Mikas 3:1 - Fanawbuid tagsibaliwas Fakayabian

¹ Sanya ginan, Mikas nalong te, “Israel ay Uda at ngay fun, dungugani! O nunda bunwa am tagfafasludan at matuyan?

Mikas 3:1 ပူးပေါင်းရင်းမြစ်များ

Nemyas 13:17

Nu katanya, nasalag au ay nalong sas Uda at ngay tagfangguna te, “Nataw ay fagfakamulunun takatatuy? O wam gfae tungkul ya Famiangalay fag Menit?

Alubad. 14:4

Seduge yaban at mauri fag ngay taw nu katogdungug? Kanya fagayu gfaylatan ku fagfanggunaun fag ngay taw laman mafabul kata at naylatan. Ay kanya fagayu wa gdarangin sas Yawi.

Isayas 1:10

Ay am fag ngay tagfangguna sis Suduma, dungugani fia Yawi at longan sa ayu, ay am fag ngay taw Gumura asafuli Dius at ngay faugali.

Esekyel 22:6

“ ‘Damai Israel at ngay fun tagbanwan si emu, kanya fagayu nagbilug at ngay fagmakatuun laman namabul.

Esekyel 34:2

“Taw at baguama, nangaringang o sabaliwas Israel at ngay tagulit. Nanlong o sanya fag ngay taw te, ‘Fun Dius Yawi glong te, Afanyuan am. Ay fagalagaun ay ngay sadili way. O nunda tagalaga tupa, bunwa tupa at fagalagaun?

Esekyel 34:3

Kon am at kindai fag fakonun at mawatan siginan ay fagalagaun fag ngay tupa at susu bilug, ay at ngay balat kawat am ay ngay lanbung, ay gfilas am at mafilian fag ngay tupa, dewa katanya wam galaga anya fagayu.

Esekyel 9:9

Kanya gbalus angku te, “Maksvn wan taw Israel ay taw Uda at asalanan. Ay maksvn wan nu gfadfabulan sit furuan ay we fagmatuyanun ya. Kanya fagayu glong te, ‘Yawi wa gdungug ya antam, ay natalyuyan wan.’

Usea 5:1

Yawi nalong yangay te, “Ngay taw Israel, dungugani, anggan am fag ngay tagfon fanggalangun, ay am tagbanwan sis fun at bale daul, aroro kadasug sa ayu sik faurianan: fagayu am kata am sik sangdaw, aroro nasangdaw am ngay taw tagbanwan sis Mispa ay sis Tabur.

Amus 4:1

Am fag ngay mangena takadungug sis Samarya, kata am sik ngay baka mataglu sis Basan. Ay fakamulun, gfaidapan am ay gfalingun ngay taw at yud e kwa, ay gsugu am ay ngay mangama te, “Namul am fanlangu ay nanginum watam.” Nu katanya, dungugani

Amus 6:1

Afanyuan am ngay tagfangguna sis Siun ay sis Samarya, aroro ay fakaylatun nu gbanwan am fagmabayanun way lang. Ay nu gamatangan am ay sadili, sik takadungug am fag ngay taw ay sik tagtungud sa tibak talun, ay sa wa ayu ay ngay taw nu nangakbang.

Mikas 2:13

Nanluang kban at nataban ayu fag furuan at sakbawan, ay gguna kban ayu gina am gduksun. Au Yawi ay Fun, at namangguna ban ayu.”

1 Kurintu 6:5

Ida, aplai tua. O we taw ya si ayu at mamatanganan tagsaful gfasine ayu fag ngay tagafanud nu nke fagidapun am?

Deuterunumyu 16:18

Fae tagwabilugi ay fae tagfanggunai sas galay sik kasugfunanan, sas fagayu furuan si ay Dius Yawi at nafon ayu. Kanya fagayu at nanwabilug ngay taw, yud e fagfadiuganan.