Mikas 2:13 - Fanawbuid tagsibaliwas Fakayabian

¹³ Nanluang kban at nataban ayu fag furuan at sakbawan, ay gguna kban ayu gina am gduksun. Au Yawi ay Fun, at namangguna ban ayu.”

Mikas 2:13 ပူးပေါင်းရင်းမြစ်များ

Nu Galin 14:19

Sanya ginan, Dius at tagbarita ay anggan kafag turuk linyabu tagguna ngay taw Israel nalin wan sas faguyanan.

Isayas 42:7

laman at yud glag, glag tua, ay namalfas at ngay maubungan siginans fagmadulumun.

Isayas 51:12

Yawi nabalus te, “Au wan tagfasun ayu. Nu katanya, wain ay fakalimuun ngay taw takabul way kata ayu? Kanya fagayu kata sik makmak tagakalangkeun wan.

Isayas 52:12

Dewa katanya, lag gabanganan nu glo am, kata nu e faglagyuun am, aroro au wan Israel at Dius Yawi tagsi ay fagunan ay si ay faguyanan.

Isayas 55:4

Nafili au anya laman gfunan sa sangay talun at taw, ay siginan anya nafasure au ku fagmabalyananun sa kafag ngay taw.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Usea 1:11

Ay ginanya ban, ngay taw Uda ay taw Israel gdog yay kagamut, ay gfili ban at fun. Kanya ban fagayu gdog yay kaayu sit talun, ay maksvn ban nu guseganan sis Esreel.”

Usea 13:14

Kwa ban gfalangfe ayu siginans fakabulun, abat ngate, glong kban sas fakabulun te, ‘Fakabulun, dada wan am famauri? Dada wan am famabul?’ Kwa kafanyu ya ayu.

Usea 2:2

Ku ngay sisian, salagi ay mina aroro bunwa sia ya ku mangena ay bunwa au ya at mangama. Longi anya te, faragangi wan nu kamatugtug.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Mikas 2:12

Yawi nalong te, “Fagayu am at sawad tagbanwan sis Israel ay sis Uda, namaful kban ayu kata ngay tupa sis fagubungan, ay kata ngay gaban fagbaugun sas fagnamafangonan. Katanya yangay, umkayu ban am sa ay fagbanwanan.

Mikas 3:1

Sanya ginan, Mikas nalong te, “Israel ay Uda at ngay fun, dungugani! O nunda bunwa am tagfafasludan at matuyan?

Sakaryas 10:12

Gfabitsug kban ku ngay taw, ay siginan ku ngayan umke fagmanabayanun. Au, Yawi, taglong tuy.”

Ebreu 6:20

Isus naguna antam nasakbo sanya. Kanya ban sik tiba tungud fag tagfon fanggalangun kabavn kata Melkisedek.

Uswe 3:6

Uswe nalong yangay sa sangay tagfon fanggalangun te, “Bubai Fagsuadan Nasadian ay gunai ngay taw.” Ay kanya fagayu nafaning Uswe at longan.

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”

At Nafasure 7:17

aroro Tupa Riangan at malunggung sis faglunggungan tagsis wabilug, kanya ban tagalaga kafag ngay taw. Ay kanya ban nantabanan kanya fagayu sa sik ngay bulbug tagfon leleg. Ay Dius ban garus kafag ngay taw at liasun.”