Mikas 1:7 - Fanawbuid tagsibaliwas Fakayabian

⁷ Ay fagayu ban fagsegan tagsis Samarya umkirug wan, ay ngay mangama ban at famayad sa sangay mangena tagfaebayad umkirug yangay sat fagnansegan fag bale. Furuan Samarya anke ngay fagsegan siginan ngay mangama at famayad sa sangay tagfaebayad fag ngay mangena sit fagnansegan fag bale. Nu katanya, at ngay fawayan ban namul salapi ay gintu at mafasafungan sanya fag ngay fagsegan, laman at famayad yangay sa sangay tagfaebayad fag ngay mangena sit fagnansegan fag ngay bale.”

Mikas 1:7 ပူးပေါင်းရင်းမြစ်များ

2 Krunika 31:1

Ay nu ntabu wan at fagmafulun, at maful fag ngay taw Israel nalao sa sangay furuan tagsis Uda, ay kanya fagayu narufa fagayu famamatang ngay fagsegan fag ngay gang, ay ngay turuk fagtoglagan Asera fag fagsegan. Ay kanya fagayu naiklas yangay ngay fagnansegan si tangabat fag ngay buknga sis talun Uda, sis Benamin, Efraim, ay Manase. Ay nu naiklas wan kanya fag ngay fagsegan ay fag ngay fagnansegan, ngay taw Israel noli wan sat ngay furuan ay sat ngay mesa daga.

Isayas 2:18

ay fagayu ban at fagsegan umkalyam wan.

Isayas 23:17

Nu ntabu fituk safuluk banwa, Yawi nangamatang yay ban Tiru. Ay dewa katanya, Tiru gdog yay gfakamulun kata ebi at fakamulun, kata yay gugat sik tagfaebayad fag mangena. Ay namakamulun at mauri laman umke salapi siginans fagayu talun at ngay taw.

Isayas 27:9

Kanya ban fag ngay taw nu narasras tua at nawat at fagirugan fag ngay gang, ay nu narufa wan anggan andudug ay gfuan at ngay fagirugan famaebebanglu ay ngay turuk fagtoglagan Asera fag fagsegan, gfalyam kwan at ngay asalanan.

Esekyel 6:6

Ay fagdaul ban ay furuan kaiklas wan, laman ay ngay fagnansegan ay ngay fagnangirugan ay anggan ay fagnangirugan at mabebanglu fag lune ay tiba ya ay nafakamulun, umkalyam wan.

Usea 2:12

Nanrasras kwan at ngay tanuman wat ubas ay ngay fun kayu igus ngay mangama at famayad sa anya. Namafaut kwan kafag tanuman, ay takon ban at ngay rawvg, ngay mangilafang way lang tagsis talun.

Usea 2:14

Dewa katanya, nantaban au anya sas talun at yud e taw ay nandog au namaylatan anya yakmay nesug angku.

Usea 8:5

Kwa kaylat ngay taw Samarya at fagsegan fag baka. Maksvn nu kadotama au anya fagayu. Seduge ya ban kanya fagayu nu yud gfakamulun at masine?

Usea 8:6

Samarya at fagsegan fag baka, ngay taw Israel way at nawat. Kanya bunwa Dius. Matuyan, kanya ban karufa way.

Uel 3:3

Kanya fagayu nafafidfilian laman namasaruayan ku ngay taw, ay nafaebayad at ngay sisian mangama ay mangena laman sik ngay fagsuguan, laman e famayad fanlangu ay tagfaebayad fag ngay mangena.

Lebitiku 26:30

Nanrasras kwan ay ngay fagnansegan ay ay fagirugan famaebebanglu fag fanggalangun tagsi sangay buksul. Gukas kban ay ngay bilug sa ay ngay tungud fagsegan at yud gleleg, ay gaiyan kban ayu.

Deuterunumyu 23:18

Lag am gbuba sas Yawi at bale ay bulan fag salapi siginan takatanya fag balyawvtan laman ay fanggalangun sa anya, aroro takatanya fag fakamulun mauri way sa ay Dius Yawi.

Deuterunumyu 9:21

Ay sanya ginan, nabul au ay nawat fag fagsegan baka riangan, at nafae asalanan ayu, ay nairug au, ay narufa au kata lukbu ay nafalimus sasad liskung tagfamilugan siginans buksul.

At Nafasure 18:3

Aroro fagayu talun at ngay taw anke fagmauriun kata kafag furuan, ay kanya fagayu kata nu galangu. Ay fagdaul daga at ngay fun ansadi sa anya, ay ngay tagfalao sas fagdaul daga anramraman siginan kafag mangena nu gbayad kafag ngay tagfalao at ngay famalaoun laman gfaning at sadili fakaylatun.”

At Nafasure 18:9

“Ngay fun ste sfagdaul daga at kinsadi sa anya ay at nafaning at fakaylatun, kanya ban fagayu gwayway nu nalag nu kanus siginan at fagirugan anya fag afuy.

1 Samwel 5:4

Dewa katanya, balabag di, kafag ngay taw nu glag, at fagsegan gdog malub sis Fagsuadan Nasadian at daga salubangan. Ay at alfuyu ay at take fagdua anrabas wan, ay grapyagan sis sakbawan baliwa ay at sawad at bilug way lang.