Mikas 1:2 - Fanawbuid tagsibaliwas Fakayabian

² Fagayu am tagbanwan sas fagdaul daga, dungugani. Aroro Fun Dius Yawi nangaringang sabaliwa ayu siginan at Bale yud e malong.

Mikas 1:2 ပူးပေါင်းရင်းမြစ်များ

1 Fun 22:28

Ay Mikaya nalong te, “Nu nfoli tua ban o manabayan, Yawi wa naringang siginan angku.” Ay nalong yangay sa sangay taw tagsanya te, “Amatangi ku nalong.”

2 Krunika 18:27

Ay Mikaya nalong te, “Nu nfoli tua ban o manabayan, Yawi wa naringang siginan angku.” Ay nalong yangay sa sangay taw tagsanya te, “Amatangi ku nalong.”

Alubad. 11:4

Yawi gbanwan sit bale, sit faglunggungan sis banwa. Ay kanya ginsaful ngay taw at amatanganan.

Alubad. 24:1

Yawi tua tagagbilug fagdaul daga, ay anggan fagayu tagsanya,

Alubad. 28:2

Dungugi nu get au sa emu gubuk, kaduge au gfabat ku ngay take sit Mafasamanan Fia fag Suluk sim bale.

Alubad. 50:1

At mabalyanan fag Dius, Yawi garingang. Kanya guro gfaful sas fagdaul daga at ngay taw, siginans fakamenitan anggan sas fakayabian.

Alubad. 50:12

Dewa kman ro anlunus, kwa get fakonun sa ayu, aroro ku fagagbilugun way fagdaul daga, ay fagayu tagsanya.

Alubad. 50:7

Dius gdog yay glong te, “Ku ngay taw, dungugani ku fagnanlongun! Ngay taw Israel, au wan ay Dius. Au wan tagfatuyan te, e asalanan am!

Fangatulun 8:4

“Am fag ngay taw sas fagdaul daga dungugani ku ngay longan.

Isayas 1:2

“Au, Yawi, glong au te, am tagsis banwa ay tagsis daga, dungugani! Nalaga au ay nafagurang ku ngay sisian fag ngay taw Israel, dewa katanya, kanya fagayu kamabo way angku.

Isayas 18:3

Fagayu am tagbanwan sas fagdaul daga, fanyai nu e gfabat sik famasaful fag ramit sas tungud buksul, ay dungugani nu gbudyung.

Isayas 50:7

Dewa katanya, kdi napla, aroro Yawi tam Fun nagubuk angku. Nu katanya, nafaksvn au ku amatanganan kata sik gang, aroro nasaful au te, kdi ban umkapla.

Eremyas 22:29

Am fag ngay tagbanwan sis talun Uda, dungugani Yawi at longan.

Eremyas 29:23

Umfasludan takatanya sa anya fagayu aroro nafakamulun at maksvn nu mauri sis Israel. Kanya fagayu natugtug at ngay kaiban at ngay bubay ay nalong ku ngayan laman kamuag, deyud au nasugu sa anya fagayu te, fakamuluni. Saful kway at ngay nafakamulun ay nafatuyan au sabaliwa anya fagayu. Au, Yawi, taglong tuy.”

Eremyas 42:5

Ay kanya fagayu glong yay fia sas Eremyas te, “Yawi am Dius tagfatuyan ban nu dway mi gfafasludan at longan fagayu at nafoyung emu.

Eremyas 6:19

Ngay taw sas fagdaul daga, dungugani! Gfadasug kban sik maksvn fag faurianan sa sangay taw tagbanwan ste, laman sik faurianan sat ngay algan. Aroro kanya fagayu wa kaylat gdungugan ku ngay longan, ay wa nafaning ku ngay suguan.

Unas 2:7

Yawi, gina au gakabulun, nauro au emu, ay nadungug tuo ku darangin sim bale at yud e malong.

Unas 2:8

Ngay taw tagseg at yud e tungkul fag ngay fagsegan, wa kesug emu.

Abakuk 2:20

Dewa katanya, Yawi gbanwan sit bale at yud e malong. Nu katanya, fagayu taw sas fagdaul daga maragangani sit daga salubangan.”

Malakyas 2:14

Ay ginto am te, ‘Wain faginfasludanun takatanya?’ Anfasludan sa ayu takatanya aroro Yawi wan tagfatuyan te, naubun am ay ngay mesa mangena ay wam nafae masuad ay nasadian gina am kadadwa.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Deuterunumyu 32:1

Banwa dungugani, garingang au! Ay daga dungugani ku ngay longan.

At Nafasure 2:11

“Nusnga sinu at ke talinga, dungugani at Masine fag Falad at longan sa sangay tagafanud. Nusnga sinu tua ban at nababo, wa ban dumalan sas faduak fakabulun.

At Nafasure 2:17

“Nusnga sinu at ke talinga, dungugani at Masine fag Falad at longan sa sangay tagafanud. Nusnga sinu ban at nababo, gfon kban at masuksukan fag fakonun tagsiginans banwa. Ay gfon kyangay ban sas galay at sadi sanya fag ngay taw sik gang malaksi marirukan at mesa ngayan bagu, we taw nasaful nu bunway at nabul way lang ban fag taw.

At Nafasure 2:29

“Nusnga sinu at ke talinga, dungugani at Masine fag Falad at longan sa sangay tagafanud.

At Nafasure 2:7

“Nusnga sinu at ke talinga, dungugani at Masine fag Falad at longan sa sangay tagafanud. Ay nusnga sinu tua ban at nababo, kaylat kban kanya nu nangon tagfon leleg fag fun kayu at rawvg. Kanya fag fun kayu sis Dius at fagbanwanan.

At Nafasure 3:13

“Nusnga sinu at ke talinga, dungugani at Masine fag Falad at longan sa sangay tagafanud.

At Nafasure 3:22

“Nusnga sinu at ke talinga, dungugani at Masine fag Falad at longan sa sangay tagafanud.”

At Nafasure 3:6

“Nusnga sinu at ke talinga, dungugani at Masine fag Falad at longan sa sangay tagafanud.

Tagfangguna 11:10

Ay kanya fagayu nabalus te, “Gfadiuganan ami emu. Yawi tam tagfatuyan.”