Mikas 2:3 - Fanawbuid tagsibaliwas Fakayabian

³ Nu katanya, Yawi glong sa ayu te, “Dungugani! Namaurianan kban ayu ay wa ban am umlangfe, ay wa ban am mafamatungudun ya.

Mikas 2:3 ပူးပေါင်းရင်းမြစ်များ

Isayas 29:20

Aroro umkalyam wan at madot fag ngay taw ay at ngay takamalingun. Ay umbul ban fagayu takaylat gfakamulun asalanan,

Isayas 3:16

Yawi nalong yay fia te, “Tagsis furuan Erusalem fag ngay mangena kamatungudun. Kaduge glao kamaseganinaun, ay nu gdama kamaylatan, ay nu glao kamasayaun, ay at famasine sit tiusan bitis kadkalingan.

Isayas 5:19

Ay nalong yayam te, “Taw Israel at Dius at yud e Malong, fasakiti wan nu gfadasug o am algan, laman lumag ami. Fafasludani wan ebi am nalong am fagnamakamulunun, laman sumaful ami.”

Eremyas 18:11

“Nu katanya, nanlong o sa sangay taw Uda ay sa sangay taw Erusalem te, ‘Dungugani! E algan au namaurianan ayu. Nu katanya, faragangi wan nu gugali am at mauri. Ay galay am at sadi ubuni wan ay fakamulun ay anggan ay ugali at mauri.’

Eremyas 27:12

Ay nalong kyangay sas Sedekya, Uda at fun te, “Faningi Babilunya at fun. Fakamuluni sa anya ay sat ngay taw laman ban gleleg tuam.

Eremyas 34:17

“Nu katanya, au, Yawi, glong au te, aroro wam nafaning angku ay wam nafalfas ay ngay fagsuguan ay ngay kaiban fag ngay taw Udyu, namalfas au ayu laman kabul am sas awayan, sas fanlunus ay sas fakasaitun. Ay namasik masuya au ayu sas fagayu fagfagtainanan at daga salubangan sas fagdaul daga.

Eremyas 36:23

Ay Yeudi nu gtap nu siwas fatulu ay sis faufatk talad, fun nabul at fiso sirut ay nagatvng wan sanya ginan fag afud rirukan, ay gukas sasad afuy yakmay kafag rirukan ankamin.

Eremyas 43:2

Asarya, Usaya at baguama, ay Ukanan, Kareak at baguama, ay tiba yak mangama takamuag nalong sas Eremyas te, “Kamuag way o! Yawi em Dius wa nasugu emu laman nanlong o sa emi te, wami masine glao sas talun Igiptu laman namanwan sanya.

Eremyas 8:3

Ay namasaruayan kban sa sangay talun at sawad fag ngay taw tagbanwan sanya fag talun at mauri, ay kanya ban fag ngay taw kaylat wan kabul nu gamut nu gleleg. Au, Yawi at Mabalyanan, taglong tuy.”

Takabalu 1:14

Kanya nafaful fagayu ku asalanan ay nafafasanan sa angku, ay kanya wa fagayu at nafatabanan angku. Fun Dius nafamomuy angku, ay nafababawan angku sa ku ngay fawayan ku fagyudun makatu gfawayan.

Takabalu 2:17

Yawi nafakamulun kata at algan. Kanya nafafasludan at nalong. Ay wa nfanyu ya giklas furuan Erusalem! Kanya nafae fagusegananun am ngay fawayan, ay nafabayan nu kamatungudun sat ngay fagmabalyananun.

Takabalu 5:5

Tagfafakamulun emi gfaidapan emi; mamomuy ami ay wami gfiangalay ya.

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Amus 2:14

Nu katanya, dewa at masakit glagyu, wa malagyu ya, ay at magaras fag ngay taw ummomuy, ay at ngay tagfawayan wa mafalangfe at sadili.

Amus 3:1

Ngay taw Israel, Yawi nafalfas ay ngay mangaguyang siginans talun Igiptu. Dungugani at longan sabaliwa ayu:

Amus 3:2

“Sas fagdaul daga, am wan ku nafili laman ku ngay taw. Dewa katanya, namaurianan kban ayu aroro sa ay ngay asalanan.”

Amus 5:13

Aroro katsi maksvn wan at fagmauriun, ay at ke fagsafulun fag ngay taw maragangan way lang.

Mikas 2:1

Ida am, tagintiugunan gugat gamatangan sat mauri. Ay balabag di gfafasludan am kata ay algan aroro e fagmabalyananun am gfakamulun takatanya.

Ruma 16:4

Kanya fag dadwa at leleg si was fakalimuun aroro sa angku. Ay bundi au lang taguseganan, nu bunway anggan tua at yud Udyu fag ngay tagafanud.

Efesu 5:16

Lag gfangulan ay buknga, aroro katsi mauri wan fagdaul daga at ugali.

Deuterunumyu 28:48

ay kanya ban namataban ayu sa ay ngay fawayan ay kabavn ban gfakamulun am laman sa anya fagayu. Kalunus ban am, ay kadanum, ay gayudan ay ngay lanbung, ay kamin ban fagayu nusnga setaw ay fagagbilugun. Kanya ban fagayu gfaidapan ayu yakmay ban am anbul.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.