatanganan fag ngay tagalaga tupa, ay galay at sadi gfakamulun kata at fakaylatun, ay at fagamatanganun sa way lang at sadili.

Eremyas 23:17

Katatuy kanya fag ngay taglong at longan gugat sa sangay taw at yud gdungugan ku ngay longan, ay takaylat way gfaning at ngay amatanganan: ‘Manabayan tua ban nu mabanwan am. Wa ban e kadasug sa ayu at mauri.’

Eremyas 26:7

Ngay tagfon fanggalangun, ay ngay taglong, ay fagayu taw tagsis Yawi at bale nadungug Eremyas at longan.

Eremyas 5:12

Kanya fagayu wa gfoyung at matuyan sabaliwa angku. Abat ngate, glong way te, ‘Yawi wa gfaurianan antam! We faurianan, we malimu, ay we fanlunus takadasug sa antam.’

Eremyas 6:13

Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Eremyas 7:4

Lag am gafanud ngay taw at longan te, “We kadasug at malimu aroro Yawi at bale si wa antam.”

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Esekyel 22:12

Ay tibak taw get famayad laman gfabul, ay tiba gfafamut nu get sat fagfabedanan ay tibak taw anramraman aroro gfangalabian salapi. Kanya fag ngay taw wa gamatang ya angku. Au, Fun Dius Yawi, taglong tuy.

Esekyel 22:27

Ay kafag ngay taw at fun kata sik ngay idu talun. Kanya fagayu nanfamabul laman kae salapi.

Esekyel 34:2

“Taw at baguama, nangaringang o sabaliwas Israel at ngay tagulit. Nanlong o sanya fag ngay taw te, ‘Fun Dius Yawi glong te, Afanyuan am. Ay fagalagaun ay ngay sadili way. O nunda tagalaga tupa, bunwa tupa at fagalagaun?

Usea 4:18

Kanya fagayu gina galangu, namataladan ngay mangena. Ay at ngay tagfangguna maksvn nu kaylat gfakamulun at mapla fag ngay fakamulun.

Usea 4:8

Ay naylat wayam ku ngay taw nu gasalanan, laman kayu ay ngay ramraman siginan nu gfon at ngay fanggalangun famalyam at ngay asalanan.

Amus 5:14

Fakamuluni at masine ay lag gfakamulun at mauri laman ban gleleg tuam, nu katanya tua, Yawi gufud ayu kata ay longan.

Amus 9:10

katanya yangay am, ku ngay taw tagasalanan, wa ban am umlangfe siginan ku faurianan. Fagayu ban am taglong te, ‘Faurianan ban wa mdasug sa emi,’ umbul am sas awayan.

Mikas 3:5

Katatuy Yawi at longan sabaliwa takamuag fag ngay taglong tagfatuyanan te, manabayan ban ngay taw tagfon sa kafag ngay taglong fakonun, dewa katanya, gidapan way ban at yud gfon sa anya ngay fakonun.

Mikas 7:3

Kanya fagayu annanad wan gfakamulun at mauri. At ngay tagfangguna ay at ngay tagwabilug gbul famayad laman namakamulun at mauri. Ay gfaning way at mabalyanan fag ngay taw at fakaylatun, ay masadi yangay laman gfayud e masuad fagmatuyanun.

Sefanias 3:3

At ngay tagfangguna kata sik liun gsubang. Nu gakayabiun wan kanya fagayu kata sik idu talun tagrvbvy at fagnangonun, ay balabag di, we fasawadan ya.

Sefanias 3:4

Ay at ngay taglong nu gfakamulun gfangabanganan, ay bunwa sik fagfatigwanan. At ngay tagfon fanggalangun wa gfae masuad Dius at bale, ay wa gfaning Yawi at ngay suguan.

Malakyas 1:10

Yawi at Mabalyanan nalong yay fia te, “Am tua ban nangus at sadi tagdingding ku sakbawan bale, laman wam namae afuy sas fagirugan nu dway matuyan! Dewa katanya, kwa guseganan ayu ay kwa kaylat ay ngay fanggalangun sa angku.

Malakyas 2:9

Nu katanya, nafauri au ay nafapla ayu si sangay taw at daga salubangan aroro wam nafaning ku ngay balyawvtan. Ay nu gfoyung am e fagfili wayam.”

Tap 16:15

Muisis kadotama ay nalong sas Yawi te, “Lag gbul ya ngay taw at ngay fanggalangun. Kwe asalanan sa anya fagayu; kwe nabul nusdi sadik asnu siginan anya fagayu.”

Tap 22:7

Nu katanya, Muab ay Midyan at ngay fagtainan nalao gbuba at famayad sas Balaam laman namainsaful. Kanya fagayu nafoyung Balak at longan sa anya.

Mateu 3:9

Ay lag gamatangan te, ‘Ansak wan aroro Abrayam tua em mangaguyang.’ Amatangani, Dius ro mawat way Abrayam at ngay kasugfunanan dewa ste ginan fag ngay gang.

1 Timuteu 3:3

ay di glanguan, ay di gfangagras nu bunway malukme tua, ay di gfangalabian salapi,

Titu 1:11

At masine salagi wan fagayu tagfakamulun takatanya, aroro gfauri way tibak talanan at fagafanudun. Kanya kaylat gfoyung at yud masine, laman gbul ngayuk salapi.

1 Pedru 5:2

Alagai Dius at ngay tupa tagsi ayu. Dangay am gafabulunan, nu bunway useganani tua fia sa ay amatanganan, ay bunwa te, aroro kaylat am gyabulun salapi. Katanya tua Dius at fakaylatun.

Udas 1:11

Afanyuan kafag ngay taw! Aroro kanya fagayu nafaning Kain at fakamulun; ay maksvn nu galabian salapi kata Balaam; ay kamabo kata Kura. Nu katanya, kafag ngay taw umfaurianan yangay ban.

1 Samwel 8:3

dewa katanya, wa kata at mama. Aroro kafag dua gfangalabian salapi, ay gbul ngay taw at famayad siginan nu gfadiuganan dewa yud matuyan, ay gsaruy at matuyan.