Mikas 2:7 - Fanawbuid tagsibaliwas Fakayabian

⁷ Ay wain, o nunda ban Yawi namaurianan wan Akub at kasugfunanan? O nunda we amatanganan ya gfalyam kafag ngay taw at asalanan? Ay o nunda at fakamulun wan tagfabul? Katatuy Yawi at famalus, “Ay fakamulun nu masine di, magbilug tua ban am ku ngay fatuyanan.

Mikas 2:7 ပူးပေါင်းရင်းမြစ်များ

Alubad. 119:65

Yawi, masine tua am nafakamulun sa angku am fagsuguan, kata am fatuyanan.

Alubad. 119:68

At kasine o anggan am ngay fakamulun. Nu katanya, foyungi angku am ngay faugali.

Alubad. 15:2

Ay Yawi gbalus te, “Ngay taw at manangakbang sa angku e ngay ugali takatatuy: Gugali at masine, ay glong at matuyan siginan at amatanganan at masine,

Alubad. 18:26

Malukme tuo sat matuyan fag ngay taw, ay kadotama o at yud matuyan fag taw.

Alubad. 84:11

Yawi em Dius, o wan em tagbalabag, ay em taggubuk, ay nafasik takadungug o emi, kata menit nu gyamag sa emi. Ay di o gsuksuk nusnge wain at masine sas fagayu tagugali at matuyan.

Fangatulun 10:29

At matuyan fag taw, nu gfaning tua Yawi at faugali, kanya wan tagdiri anya, dewa katanya, at yud gfaning, umfaurianan way.

Fangatulun 10:9

Sik taw tagugali sat yud e malong, e fagmabayanun tua, dewa katanya, sik taw nu mauri way at ugali, kasaful yay ban.

Fangatulun 14:2

Sik taw tagsuyu Yawi gugali tua at matuyan. Dewa katanya, takauri Yawi wa kaylat way at masine.

Fangatulun 2:7

Ay kanya galaga ngay taw tagugali at matuyan ay at yud e malong, ay sik famalabag sa sangay taw tagfakamulun takatanya,

Fangatulun 28:18

Sik taw tagugali sat matuyan, umlangfe siginans faurianan, ay sik taw tagugali sat mauri, gafaurianan wa vtv.

Isayas 50:2

Wain am fagyudun naylat angku ebi gina au bagu kadasug? Wain am fagyudun gbalus angku ebi gina au guro emu? O nunda kwa mafalangfe emu? Mafalanggang kway dagat siginan sik aringang. Ay mafakata kway talun at magong ngay liskung laman ngay albon umbul.

Isayas 58:1

Yawi nalong te, “Faksvni nu guro am ay lag gfaragang, kata budyung nu gawang! Longi sa ku ngay taw, Akub at ngay kasugfunanan at ngay asalanan ay at fakamaboun.

Eremyas 15:16

Yawi, ebi gina o garingang sa angku, nadungugan au emu, ay guseganan au am ngay longan, ay kabavn si ktua gugat emu.

Eremyas 2:4

Ngay taw Israel, Akub at kasugfunanan, dungugani Yawi at longan.

Usea 14:9

Am at ke fagsafulun, asafuli ay atogdungugi takatanya fagayu. Kasakan tua Yawi at ngay balyawvtan, ay at matuyan fag ngay taw gfaning tua, dewa katanya, kanya mauri way sa sangay taw takamabo.

Mikas 3:9

Am fag ngay tagfangguna sis Israel ay sis Uda, dungugani! Wam gfafasludan fagmatuyanun ay wam gfae masuad at matuyan.

Sakaryas 4:6

Kanya glong sa angku te, “Katatuy Yawi at longan am fagnanlongun sas Serubabel: ‘Serubabel, bunwa ban siginan am fagmabitsugun ay am fagmabalyananun nu gfawat o ku bale, nu bunway siginan tua ban ku Falad.’

Tap 11:23

Ay Yawi nalong sas Muisis te, “O nunda ku fagmabalyananun e fakatabuan way? Katsi ro lumag o te, o anud ku ngay longan kafasludan o ay mannga duan.”

Mateu 3:8

Ugalii at masine, laman gfalag am te, naubun wam ay ngay asalanan.

Uan 8:39

Kafag ngay taw gbalus te, “Abrayam em mama.” Isus glong anya te, “Nu matuyan tua te, Abrayam tuam at ngay sisian, gfaning tuam nangus at fakamulun.

Ruma 7:13

O at masuad at masine yay tagtaban angku sas fakabulun? Ida duan. Asalanan at nafabul angku siginan at masine, laman namalag sa angku asalanan at kaugalian. Nu katanya, Muisis at Faugali nafatuyan te, kaksvn nya asalanan nu mauri.

2 Kurintu. 6:12

Di oma e kurang nu kesug ami ayu, dewa katanya, am, nu kesug am emi wa maksvn.

2 Timuteu 3:5

ay kamaningan glong te, “Gfaning ami Dius,” dewa katanya, we kalag sit ugali ay sit fakamulun. Lag o gfaning takatanya fag ngay taw.