Mikas 2:12 - Fanawbuid tagsibaliwas Fakayabian

¹² Yawi nalong te, “Fagayu am at sawad tagbanwan sis Israel ay sis Uda, namaful kban ayu kata ngay tupa sis fagubungan, ay kata ngay gaban fagbaugun sas fagnamafangonan. Katanya yangay, umkayu ban am sa ay fagbanwanan.

Mikas 2:12 ပူးပေါင်းရင်းမြစ်များ

Fakasigadan 36:33

Ay kanya nu nbul wan, Ubab, Sera at baguama tagsiginans Busra natubus anya.

1 Krunika 1:44

Ay Bela nu nbul wan, Ubab, Sera at baguama tagsiginans Busra natubus anya.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 27:12

Ginanya ban fag menit, Yawi namaful fagayu taw Israel siginans Liskung Eufrates sitsigons fagfamiluganan mamam sis talun Igiptu, kata nu gfaful rawvg gina fanrabasan.

Isayas 34:6

Yawi at fiso gatabaun ay gatagukun, kata nu gfilas sik ngay fanggalangun fag kambing ay tupa. Aroro Yawi namabul ban fagayu taw Busra kata sik fanggalangun. Ay ngayu yay at fagnamabulun sis talun Edum.

Isayas 5:17

Ngay furuan ban at marasrasan, at maramraman fag ngay taw at fagbanwanan ebi, umsik masine ban fag fagnamafangonan ngay tupa.

Eremyas 23:3

Namaful kban ku ngay taw at sawad siginan sangay talun nu inda nu gfasaruayan au anya fagayu, ay namafoli kban sat sadili fagbanwanan ay kanya ban fagayu gdog yay nangayu.

Eremyas 3:18

Ginanya ban, ngay taw Uda ay ngay taw Israel gadgaloan siginans fawalan fag alvngvdan siginan at fagatabananan ay kafoli sa ku nafon sat ngay mangaguyang fag talun laman at fagagbilugun.

Esekyel 34:11

“Au, Fun Dius Yawi, glong au te, nanrvbvy kban ay nangalaga ku ngay tupa.

Esekyel 34:13

Siginan ban tibak talun namaful kban kanya fagayu ay namuba kban sat talun. Nangalaga kban anya sanya sa sangay buksul, ay si sangay tigyangan liskung tagsis talun Israel, ay si tibak fagbanwanan fag ngay talun.

Esekyel 34:22

Nu katanya, namalangfe kban ku ngay tupa ay kwa ban kaylat kanya fagayu nu gdog gafalingunan. Namasaruayan kban at masine ay at mauri fag ngay tupa.

Esekyel 34:31

“Am wan ku ngay taw takata sik tupa tagsi ku fagfafangonan, ay au wan ay Dius. Au, Fun Dius Yawi taglong tuy.”

Esekyel 36:37

Fun Dius Yawi gfataglayun glong te, “Gdog kyay ban gdungugan ngay taw Israel at ngay fagetun, ay katatuy ban ku fagnamakamulunun sa anya fagayu: namayu kban anya fagayu kayu at fanggalangun fag ngay tupa galay fagmafulun sis furuan Erusalem. Nu katanya, ngayu bank taw at namanwan si sangay furuan ayu daul at kinrasras. Ay kanya ban fag ngay taw sumaful te, au Yawi.”

Esekyel 37:21

Ay longi sanya fag ngay taw te, ‘Au, Fun Dius Yawi, glong au te, namaful kban ngay taw Israel siginan at fagnangarapyagan fag ngay talun, ay namafoli sat talun.

Usea 1:11

Ay ginanya ban, ngay taw Uda ay taw Israel gdog yay kagamut, ay gfili ban at fun. Kanya ban fagayu gdog yay kaayu sit talun, ay maksvn ban nu guseganan sis Esreel.”

Amus 1:12

Nu katanya, nangirug kban Teman gasfuan Busra at mogat fag ngay afud.”

Mikas 2:13

Nanluang kban at nataban ayu fag furuan at sakbawan, ay gguna kban ayu gina am gduksun. Au Yawi ay Fun, at namangguna ban ayu.”

Mikas 4:8

Ay Buksul Siun, kata ban o sik bale ngabat fagulitan ngay fagbaugun, ay umsik mabalyanan ban o. Ay kafag furuan at ngayan yangay te, Erusalem, umsik tagtungud ban fag furuan sis Israel.”

Mikas 5:7

Ay at kinsawad ban fag ngay taw Israel umsik fanggalangun sa sangay talun. Ay kanya ban fagayu umkata sik ngay damug ay arak Yawi at nafon laman tagfatugbung ngay tanum. Ay kanya ban fagayu gafanud tua sas Dius bundi sa sangay taw.

Mikas 5:8

Dewa katanya, kanya ban fagayu gfae fagmauriun yangay sa sangay talun, ay madot ban kata sik liun nu nangagat ngay mela sasad araw, ay ngay tupa sis fagfafangonan. Ay liun nu e fagnangagatun way, gtulbu ay gyukfu ay wa gfalfas ya.

Mikas 7:14

Ngay taw Israel gdarangin te, “Yawi, alagai emi kata tagalaga tupa nu galaga at ngay tupa. Ngay talun sa em ligung, kasakan tua at fagfafangonan, dewa katanya, ami, siway mi lang sad araw. Fabiai em talun kata ebi gina ami sis Basan ay sis Gilyad.

Mikas 7:18

We tibak Dius tagtungud emu. Nafalyam tuo am ngay taw at ngay asalanan. Ay di o kadotama ya emi nu bunway guseganan tuo kesug emi.

Sefanias 3:20

Ginanya ban fag menit, namaful au ay namafoli ayu say ngay talun. Ay namauseganan kban ayu ay umsik takadungug ban am sas fagdaul daga. Ay gina kban gfafoli sa ayu at masine fag kayaunanan, lumag yay ban am fia takatanya. Au, Yawi, taglong tuy.”